يا فراشه قوليلي وحكيني..

السلام عليكم..
كيفكم يا فراشات.. شوفوا ترى انا مرا مالي في كتابات المواضيع ترى حتى في المنتديات مرا ما افهم .. بس مدري كيف ربنا في يوم وانا قاعده انطنط في دا النت إلا و ألاقي منتداكم .. وماشاء الله مرا عجبني ➡ و بس..
المهم مو هادا موضوعنا موضوعي هو اني حابه اعرف كل وحده تقولي إذا ليها تجارب مع الدعاء واتحقق لها اللي هيا تبغاه..تقولنا ايش كانت تبغى وكيف كانت تدعي.. وكيف كان شعورها فترة ما بتدعي ولمن أتحقق لها هذا الشي ..
انا والله مؤمنه و متيقنه انه ربي مجيب دعوات عباده كلهم.. ويعطي كل واحد حاجته.. يرزق من يشاء بغير حساب.. سبحانك ربي لا إله إلا أنت .. أنا الحمدلله مؤخرا أحس نفسي صرت قريبه من الله واسأل الله أن يثبتني على دينه طول عمري.. لكن صار عندي قلق من شي وهذا القلق مو راضي يروح مني.. أنا بأدعي الله في كل وقت انه ربي يقضي حاجتي وانا مؤمنه بربي حيقضيها ليا.. ولا تنسوني انتو كمان يا فراشات من طيب دعاكم ..
ان شاء الله تكون فكرتي وضحت لكم .. وبالله أبغى تفاعل وتشاركوا .. مو تدخلوا الموضوع وترجعوا تخرجوا .. يعني حتى لو ما عجبكم 😛 قولوا ما عجبكم .. ههههههههههه
ومرا شكرا مقدما..
اختكم: أحلى بنت شقيه ..