عالم البنات النسائي كل ما يخص المرأة العربية من ازياء وجمال والحياة الزوجية والمطبخ
فى البدايه احب اقول بعيون تملؤها دموع الفرحه وبقلب يفيض سعاده لم اشعر بها هكذا من قبل
مبروك يابلادى
واحب اقول لكل مصرى مبروك انجازك فى التخلص من كل رموز الفساد وانتصار ارادتك القويه
ودلوقتى احنا خطينا اول خطوة فى طريق التغيير ورغم صعوبتها فهي تعتبر الاسهل مقارنه بما بعدها
العالم كله حاليا يتربص بالمصريين هل سينجحوا فى تطوير بلادهم ام ستغرق فى الفوضى
فى بعض الخطوات اللى لازم نبدا بيها عشان نتخلص من الفساد فى انفسنا احنا كمان
علشان لما نبدا طريق التغيير يبقى الكل جاهز
دى نشرة بيتم نشرها حاليا على النت للتغيير
دى مش مجرد كلمات دى دستورنا وطريفنا لحياة افضل مش لازم نقراها بعيونا ونقول ماشى لا لازم نفهمها بعقولنا كويس ونمشى عليها
انشريها واعملى بيها ترجمى حبك لمصر من مجرد كلمات ومشاعر لاعمال ايجابيه
علمى اولادك يحبوها ازاى علشان نبنى مصر كل العالم يقف لنا تحيه وانبهار
العالم كله بيراهن علينا ياترى هنقع فى الفوضى والهمجيه ونهدم بلادنا بايدينا ولا نبنى دوله قويه اقتصاديا وسياسيا وعلميا
وزى ما الفراعنه بنوا مصر بشكل يخلى العالم كله يقف مبهور بحضارتها حتى الان احنا كمان هنبنى بلادنا بايدينا
يلا نبدا سوا حمله لبناء مصر افضل بينا
اى حد عنده افكار يقولها لانها حمله كل المصريين
