::::::::<<< يدق الشوق في قلبي دفوف >>>::::::::

جبت لكم اليوم قصه من كتاباتي قصه حقيقه ولا تخلو من لذة الحب وآهاته و عنفوان المراءه وغرور الرجل

واتمنى اتنال رضاكم وتكون حازه على القبول

تعريف الشخصيات الاساسيه لقصه :::::

نبتدي بالجد ابو فيصل (( محمد )) راس العيله وعنده 3 اعوال وبنتين ترك شغل الشركه لولده فيصل ابو محمد واخوانه معه

الجده (( هيا )) ام فيصل لبى عينها ام الجميع مايهون عليها احد ودايما تحرص على ان عيالها يكون حولها وبكذا كل واحد بيته لزيق الثاني يعني كلهم في شارع واحد والطوفه على الطوفه والبيوت مفتوحه على بعض كنها قص كبير ما اتحب اعوالها يكون بينهم حواجز

الابن الكبير للعيله ابو محمد (( فيصل )) متزوج بنت عمه رجل عصامي بنا شركة ابوه بعد ما افلست ورجعها مثل ما كانت واحسن بعد وعلم اخوانه الثنين طريقته وحرص انهم يكملون دراستهم ودعمهم بالتطبيق اصول الشغل بشركتهم على فكره هو رجل عصبي وكلمته ما تثنا ابد رغم ان قلبه ابيض من ايش

(( مزنه )) مرت ابو محمد بنت عمه وتحبه من الصغر رغم انه اكبر منها باكثر من 15 سنه مرا راعيه واجب وعندها ابو محمد وش ما قال هو الصح حتى لو ما عجبها مهي من النسوان الي يمشونهم رياجيلهم لا هي لها استراتيجيه خطيره تاخذ الي تبي بس بروقان وطيبه بال العصبيه ما تنفع ههههههههههههه حركات

الابن الكبر لابو محمد (( محمد )) اول حفيد للعيله عمره25 سنه خلص دراسته الجامعيه ويشتغل بالشركه مع ابوه عمامه رغم انه كان رافض يكمل جامعته الا ان ابو اصر عليه يكون بيده شهاده تسنده صفاته بتشوفونها بالقصه

هيا بنت ابو محمد الوحيده 23 سنه تدرس بالجامعه ومهوووسه بالكمبيوتر وخصوصاً الفوتوشوب والتصاميم بنت خلوقه واخلاقها تحليه رغم نعومتها الطاغيه ويزيد حلاها خجلها الزايد مخطوبه لولد عمتها حصه سعود

تركي 19 سنه ولد دفش وغبي او تركيبته عجيبه هههههههههه كل اهبال العرب فيه يقلد ويتطنز على من شافت عينه من شاف في الشارع ضحك وعلق عليه يمشي حاله بالدراسه مامن خيرات بس هاه اسمه ينجح

خالد 17 سنه مدمن دراسه شي اسمه دراسه عنده اساس ويحب التحدي ويحرص ان محد في العيله يجيب مثله درجات عاليه وخوانه مسمينه المصري ودودة الكتب من كثر ما هو يحب الدراسه وهو المنافس الوحيد لبنت عمه سديم الي تقريبا كنها اياه

سالم اخر العنقود 15 سنه كل دلع الدنيا فيه وش ما قال قال ابو محمد تم حتى تالي الليل فز من نومه وركض وجاب له ما بغى

(( تركي )) الاخ الثاني لابو فيصل هو بو طلال رجل متعلم وجامعي وتقريبا كل الشباب يلجؤن له بحكم تفهمه لهم و مراعاته لهم صريح ولا يعرف يجامل وش ما كان الموقف ولا يحب الكذب موته ولا احد يكذب عليه في شي متزوج حب حياته (( سدره ))بنت عمه يتيمه وابو فيصل مربيها من كانت بزر ابوها وامها توفوا وهم بالطريق من الحج انقلبت فيهم السياره وماتوا قوام وعاشت مع عيال ابوفيصل حسبت وحده من بناته او اكثر وهو ما خلى احد من اهله ياخذها لانها بنت اخوه الوحيد وتكفل فيها من زمان

طلال 25 سنه توه راد من بريطانيا كان يدرس هندسه معماريه والحين يشتغل مع ابوه بالشركه وكاتم اسرار محمد ولد عمه من كانوا اصغار وبنتعرف اكثر ………….

