يليتني مملكت ولا نخطبت كنت مرتاحة والحين مهمومة اة بس كيف اترك التفكير طفشت وتعبت


👿 السلام عليكم ورحمة الله وبركاتة ➡

بدخل بالموضوع على طول وطفشانة ماني عارفة كيف اكتب او ابد بالسالفةانا نخطبت وليتني مانخطبت مرة طفشانة من نفسي وتعبت من كثر مافكر حتى وجهي مصفر وراسي اربع وعشرين ساعة يوجعني من كثر التفكير ولا احد يدري عن الي فيني غير رب العالمين فيني هم ماتشيلة جبال وربي ماتشيلة جبال وراح اقولة واكتبة بعدين هنا بس الحين مو وقتة اني اتكلم فية بس ابغا دعواتكم لي بتفريج همي ذبحني هاالهمة ادخل بموضوعي الي هو خطيبي مادري وش فية لا يتصل حتى تفكير ما يفكر فيني ابد ماحسيت نفس اني ملكت زيي زي اي بنت وفرحت مادري وش فية انا احبة بس الحين احس اني كرهتة وكل يوم اقول متى ربي ياخذ منيتي وارتاح من هالدنيا ذي كلها مادري وش فية هو حسد او عين انا اقول يمكن كذا هو في ناس كثير كانو يتمنونة وميتين علية ومنهم بنات عمة ميتين هم وامهاتهم علي حتى اخوياة بالعمل يتمنون انة يتزوج خواتهم وامة قالت لا امي في ناس كثير يبغونة بس هو يبغا بنت عمة القريبة الي تحن علي مادري وش معجبين الناس فية ويبغونة لاصلاة لدين دينة خفيف دايم بر البيت بس اكيد كل انسان في عيوب وان اقول ان شالله انها تتصلح مع الوقت تخيلو يوم شبكتي الناس كلها كنت تكلم عشان هم جلسوا عندنا بالبيت فترة عشر ايام يعني عشان ابوي عمة ودايم متعاودين انهم يجلسون عندنا والناس على بالهم انة كل يوم يشوفني وحركات رومانسية ودلع كذا برسهم جت وانا ماشفتة غير يوم العيد والشبكة تخيلو اليوم الي بعد الشبكة جو عندنا ناس بالبيت من الاقارب وقالت لي وهي توها داخلة ماشالله متى قمتي اني وياة استحيت ارد عليها قلت ببيتنا وعيب وهي ماستحت وطلعوا كلام كثير خلق الله حسيت اني متزوجة بالحرام اعوذ بالله او اني عنترة وعبلة وقصة حب وهو حتى كلمة حلوة ماقلها مرة طفشانةوالي قاهرني اختة ماتجيب لي اخبارة يوم اسئلهها عنة تقول طيب وبس يعني ماتعطيني اخبار عنة ابد ولا تقول سئل عنك او ايش والحين طفشت صرت ماعاد اسئل قلت بالطقاق ماتفرق وامي ماعمرة كلمها او سئل عنها ويوم اقول لا امي الله يطول بعمرها ويخلية لي تقول المفروض يكلمني واقول لا امي لا تقولين لا امة ماكلمني او كذا خلية يتصل من حالة بس للاسف مايتصل ودايم اقول لاامي واخواني ليش مايكلمني يقولون عيب مالة داعي تسوين زي البنات الي مايستحون امي مرة تقول المفروض يكلمك ويسئل عليك ومرة تقول عيب وبعدين يطفش منك ومرة تقول يمكن يستحي من جد طفشت نفسي بس يحن علي ويرسل على الاقل اعرف اني ببالة اوكون راضية شوي علية دايم اسئل نفسي واقول اذا حلالي ماقدرت اتكلم واسولف معة اجل وين الحب الي يقولون عنة والبنت ماتكلم الا حلال الحرام حرام اقول والله قمت اغازل بس اعوذ بالله من هالشي واستحالة يجي براسي او اسوية بس لية كذا وربي مرة منقهرة واعذروني واسفة على الاطالة والتخبيص بالكلام بس احس اني مرتاحة يوم طلعت الي بقلبي لكم مالي بعد الله غيركم ثقتي بالله ثم فيكم اجوا منكم خواتي الراي السديد بس والدعوة لي بضهر الغيب وكل من مرت على موضوعي وقراتة ولو ماردت بس دعت لي بضهر الغيب الله يجزاها خير ويوفقها والي ترد وربي مانساهة من دعائي لها بكل خير استنى ردودكم خواتي على احر من الجمر وشكر0

عن

شاهد أيضاً

يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم

السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …