عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
مرحبا يافرشات
لكم مني اجمل تحية…………………..
المهم يا فراشات
اتمنى اخذ رايكم في موضوع
كان محور حديثنا انا و و امي امس
حوارنا كان حول انوثة البنت الي امي من رايها
انو البنت في عصرنا تقريبا فقدت انوثتها
مادري اذا كان هذا الكلام صح؟.؟
بس ماما من رايها انو البنت في عصرنا دا فقدت اهم شي
الحياء………. هل فقدت الفتاة فعلا حيائها
من وجهة نظر ماما تقول بنات زمان كانوا يستحو كان الحياء زينتهم
حتى ملابسهم ملابس بنات صح
بنات زمان كانو يتنافسوا على احلى الفساتين احلى لبس يناسبهم
بعكس دحين البنات يلبسو اللبس الي على الموضة حتى لو ما كان يناسبهم
ماما تقول مشرط البنت ما تلبس البنت بنطلون
بس بنطلون حلو يناسبها فيه شيئ من الانوثة
ماما مو قصدها يناسب انوثتها اي تبرز مفاتنها
مثلا ماما تقول فين الحلا انو البنت تلبس بنطلون مقطع او بلوزة مقطعة
تتذكروا يافرشات ………..
جات فترة قريبة مو من زمان مرة طلعت موضة الجنز المشقق والبلايز المقطعة كم في وكم لا
او البلايز القصيرة الي فوق السرة منظرها كانها قصرت لانها انقطعت
ماما تقول اش الموضو دي مرة ما تناسب البنات
مثال تاني:………………
ماما تقول اش الحلو انو البنت تبرز مفاتنها قدام الناس
مثلا تلبس بلوزة صدرها تقريبا كلو باين
او بطنها مكشوفة
او بنطلون ماااااااااااااااااسك على جسمها كأنها عارية
ماما تقول …..
ليش ما تلبس البنت لبت يناسبها كبنت شي يحسن نظرة الناس لها
في موضات بنطلونات حلوة
فيها شيء من الرقة تناسب البنت
بعكس البنطلونات الي طالعة دحين كانها لابسة لبس اولاد
او بعنى تاني
ملابس شحاتين
بصراحة انا مقتنعة بكل الي قالتو
ماما حتكتب دحين
مثال تاني انو البنت فقدت حيائها
زمان كان الولد يركض ورى البنت يعاكسها ويحاول يعطيها الرقم
دحين اعوذو بالله البنت تجري ورى الرجال تعاكسو و تعطيه الرقم
ليش انقلب الزمان؟
يابناتي حافظوا على نفسكم شكل البنت او استايلها بيضيع
ليش البنت اليومين دي بدات تسترجل حالها حال الولد
تخشن صوتها تتصرف زيهم ليشش؟
ربنا خلقنا بنات ليش ما تعيشة انوثتكم
كثير من البنات يقولوا ياليتنا اولاد
ليششششششششششش؟
يابناتي الانوثة احلى حاجة خلقها الله فينا
شي مو موجود عند الشباب
اكثر الشعراء كانو يصفون المرءة في اشعارهم
مقتبسين كلامهم من انوثتها
في فرنسا الفنانين شايفين انو المرأة محور الجمال كثير ما كانت المرأة محور موضوع لفنانين
شبهو البنت بالوردة في الحديقة في و يزينها الحياء بحمرة الخدود
تمتاز بالليونة لا تشبه البنين في العنف و الخشونة
يابنات حافظو على نفسكم هذا الي عندي
اتمنى اشفوف بنات زمان يرجعوا
ابغى اسمع ردودكم
بلييييييييز ابغى اعرف وجهة نظر كل وحدة
ولكم جزيل الشكر
عن
شاهد أيضاً
•·.·`¯°·.·• ( لا تصدقي عبارة أن الطيب لا يعيش في هذا الزمان) •·.·°¯`·.·•
..السلام عليكم ورحمه اللهـ ..كيفكم صبايا؟..ان شاء بصحه . و عآفيه.. / / / عيشي …