ريانه 23 سنه تدرس مع بنات عمها في الجامعهبنت نعومه وجذابه وش قلت قليل عنها فيها شويه عوابه هههههههههه عوابتها موديتها ورا من كثر الشطانه كل يومين مسويه مصيبه يا تعهد ولا فص اسبوع من خبالها العبيط على فكره هي وهيا راضعين مع بعض وهم قراب حيل لبعض ولبنات عماتهم بالخصوص

روان 20 سنه فاشله دراسيه او ما خلصت لين الحين ثانوي ههههههههه اتحس انك قاعد مع فيلم كرتون مو بنت من كثر الهبال الي مسيطر على عقلها واي شي هبوا فيه العرب اتلاقونها او وحده رغم هذا كله الا انها جميله بس اهباله ما يخليها كل يوم يا تضبغ الشوشه يا اتقصها

(( سلمان )) 28 سنه اضعر اعيال ابو فيصل يدرس الطب في بريطانيا طلع ميوله علمي الولد هو الوحيد الي ماله علاقه بالشركات والتجاره دلوع من البابا وماما وخوانه ومحبوب من شباب العيله بنات وشباب ونصير للبنات ضد الشباب رافض الزواج نهائيا ولا يفكر فيه ابد رغم ان اهله يحاولون فيه بس ما في اذنه ماي وهو اوسم شباب العيله

(( حصه )) اكبر العمات شخصيه طيبه حيل وقلبها نظيف تزوجت من برا العيله بحكم ان ما لها عيال عم وانسانه مرحه
زوجها (( فهد )) ابو عبدالعزيز يشتغل في شركة اهله مع ابوه وتعرف على زوجته من ورا معرفته ابو فيصل لابوه وبكذا تم النصب حنون على بنته بالذات لانها الوحيده وماكله قلبه من المحبه يهاد في اخوانها ولا يرضى عليها من الهوا الطاير

(( سعود )) 27 سنه يدرس الطب مع خاله وشخصيته جديه جدا ولا يحب الضحك من غير سبب شكله رهيب يطيح الطير من السما من زينه شبه ابوه في كل شي الا الشخصيه هو جدي حيل خاطب هيا بنت خاله فيصل وختارها بسبب خجلها وشخصيتها الهاديه رفض كل بنات عمه واختارها

(( ساره )) 21 سنه تدرس في الجامعه مع ريم بنت عمها وخالتها واختها بالرضاعه بنت نعومه حيل ودلوعت ابوها من زود الدلع ما تنرد من شي الي تبيه صار

(( سلطان ))15 سنه تحفه الولد هذا عقله اكبر من سنه بمراحل يشد الرياجيل بالمجلس بكلامه وطريقته كنه رجال ابو 30 سنه من زين اعلومه الغانمه امه اتخاف عليه حيل

على فكره لهم ولد اسمه (( عبدالعزيز )) هو توأم سعود توفى من خمس سنين من مرض السرطان والعياذ بالله وسعود لحد الحين متأثر من موته كانوا دايم مع بعض ولا يفترقون نفس الغرفه والبيت ماشاء الله عليه كبير بس حبهم لبعض ما يخليهم يفترقون عن بعض ومطقمين في البس والسيارات وكل شي حتى امهم الي هي امهم ما اتميز سعود او عزيز من بعض وهيا اختيار عبدالعزيز لخوه وصاه انه ياخذه من كثر ماهو يبدي اخوه ويعرف وش الصالح له والعكس صحيح وهذا الي خلا سعود يصير جدي ييخاف يفقد احد

(( وضحه )) اصغر بنات ابو فيصل متزوجه اخو رجل اختها يعني خوات وحموات بنفس الوقت حرمه حشيم وسنعه وتحب لمة العرب حواليها اجتماعيه وتحب اتخالط العرب

