عالم البنات النسائي كل ما يخص المرأة العربية من ازياء وجمال والحياة الزوجية والمطبخ
💡 مراحب يااحلى فراشات
ياكثر مانتكلم عن أنفسنا وأمهاتنا وعيالنا
وناسين إنسانه بالنسبه لي وأكيد لأغلب البنات مثلكم عنصر هام في حياتي
راح اخصص موضوعي عن هدايا الجدات ومن تجربه شخصيه
انا حيل أحب جدتي ولها فضل كبير بحياتي أوقات تكون معاي في شي أبيه وبصفي أكثر من أمي وأوقات أكون مريضه ألقاها حضن دافي يلمني بحب وحنان وعطف
السالفه مره من المرات أهديتها غرشة عطر وقطعة قماش وجلابيه لقيتها فرحة فيهم كثير كثير منا يتوقع ان الجدات مابقي لهم اللا خير الله يطول بااعمارهن
وننسى هالجزء الهام ونفكر انه خلاص مايهمهم يكون بحياتهم شي جديد ولكن من ردة فعل جدتي تغيرت هالنظره انا عندي بعد
وصايره اهدي جدتي عشان أشوف الفرحه في عيونها صدقوني لو كان شي بسيط حاتكون من بنت البنت او بنت الولد حاجه كبيره بالنسبه لها
يلا كلنا نقوم بهذا الحق ونرد جميل لإنسانه ننساها بمشاغل الحياة
ياريت تتكلمون عن تجاربكم مع جداتكم وفضلهم بحياتكم
ولو عندكم افكار جديده نرد فيها جميل الجدات ياريت ماحد يتأخر فينا عليها
