عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرررحبا حريييم
اليوم جايبتلكم لوحة تقيييم سويتها لولدي عمره 4 سنوات
هاللوحه عباره عن جدول فيه السلوك اللي ابيه يتطور او أنميه
وفيها ايام الاسبوع
غلفت فلينه ببقايا الشامواه اللي استخدمتها بهالموضوع 😥
http://satfrequencies.com/girls/alfrasha119/thread1121780/
وسويت جدول وقسمته مثل ما انتم شايفين
وكل ماسوى سلوك معين حطيت له استيكر وجبت مجموعه كبيرة من الاستيكرات اللي يحبها
واقوله شوف ياماما عشانك نمت بدري من نفسك بالسرير ابحط لك ستيكر
واخله يلصقه بنفسه
واذا قام من سريره اقوله راح اشيل الاستيكر اذا مارجعت سريرك
طبعا لو تلاحظون ان طفل بعمر 4 سنوات مايقدر يقرأ عشان كذا اعتمدت على الصور التعبيريه عشان يفهم السلوك وكل الصور يابنات جمعتها من النت وطبعتها وقصقصتها وانتيهنا
أمي زعلت من الصورة الاولى تقول ان شاء الله هذي انا حاطتني عجيززز 
مع هالصورة صار ولدي ماشاء الله لاقوة الا بالله يتحمس يخلص اكله
وانا كنت اعاني من هالمشكلة انه مايااكل
هنا غسل اليدين وتفريش الاسنان الحمدلله يسويها من زمان بس حبيت اشدد عليها
عشان تصير طقوس ماقبل النوم
ويربط كل مافرش اسنانه تهيأ للنوم والعكس كل ماجا وقت النوم راح يفرش بدون ما اتكلم
أخر مهاره النوم مبكرا وهذي ساعدتني كثييير في ضبط موعد النوم واحترام الوقت
ونسيت اقولكم ان اللوحه ماتكلف شي غير الفلين وممكن ماتستخدمين التغليف الشامواه
ااخر مرحله ماصورتها وهي تغليف اللوحه كامله بالتجليد الشفاف حق الكتب عشان يحفاظ على اللوحه وتلصق الاستيكرات وتنشال ببساطه وبدون ماتخرب اللوحه
ويتم التقييم كل اسبوع
ولاتنسووووون اهم شي المكافأت الاسبوعيه للطفل عشان يتشوق ومايمل ولكن بدون مبالغه لان هذا واجب عليه يسويه بس احنا نشجعه انه ينميه اكثر
يارب يابنات اني اسهمت ولو شوي في حل مشاكل يمكن بعض الامهات استسلموا لها
واتمنى ان هالطريقه تساعدكم في ترتيب حياة اطفالكم
وفيه مهارات كثير ممكن تضيفينها لتنمية شخصيه ملتزمه بالوقت وبالسلوك الحسن
ولاتنسون ان ابنائنا امانه في اعناقنا
يارب ان موضوعي اليوم عجبكم
ولاتنسوني من دعواتكم لي بالستر والتوفيق