(( حمد)) رجل وضحه متوفي من 3 سنين في حادث سياره شخصيته ولا احلى الله يرحمه

(( فهيد )) 25 سنه يشتغل محل ابوه في شركه العيله مع ان عمه ما يقصر وعمه يدري ان الولد كان يبي يدخل كليه الظباط بس تحمل يشيل مسؤليه امه وخوانه وبشكل الصراحه الولد تحطيم فيه شبه كبير من خاله سلمان بدرجه اتقولون توأنم

(( ريم )) او ريميه على قولة ابوها الله يرحمه 21 سنه مثل ما قلت تدرس مع اختها بالرضاعه الي هي بنت عمها وخالتها بنفس الوقت جميله كلمه قليله في حقها ولا توفيها من حقها(اول ابطالنا ) من كثر ما ابوها دلعها ما ترضى باي شي مطلعه عين امها من كثر الدلع ذوقها صعب حيل ولا يعجبها العجب وبتشوفون الدلع على اصوله هههههههههههه

(( نواف ونوف )) توأم 18 شاطرين في المدرسه اخر سنه لهم نواف علمي ونوف ادبي مشكله الي يجي بالنص ما يلاقي دلع ولا اهتمام هههههههههههه هذا كلامهم هم توم بس ما يتشابهون بالمرا ودايما ايتهاوشون مثل توم وجيري حمد تعب كل يوم يصلح فيهم لين رفع الرايه البيضه وستسلم منهم يتخانقون بغد 10 دقايق يضحكون مهبل

نبتدي البارت الاول ::::::::::

