عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف الحال أخواتي شو أخباركم ؟؟؟
انا مابدي أطول بالحكي … بس انا في موضوع تاني سبق و ذكرت انو انا بكندا و مشتركه ب مجموعه اسمها ال MSA >> Muslim Student Association مجموعه بالمدرسه مسلمه .. بنعمل نشاطات و اشياء عن الاسلام
و احنا هلأ برمضان زي ما انتو عارفين .. و بعدها العيد .. و انا رئيسة المجموعه و بدي اعمل قدر المستطاع انو تكون احسن مجموعه
و يا أخواتي بالعيد … بدي أعمل هي كروت العيد…. انو الطلاب بيشتروهم علشان يبعتوهم لصحابهم .. و بنبعتهم معهم شوكولاته …
و انا متورطه و قلت ما الي الا مصممات الفراشه الخطيــــــــرات .. و انا متأكده انكم راح تساعدوني ( لا تفشلوني عاد اه) 🙂
ف بدي هيك تصميم حلو لبطاقه .. و انا حطيت الموضوع من هلأ علشان تاخدو وقتكم بالتصميم ..
وعلشان اسهل الأمر .. في عندي بطاقه من السنه اللي قبل الماضي .. تصميم قديم
بس بصراحه مو عاجبني التصميم .. انو مو كتير حلو
7
7
هاي من قدام .. بس الصوره كبيره ماعرفت أصغرها …
7
7
وهاي الصوره من ورى … انو علشان يكتبوا الإسم و هيك مسج يعيدوا
في شايفين الكرت حلو .. بس انو بدي شي أحلى .. انو يكون كشخه
و لازم نحط شعار ال MSA اللي هو
7
7
بس مو واضحه كتير .. لو لاقيت أوضح بحطها
لو لاقيت كرت السنه الماضيه بحطو .. انو تاخدو فكره أكتر .. انو الكرت يكون عن عيد الفطر
ف ياريــــــــــــــــــــــت هيك المصممات المبدعات يتكرموا علي و يساعدوني
و الله بدعيـــــــــلها الله يوفقها و عنجد بكون شاكره الها
بإنتظار ردودكم ؟؟ شكرا جزيـــــــــــــــلا و تقبل الله صيامنا يا رب 💡
