عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أهلين صباياكيفكن؟؟
وربي احبكم واحب هالمنتدى
المهم
انا عندي مشكلة وصايرة افكر
فيها وبالمرررررة خايفة من الزواج بسبب
هالشئ
أنا العام خطبني ولد عمي اكبر مني ب6 سنوات
والحمدلله رجاااال وكريم وفيه دين وشايل مسئولية
بس انا طبعا رفضت لعدة اسباب:
1- انه انسان مدخن >>> وانا اختنق لا شميت ريحة السجائر
2- انه كان قبل كم سنة مخاوي له شلة شباب وكلهم خراب وراعين
بنات بس الحمدلله له 3 سنوات تاركهم >>> وانا بصراحة اخاف يرجع لهم
3- انه ما يعيش في الرياض
لان وظيفته في قرية ثانية >>> وانا ما ابغى ابعد عن امي
4- لانه انسااااان عصبي >>> وانا بصراحة اكره مالي العصبية بيعقدني وبيعقد عيالي وبيحط الحرة فينا وماراح يكون متفاهم
وانا عشان كذا رفضت
طبعا انا لما رفضته ابوي قال مو ع كيفك تاخذينه غصب
>>> ابوي قال هالكلام كاسلوب ضغط ليس الا // ولا احنا ماعندنا زواج بالغصب وماعندنا شئ اجباري البنت تاخذ ولد عمها
فعشان كذا قعدنا 7 شهور ماردينا لعمي خبر لا بالموافقة ولا بالرفض ع اساس
اني اقتنع واوافق
في الاخير ابوي اعتذر منهم 
والحمدلله ع كل حال الله ماكتب نصيب
والحين ولد عمي بيتزوج 😈 الله يوفقه ويسعده يارب
المشكلة::
مع ان ولد عمي بيتزوج الا انه لحد الحين وامي وابوي يحسسوني
بالذنب
كل شوي يقولون احنا الغلطانين اللي فوتنا علينا مثل هالرجال المفروض انا غصبناك!!!!!
وامي تقول
مافيها شئ تاخذين واحد يدخن انتي لاتزوجتيه بيقتنع
وبيخلي التدخين >>> واقولها اذا امه ما اقتنع منها وشلون بيقتنع مني؟؟؟؟؟؟؟؟ ➡
مع العلم بان لو واحد من اخواني يجرب يدخن بتطرده من البيت
فوشلون ترضاه لي ولا ترضاه لاخواني؟؟؟؟؟
وتقولي اذا ع البيت اشرطي عليه انك ماتطلعين برا الرياض وهو بيقدر ينقل وظيفته لهنا >>> اقولها فرضا انه نقل وظيفته
وسكنا في بيت هنا طبعا هو بيوافق في البداية
بس من يوم مايملكني واصير في يده بيقول:
انا ماراح اعيش في الرياض وابرجع للقرية عند اخوياي تبيني
حياك واذا ما تبين روحي لاهلك!!!!
طبعا لان البنت صعبة تتطلق فغصب عني بوافق
والمشكلة الاكبر
ان امي كل شوي تقول
بتشوفين بكرة بتاخذين رجال بيحط خشمك في الارض
عشانك رديتي ولد عمك هالنشمي
وابوي دائما يقولي بتندمين
وربي اخاف يوافق كلامهم ساعة استجابة وتقول الملائكة وجبت 😆 hy:
وربي يا بنات صرت اخاااااف من الزواج بسبب هالكلام 😡
كل شوي اقعد اقول
هل انا غلطانة لاني رديته ولا لا؟؟؟
يابنااات لو انا كبيرة في السن كان رضيت فيه
بس انا توني في 3 جامعة
العمر لسه قدامي ان شاء الله
وربي ان شاء الله يكتب اللي فيه الخير
بنات تكفون عطوني رايكم بصراحة
ابغى ارتاح
حتى لو بتنقدون علي انقدوا
انا راضية بس اهم شئ
تقولون لي اذا اللي سويته غلط ولا صح؟؟؟
جعل مثواكم الجنة يارب 😉