ابتدت العطله والبنات على النت يسولفون ومندمجين في السوالف والضحك والجده هيا اتشوفهم
وجدري لس انت وياها وجع كل وحده منكم مقابله الكميوتر وتضحك ما اتقولن امنا الكبيره خلها تضحك معنا وطرب عمرها حالها حالكم
البنات طالعوا بعض وماتوا ضحك على جدتهم
روان انسدحت في القاع وقعدت ترفس من الضحك على جدتها وريانه اتسكت في اختها وهي تضحك وهيا تضحك بس سايلنت ادموعها تنزل من زود الضحك والجده احترت منهم قامت عليهم بالعصا تبي تضربهم ونطت ريانه وهيا وطاح في ايدها روان الي اتمسكن لها وهي ميته ضحك
يمه فديتس وش هو له قومتس علي ذا الحين ما تسوا تعبتي ارجيلاتس على سبب تافه كان اشرتيلي واجيس في رسم الخدمه ولا اتقومين لا كذا ما يجوز والله عيبا في حقنا حنا بناتس الي ما اتهونين علينا ام فيصل اتطالع فيها لعنبو غيرس لفيتي السالفه لس يالله قومي جيبي لي ماي ابي اشرب حبه الضغط رفعتن ضغتي
ابشري لبى عينس دقيقه لا وش دقيقه ثانيه بس ابتسمت ام فيصل اشفيس منتي مصدقه احسبي لي الثانيه وشوفي صاروخ يمه تراني سريعه وضحكت عليها ام فيصل من قلب واشرت لها اتروح ريانه وهي بعيد اتصارخ يمه يمه هيا شوفيني شلون صاروخ وهي تركض وام فيصل تضحك عليها
الله يقطع ابليسس يا روان كانس خليتني اضحك وانا زعلانتن عليكم يومكم ما اتعلموني وش سالفة الضحك لفة السالفه وغيرتها لصالحه يا ربي ذا البنت داهيه وقعدت تضحك لين ما دخل ابو فيصل وهو يشوفها يا وجه الله وش العلم جعلها دووم ذا الضحكه ولا انحرم منها ام فيصل اتطالعه بنص عين استح يا رجال بنات اعيالك متحاولينا وش فيك ضحك على ام فيصل الي انحرجت من حكيه وقعد يضحك وهو يشوفها ويقول لبى روحس انا ابو فيصل وش هو له تستحين جات بتقوم الا ابو فيصل يجودها خلاص خلاص بسكت لا تروحين الا بدخلت روان والبنات وراها روان من الاحراج طيحت الصينيه من ايدها ونكسر قراس الي فيها والبنات يصارخون من قمة روسهم على المنظر الي قدامهم ريانه اتصفر وتقول ايوه يا ابو فيصل لمها لصدرك احلى هذي حركه جديده عليكم الا ام فيصل اتصارخ عليها طيب انا اراويس يا قليله التربيه صحيحي تركي ما عرف يربيس انا الي بربيس وابو فيصل عاده ماسكها من كتفها ويضحك ام فيصل اتشوفه دزة ايده منها وخرته عنها الظاهر انك يا محمد كبرت وخرفت
البنات : ياسلام محمد حاف من غير بو فيصل لالالا تطورات والله يا عيني على الحب الكبير
بو فيصل : يغمز لهم يبيهم يرفعون ضغط ام فيصل ما صدقوا خبر
البنات : تكفين يمه عطيه نظرت وله ترا ذا حبيب القلب الغالي جعلنا افداه يالله
ريانه :لحظه بجيب الكاميرا ابي اوثق اللحظه التاريخيه
روان: بسرعه قبل لا ينقلب الحال
الجده: انقلب على راسس قطار اعوج وانا استغفر الله
هيا : انتم اتشوفون يعني امي جده تبي اتصور
ريانه: بس كذا العن الي ما هوب بمصوركم ذا الحين
بو فيصل : نط وقعد عند ام فيصل يالله يا بنات كذا زين
روان لا يبه اقرب اكثر
بو فيصل كذا وانا ابيس ولا بعد اقرب
من شدة قرب ابو فيصل ام فيصل اجمدت وخصوصا ان البنات موجودات احرجها ومن هول الصدمه اقعدت ثابتها
روان : يبه لو اتحبها يكون احلى
بوفيصل احب راسها
هيا : لايبه خدها
ريانه : ايديها
روان المهم فيه بوس
ام فيصل صحصحت على كلمة بوس وتدف ابو فيصل والبنات يصورون كل لحظه وتقوم تركض لهم وهي اتوعدهم
ريانه اتصور وهي تركض من جدتها يمه لبى قلبس بشويش خليني اعرف اصور
ام فيصل : بعد اتصورين يا قليله الحيا يبه المهم فيها بوس يا ارحما ذا الوجها وانا استغفر الله
ريانه : يمه حرام عليس هذا توثيق لوقائع التاريخييه على ان الحب دايم ما يروح بين الزوجين والله ما اعرس
الا بواحد مثل ابي محمد ولا ما اعرس ابد
ام فيصل: جعل ما تعرسين وانا استغفر الله
هيا : روان جيبي الكامره خلينا انشوف
ام فيصل: هين انتي صرتي كنس اياها انا اراويكم ان ما علمت عليكم فيصل هو الي بياخذ حقي منك
روان: ونهون عليس يمه حنا بنات الي ما نعصاس فديتس انا كلش ولا ابي فيصل هو ما يعرف يمه ارحميني
ريانه : اي يمه وخصوصا في ذا الامور ما يحبنا انجيب طاريها ابد
ام فيصل : حست انها انتصرت وقالت خلاص ماني بقايه له بس وروني اذا انتم مصوريني ولا لا
هيا: ليه يمه
روان : اكيد تبي اتشوف يمكن حنا نلعب ولا لا
ريانه : يمه وش بيفرق اذا شفتي ولا لا
ام فيصل : بشوف صورتي بالكامرا حقتكم مطلعتني متينه ولا لا وبشوف عين السيح كيف شكله
البنات : هههههههههههههههههههههههههههههههههههههههههههههه
ام فيصل: وجع
ام فيصل : هاه وروني
روان : وريها ريانه وش صورتي
ام فيصل : يا ويلس اذا اتصوير مهوب حلو
ريانه : لا يمه ما صوت شي
ام فيصل : اشوف بس
ريانه : يمه ما فيها فيلم بس كذا تشتغل بلا نضحك مجنونه انا اصوركم علشان ابي فيصل يدبغني
هيا: لا حسافه صدق ما صورتي
ريانه: وهي اتخز هيا بنظره اتسكتها لا
ام فيصل : يالله خيره مرا ثانيه لا بغيتي اتصورين قوليلي خليني اتبرز لس فاهمه يا الداهيه
ريانه : والله يمه انت شي عجيب
ام فيصل : وجه وش ذا بعد قسم بالله ان حكيتم كلام مدري وشهو قايل علشان ما افهم يا ويلكم ترا هاه مابه سفر شوفوني قلت لكم
البنات: لالالالالا يمه خلاص محنا ابحاكين حكي ما ينفهم على قولس
ام فيصل : انت هيه روانوه روحي جيبي لي ماي يالله بدال الي طاح يعنني انا الي استحي يالله
روان : يمه الله يسامحس
ام فيصل: ولا يسامحس وانا استغفر الله
وانتم روحوا شوفوا لكم شي يالله انقلعوا
ريانه وهيا : انشاء الله
هيا : حسافه ريانه ما صورتي
ريانه : وهي تضحك ههههههههههههههه الا صورت
هيا : بس انتي قلتي لا
ريانه: غبيه انا اوريها تبين اتجيبين العيد انت
هيا : هاه مدري ليه
ريانه : ما عليه تعالي نروح فوق اتفرج هههههههههههههه
هيا : هههههههههه يالله

البار الثاني::::::::::::::::::::::::::::::::::::

في بيت وضحه ام فهيد :::::

ريم ريمو يمه قومي بسس نوم خلاص الناس صلوا الظهر قوي صلي وجع اشفيس
ريم: يمه جعلني افداس خليني شوي بس اشوي
ام فهيد: لا شوي ولا واجد يالله قومي
ريم: انشاء الله على ذا الخشم بقوم اسبح علشان اصحصح
ام فهيد: بعدي بنتي يالله
ريم: انشاء الله
اطلعت ام فهيد من الغرفه فكت ريم نص عينها اتشوف اذا اطلعت ولا لا وتنط على الباب تقفله وترد اتنام
ام فهيد : ريوم تاخرت بروح اشوفها
ريوم يمه اشفبس انتي تونسين شي يوجعس ريوم
ريم: لا يمه انا اسبح دقايق واطلع ارتاحي انتي
ام فهيد : طيب
ريم : ما هنت عليها امها الي اتحاتيها قامت تسبح وصلت ونزلت لمها
أم فهيد : هلا والله اي هذي ريوم الي انا خابرا
ريوم : فديتس انا والله
ريم: الا يمه وين العصابه ما شوف احد
ام فهيد: ههههههههههه الله يخسس عصابه مرا وحده
ريم : لا يمه عشر مرات ههههههههههه ما قلتي وينهم
ام فهيد : وين بعد في بيت عمس
ريم : غريبه يمه ما رحتي وين اروح وفهيد ما بعد صحى
ريم: ما صحى غريبه ما هي من عوايده ليه وش فيه اربه زين
أم فهيد بسم الله على ولدي ازين من الزين
ريم : الله واكبر وش ذا كله
ام فهيد : لفهيد جنين امهه
ريم ك الله لنا هئ هئ هئ هئ هئ
ام فهيد : لا يكثر بس هاه اكلي لس شي وتجهزي نروح لبيت همس
ريم: يمه الي يسمعس يقول بيت عمي في المريخ
ام فهيد : والله
ريم : يمه تراه ورا بيتنا لا ويقولون في ممر داخلي بينا وبينهم ندخل ونطلع عادي
ام فهيد : اتهزهين فيني هاه
ريم : لا ولو شو بنا
أم فهيد : اشتغلت ام الهجات
ريم : شو بكي لك تئبريني انا
ام فهيد: هههههههههههههه
ريم: دخيلوا انا الي عم يضحك اي هيك خليكي دوم يارب مبصوطه
أم فهيد : بروح لفهيد اصحيح يتغدا معنا
ريم: اجل ما صلى هو
أم فهيد: الا صلى وراح يريح له شوي على ما يخلص الغدا
ريم: انا بروح لبيت عمو
أم فهيد : كذا
ريم: اي وش فيه مهوب عاجبس اذا ما يعجبس اغيره بس هو عاجبني هههههههههههه
أم فهيد : لا مهوب معجبني ابد
ريم : ليه يمه
ام فهيد: لانه كاشف كراعينش
ريم:هههههههههههههههههههههههههههههههههههههههههه
ام فهيد: وجع وش له الضحك يمه انت ام نكته
ام فهيد : امحوق صرت لس نكته الله كريم
ريم: افا بس اخسي انا ان كان قصدي الي اتقولين انا اضحك عليس يومس انتقولين مطلع كراعيني ههههههههه يمه ذا برامودا عادي واذا طلعها وش الدعوه مني بعند غرب
ام فهيد: بر ولا جو هو ما يجوز عند اعيال عمس تلبسين كذا
ريم:هههههههههههههههههههههههههههههههههه
ام فهيد: اظن ما نكت عليس ذا المرا
ريم: ههههههههههههههههههههههههه اتأشر بيدها علامته النفي ههههههههههههههههههههه
ام فهيد : وبعدين
ريم: اشفيس نسيتي اني اختهم احل عليهم عادي
ام فهيد: هههههههههههههههههههههههههههههههههههههههههههههههههه هههه
ام فهيد: لشفتس اشلون كل يوم تكبرين انسى انس اختهم ههههههههههههههههههههههههه واقول زين من فهيد ما ايهادها وهي كل يوم ناطه عندهم
ريم : ههههههههههههههههههههههههههههههههه توس صغيره على النسيان يمه
ام فهيد: ههههههههههه على قولتس يالله انا بروح لفهيد
ريم: اشوفس اهناك

