يا ناس اكره المزاجية

بداية ابغا اعرفكم عن نفسي

اسمي شوكولاين جدة
و عمري 27
و برجي الجوزاء الله يهده من برج 😀 هذا البرج على كتر ما قريت عنه في النت على قد ما كرهته ، برج هوائي ، تعرفو الجو كيف يتقلب مرة مطر مرة صحو رة شمس ….this is my probleme 😆 hy:

يا بنات تعرفو ليش انا كتبت ؟ لانه لقيت في مجلة واحد ولد قاعد يذكر مشكلته لدكتورة انه انسان مزاجي من برج الجوزاء ، و انه مزاجيته و تقلبه سبب تعاسته في حياته ، و سبب خسرانه لأصدقائه ، و هادا اللي بيصير معايا

بسبب مزاجيتي ، و عدم استقراري ، و تقلبي ، ساعات اخسر الناس اللي يحبوني و يخافو عليا ، و ساعات اجرح ناس كتير ، و تصرفاتي صارت زي المجنونة ، يعني تخيلو يا بنات ممكن دحين ابكي ، بعد دقيقتين تشوفوني اضحك ، و الله شي يفشل و يضحك في نفس الوقت ! 😥

والله اني ساعات اكاد اخسر اعز صديقاتي بسبب مزاجيتي ، نفسي استقر و اصير عاقلة ، نفسي احس باستقرار المزاج ، بس آآآآآآه ليش انا كده ؟؟؟ ماعرف

تخيلو لمن ازعل ، اتقلب عل كل اللي قدامي ، و ممكن اجرح ناس و تزعل مني ناس عزيزين عليا ، ليش كده يا شوكولاين ؟؟؟ مو عيب عليكي ؟؟؟:D

ارجوكم اللي زيي مزاجية تقوللي كيف تتعامل مع مزاجيتها ، و اذا وحدة فيكم انتقلت من المزاجية و التبدل و التقلب الى الاستقرار على حال ، الله يسعدكم انا مرة محتاجة ايش عملت 😀