يناس… أنا بحلم ولا بعلم؟!!

حبيباتي.. السلام عليكم ورحمة الله وبركاته..

معليش.. تراني اليوم مو على بعضي.. ولا تلوموني في اللي شفته!!

السالفة ياطويلات العمر..

اني اليوم وأنا بالجامعة.. بعد مانتهيت من محاضراتي.. رحت للاستقبال وجلست ع الكراسي أنتظر السايق يجي وياخذني..

وأنا جالسة في أمان الله.. الا و أسمع صوت البنات اللي وراي يسولفون..

والله اني ما كان لي خاطر أتسمع لسوالفهم.. لكن أصواتهم كانت عالية.. والموضووووع.. و آآه من الموضوع اللي يتكلمون فيه..

تدرون في وش كانو يتكلمون؟؟

هذا ياطويلات العمر.. يوم قطيت أذوني لسوالفهم إلا ويطلعون والعياذ بالله من البنات المنحرفات.. حشا والله.. وينهم وين الانحراف.. الا مجرماات والعياذ بالله..

وحده منهم.. وهذه هي اللي صوتها عالي حيل.. تتكلم وكأنها تفتخر.. وكأنها تقول ياناس كلكم تعالوا وسمعوني وسعوا سالفتي..

تدرون وش كانت تقول؟.. خذوا السالفة:

هالبنت وصاحباتها والعياذ بالله يكلمون شباب ولهم علاقات ومن ذا الكلام.. للحين الأمر عاادي>>من كثر ماشفت!!

لكن اللي مب عادي.. هو أنها وسط الناس تقول انها عملت علاقة مع شاب وكان يكلمها وتكلمه.. وبعد فترة طلب منها تخرج معه لكنها رفضت بحجة انها تمر بمشاكل وظروف معينة.. الشاب عرض عليها انها تشكي له وتخبره بظروفها عشان يساعدها.. “والظاهر ان مشاكلها مادية”

المهم بيوم عرض عليها انه بيساعدها.. وبيعطيها مبلغ.. وطلب انهم يتقابلون بشقه عشان يسلمها المبلغ..

طبعاً الاخت راحت معه.. وهم بالشقة فجأة سحبها لغرفة وبدأ يحاول يعتدي عليها.. “والله اعلم ان كان عمل عملته ولا لا”

المهم يوم كانت تقاومه طعنها بأداة حادة.. وكل هالشئ كان يتصور لأنه كان زارع كاميرات وقاعد يصورها وهي ماتدري..

المهم.. هالحين هي شكت ع الشاب للهيئة.. وقالت لهم اللي صار..وعلى أساس انهم بيساعدونها عشان يخلصونها من إبتزاز الشاب لها.. وياخذون منه الصور اللي صورها..

لكن.. تعالوا ركزوا معي زيييين.. تخيلوا.. البنت تضحك وهي مستانسة وتقول ان الشيخ اللي بالهيئة اللي ماسك مشكلتها يحاول يشبك معها!!!

تقول يكلمني بكل وقت.. بالليل بالصبح.. يناديني باسمي.. ومرة من المرات قام يدلع اسمي!! “حاميها حراميها”

وتواصل كلامها وتقول: والله ان هالشيخ معه شيخ ثاني.. حلوو وسيم.. فظيع مو معقول.. عيونه..عيونه تذبح..تذبح عيونه تذبح!!

والله ان السالفة طويله والكلام كثيييييير.. وأنا مالي خلق أكتب كل الكلام..

لكن.. هالبنت للحين تكلم شباب.. و الظاهر انها تحاول توقع الشيوخ بشباكها..

وتكلمت كلام.. والله من كثر ماسمعت منها.. والله ثم والله حسيت اني عايشة بعالم ثاني..

ينــــــــــــــــــتاس!! معقولة ان البنات وصلت مواصيلهم لهالدرجة؟؟

قاعدة تتكلم في نفسها .. في عرضها.. في شرفها.. بنفسها.. وعلناً قدام الكل..!!!

لها الدرجة وصلنا من المجاهرة بالمعاصي؟!!!