سلمان وسعود في الكافيتيريا ويمر عليهم شباب معهم وسعود واصل حده من خاله وخباله
سعود: وبعدين ياخي ما خلصت من ذا الهبال الي ما له داعي
سلمان : يا عزيزي اشفيك خلني استانس ما بقى بالعمر شي
سعود : احلف اخاف انت بـ60 وتعوض بس
سلمان: ههههههههههههه لا باواخر العشرين
سعود: اها وهذا انت قلتها المفروض انت الي اتوجهني مهوب انا
سلمان: والعياذ بالله من التوجيه ى الله يخليك ابعد عني فكرك الجدي
سعود: الله يخلف بس
سلمان : وش عليك انا ابي افهم
سعود: يقولون خالي
سلمان: خوا جنبك وش فيك علي كم مرا قلت لك لا اتقول اني خالك
سعود : ليه انشاء الله
سلمان : اتكبرني يا غبي احس نفسي شايب لا عندي ولد اخت كبرك لا نو وي اي كانت نو نو نو نو نو نو نو
سعود : اتنوني من مرض ايا الهيس انا اكبرك الا انت الي مصغر وجهي بين العرب
سلمان: ليه انت ورقه اكبرك وصغرك على كيفي ههههههههههههه
سعود: الشرهه مهيب عليك على الي يمشي معك بس
سلمان: مشكله يا اخي الي يتلزقون فيني وانا معطيهم وجهه ترا ذا من طيبي
سعود : الله يلعن الي ما يهج من وجهك ذا الساعه
سلمان: سعود
سعود: سم
سلمان : وين بتروح حدد اي اتجاه علشان ما اجييه
سعود: عيونه انفصت من حر ما يحس به
سلمان : يشوفه وهو ميت ضحك سعود: نفض بلوزته ومشى عنه
سلمان : ميت ضحك سعود سعود وقف
سعود: ما يلتفت له ابد
سلمان : وقف قدامه وهو يضحك وسعود ينافخ خلاص والله اضحك
سعود:انا ابي افهم شي واحد بس
سلمان : اي تفضل اسأل لبى روحك تفضل تفضل
سعود : اخاف اتقلطني على فنجال قهوه بس
سلمان :هههههههههههههههههههه حلوه والله
سعود: لا عجبتك
سلمان حيل بسجلها بالتاريخ سعود يقول نكته ههههههههههههههههههه
سعود: الحمد لله والشكر
سلمان : ونهم بالله وش عندك
سعود: اي انت وش عندك بلا اتمسك في بزارين خلق الله يومك اتحب البزارين اعرس وبازي بزارينك احسن من ذا كل يوم وانت رايح للحدايق وتلاعب بزارين العرب الا الغرب
سلمان هذي الثانيه
سعود: وش هي
سلمان : انك اتقط قطه
سعود: شف انا احاكيه عن شي وهو وين عقله هيه هيييييييييوه انت تفهم وش قلت
سلمان : يس اي اندرستاند وت آر يو توكن اباوت يس
سعود : او ريلي يو اندرستاندي وت اي تولد يو آهاه وت ناو
سلمان: ههههههههههههههههههههه عربي عربي
سعود: انت ما وراك فايده
سلمان :ههههههههههههههههههههههههههههههههههههههههههههههههه هه

البارت الثالث:::::::::::

طلال : اشفيس يا قلب علامس ارب كل شي زين معس ولا فيس شي ما تبيني ادري عنه
؟؟ :لا ولا شي بس ضايق خلقي شوي
طلال افا بس يضيق وانا موجود
؟؟لبى عينك انت لو مهوب انت كان مادري وش كان حصل والله
طلال هونيها وتهون لبى عينس
؟؟: الله كريم
طلال : اي نعم تراني متضايق يا قلبي من ضيقس وانت ادرى والله لو اني اقدر ان اتلاقيني قدامس طاير ولا اشوفس بذا الحاله
؟؟: ههههههههههههههه ما يحتاج اتقول
طلال اجل روقي مني حبيبتي الي انا خابرها
؟؟: ليه انشاء الله كم حبيبه عندك
طلال: وحده ربي خابرها وهي ابخص وانا افداها
؟؟: والله منهي انشاء الله
طلال : سوري ما اقول سر بيني وبينها
؟؟: والله يعني منت بقايل لي
طلال :نو
؟؟: طيب خلاص انا ابي اسكر تبي شي
طلال : افا وهون عليس اتخليني الحالي تالي ذا الليل
؟؟: روح لحبيبة قلبك اتونسك
طلال : وهذي هي بتخليني
؟؟: منهي
طلال : وهل يخفى القمر
؟؟: من
طلال : انت ما في قلب الا انت متربعه هنه انت لو اتشوفين وين
؟؟: وين
طلال: متربعه بالقلب لبى روحس
؟؟: فديت روحك
طلال: الله الله الله فديت الي اتفدى انا
؟؟: ههههههههههههههههههههههههههههههه
طلال بس بس قلبي بوقف حبيبت قلبي ابتذبحني لبى الضحكه وراعيتها
؟؟: فديتك انا والله
طلال : يــــــــــــــــــــــــا لـــــــــــبــــــــــيــــــــــــــــه
طلال: الووووووووووو انتي معي تكلمي
؟؟: وش اقول خليتني مقدر احكي
طلال : الا احكي

طـــــــــــــــــــــــــــــــــــــــــلال وجع انشاء الله
هلا سم طال عمرك
؟؟؟؟؟؟؟؟؟؟؟؟؟؟؟ جعل ما يطول عمر ابليس وش اتسوي
طلال : هاه
بو محمد : وش هاه من قال هاه سمع
طلال : والله يا عمي ولا شي
بومحمد ولا شي هاه
طلال: طلال منزل راسه بالارض مو قادر يحط عينه في عين عمه
بو محمد : ماشي ان ما وريتكم شغل الله عدل لعنبوكم انتم ما اتخافون على خواتكم من الي اتسووونه
طلال:………………………..
بومحمد : وين خويك
طلال: من
بو محمد: من هاه محيميد وينه
طلال: مدري
بومحمد ما تدري طيب
مشى بو محد في المجلس يدور محمد الا ويسمع صوت محمد وهو يضحك وضحكه شاق المجلس شيل سكت يبي يسمع محمد وش يقول وقعد يراقبه ومحمد ولا في البال ان ابوه يتسمه له ويضحك الا ونطق بكلمه خلت اطوف البيت من قوها تهتز
محمد: ابوي انا
بو محمد : مـــــــــحــــــــــيــــــــــمــــــــــــــيد
محمد: لف لا ارادي وشاف طلال يسوي حركات ينبها ومحمد يضحك على منظر طلال ويقول ليلي معه على الماسنجر ما علينه ذا طليل الخبل يسوي فيني دقه
الا ابوه يمعط منه المايك ويصارخ في البنت الي محمد يكلمها دخلت ابوه عليه هزته هز خلته مثل الورقه الي اتطيح من الشجر وهو يشوف ابوه يلعن ويشتم في حبيبته وهو ساكت مو قادر يرد ولا يتكلم بنص كلمه الا ويلف عليه ابوه وياشر على طلال يجي جنب محمد وحلف بالله ذي مرا وان عاد سويتوها اقسم بالله ان ما تركتوا عنكم ذا الخرابيط لا اتشوفون شي ما بعد شفتوه في حياتكم اتفووووووووووووووووووو عليكم من عيال كذا اللعب في اعراض الناس ما تنتخون من ذا التصرفات ما اتقولون عيب عندنا خوات انخاف عليهم بس وين هذا وانا اقول انت الي ينشد فيكم الظهر طلعتم مبزرا بعدين لو ذولا بنات محترمات ما قبلوا انهم يكلمونكم الا قليلات ادب ودين الحيوانات
الا بصوت محمد بحده على ابوه رجاء يبه لا اتقول كذا عنهم ذوا محترمات وبنات ناس
بو محمد: شتقول انت انت اتعلي صوتك على علشان كلبه اتكلمه
محمد: يبه قلت احترمها وش كلبه هماك اتقول عندنا خوات ليه اتقول كذا عنهم
طلال : مصدوم بمحمد انه يرد على ابوه معروف ابو فيصل اذا عصب ما عنده يمه ارحميني
بومحمد : بسم الله على بناتنا منهم ذولا الكلاب والعياذ بالله ولا فيه وحده محترمه اتغافل اهلها وتسوي ذا السواه
محمد : يبه
بومحمد: وحطبه
محمد: يبه انا احبها ابي اتزوجها
بو محمد: مصدوم في محمد الي دايما يفتخر فيه ويقول انه ربا رجال وقت الشدايد تلقاه لك عون وعمرا ما عصاه في شي وهو يقول انه عصاه الي ما اتعصاه
محمد: ابيها مرا لي حلالي على سنه الله ورسوله ولا تراني ما اعرس في عمري ابدا
بو محمد : من هول الصدمه رفع ايده على محمد وصطه كف من قوه طاح محمد على الارض
طلال : افا يا عمي ذا محمد ولدك استهدي بالله بس
محمد: يبه
بو محمد: يطالع في محمد وهو مصدوم
محمد: تراني ماني بتاركها لو شنو ما صار
بو محمد : علي بطلاق الحارم ان تطلق امك ان ما زوجتك بعد ما اتنقى لك ولا ليش اتنقى بنات عمك ثنتين اختار الي تبي
محمد: بنات عمي كنهم هيا اختي واكثر بعدين
بو محمد :عادي كنهم خواتك اصب علي انت بس ان ما زوجتك بنت عرب مانب بو محمد
محمد: يبه
بومحمد : انا طلقت طلاق ان تحرم علي امك ان ما تزوجت البنت الي انا اختار
محمد: لا ذي مهيب حياه انا اي بعرس ولا انت
بو محمد: شب والله وريتني عدل انا وش ربيت ونعم التربيه
طلال : افا بس يا عمي الا ربيت ونعم التربيه ربيت رجال ونعم
بو محمد :ههههههههههههه رجال اي كثر منها ذي
محمد: صرت مني برجال علشان رفضت الي تبيه
بو محمد : انت علبالك اني اضحك ولا لحظه غضب وتعدي لا سلامتك الا تحرم علي امك حرم عقب ذا العمر ان ما سويت الي قلت لك
محمد:؟؟؟؟؟؟؟؟؟؟؟؟؟؟؟؟؟؟؟؟
طلال : اسكت انت بس ولا عاد اتحكي طينت السالفه
بو محمد : وانت معه ماني ابو محمد ان ما زوجنكم في ليله وحده
وطلع وخلاهم مصدومين من الي صار طلال طاح من طوله على المعنز ومحمد طايح في الارض

اتمنى اتحيز على رضاكم في انتظار ردوركم

يا ترى وش راح يصير في الفيديو الي صورته ريانه لجدانها وسلمان وش سبب رفضه لزواج وحبه للاطفال وعزيز وحيرته وام فهيد شنو سبب النسيان الي هي فيه ومحمد وطلال وش بيصير عليهم بيرضون بالي صار ولا بيقاومون ابو محمد