عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخباركم
انا ولدت الحمدلله وجبت ولد قمور يارب تخليه وتصلحه والله مابغى يجي الله يهديه تعبني معاه بس الحمدلله
تيسرت
اقولكم قصة ولادتي اللحين قبل لاتشتغل الونانه اللي عندي 😥
طبعآ أنا كان موعد ولادتي الأحد 10 / 7 ويوم رحت للدكتوره قالت الرحم مافتح معك ولا حتى عنده نيه أنا
كان عادي عندي الوضع متوقعه أتأخر يوم او يومين بس خفت يوم قالت لي معك ليوم الخميس اذا ماولدتي
نفكر بالصناعي ويمكن عمليه أنا وقتها جتني الصيحه ماتوقعت توصل لهدرجه
(وانا يابنات اهملت نفسي مامشيت الا بآخر اسبوع من التاسع مدري وش هالثقه عندي وهزأتني الدكتوره لما عرفت اني ماامشي وقالت بهذي ال5 الايام حاولي تمشين اقل شئ ساعتين تخيلوا ياالله تشيلين نفسك وتمشين ساعتين بس استاهل )
وطوالي اول ماطلعت من عندها رحت امشي وامشششششششي لين احس ظهري بينقص
<<<خخخخخخ الذله بنت حلال!
وصرت كل صبح ومساء امششششي لين جاء يوم الثلاثاء وجاني مغص من الساعه 9 الصبح وصبرت الى
الساعه5 العصر ورحت المستوصف وخلاص احسب اللي بي ولاده يوم كشفت علي قالت هالمغص ماهو
طلوق هذا بداية فتح الرحم وربي تحطمت يابنات المهم طلعت من عندها ورجعت امشي
وكل يوم امشي فيه اقول ان شاء الله اللحين تبدا معي الطلوق بس ماااش والله ماارجع للبيت الا انا هلكانه
من المشي وياالله اخذ نفسي والوم نفسي ليه مامشيت من اول التاسع!
طبعآ جاء يوم الخميس ومارحت لموعدي كنت خايفه تحط لي طلوق صناعيه او تحولني عمليه توكلت على
الله وجلست
يوم الجمعه بالليل بعد ماجيت من الممشى كانت قافله معي النفسيه لآخر درجه خليت زوجي يشتري لي
زيت الخروع ويوم وصلت البيت شربت منه ملعقتين ونص كبار مع عصير كنت ابي الطلوق تجي باي طريقه
وقالوا زيت الخروع زين
شربت ونمت كانت الساعه حوالي 2 بالليل انبهت الساعه6 الصبح معي مغص رحت الحمام وانتو بكرامه
اسهاااااال نزل كل اللي ببطني بعدها بساعه ونص رحت مره ثانيه ومره ثالثه بعد تقريبآ ساعه الين خلاص
احس اني دخت من كثر المغص بعدها توقف بطني بس المغص مسسسستمر وكل ماله يزيييييييد
كانت عندي اختي قلت ابروح شكلي بولد قالت اصبري يمكن مثل هذاك اليوم قلت لا هذا المغص اشددد
واقوى واقنعتني اصبر للعصر وشربتني كف مريم وقرفه لين طلع مع اذاني <<<تشبيه بليغ!
جاء العصر ورحت لها قالت فاتح الرحم معك 5 سانتي فرحت وقالت لي الدكتوره ع الساعه 10 تجين ان شاء
الله ولاده استانست ماجلست بالمستوصف طلعت امشي مع ان الوجع فيني مايخليني امشي خطوتين
على بعض بس ضغطت على نفسي وبس اطالع بالساعه ابيها تمشي بسرعه جت الساعه10 رحت لها
واخذت كل اغراضي كشفت قالت الى اللحين 5سانتي انا بغيت انجن قلت لها شلون احس الألم صاير اقوى
من العصر وخلاص مابي حيل ماهي معقوله مازاد ولاسانتي قالت البكريه كذا تتأخر ماصدقتها بس انا
خلاص مافيني حيل للنقاش قلت لأختي خليها تدخلني الغرفه الين تجي الولاده قالت نظام المستوصف
مايسمح ندخل احد للولاده الا اذا كان فاتح الرحم من 8 سانتي وفوق قلت وانا وش يصبرني احس بموت
من الألم قالت تحملي!! 😈 وعلى الساعه 6 الفجر تجين ان شاء الله تكون ولاده انا من سمعت الساعه
6 وانا خلاص وصلت فيني العبره من بيتحمل لهذاك الوقت خلاص هلكت وحسيت انها تصرفني مدري
ليييييه!
رجعت البيت وجلست اتوجع وكانت اطول ليله مرت علي بحياتي وصلت الساعه 4ونص الفجر
صرت احس اذا جتني الطلقه فيه شئ يدفع وكأنه راح يطلع من ورا اختي قالت هذي ولاده قلت لاااا ماني
رايحه الدكتوره قالت لاتجين الا والمويه نازله وانا مانزل معي شئ واخاف ترجعني مافيني روحه وجيه
مشوااااار وانا مااقدر حتى امشي الا وأحد يسند لي جلست نص ساعه وخلاااااص وصلت حدي قامت
اختي كلمت زوجي من وراي وجاء وانا اقول اخاف ترجعني قالت اختي ماراح ترجعك انتي خلاص اللحين
تولدين علينا رحت وانا شبه مغمى علي واون من الألم حتى صوتي راح وصلت وكشفت وقالت 9 يله ولاده
(شوي واقول لها مابغيتي تتكرمين علينا من امس وحنا رايحين جايين عليك) 😉
عطتني تحميله مع ان بطني فاضي لي يومين عايشه ع السوائل ورحت دورة المياه ولااستفدت طلعت على
طول على غرفة الولاده من شفتها جتني ام الركب وع طول قلت للدكتوره ابغى الكمام وابغى مسكن
خخخخخ خانقتني الدكتوره تقول يابنتي انتي جايه تولدي مو تنامي ههههه
وبهاللحظات صارت الطلوق مستمره ورااااااا بعض (يابنات لاتسوون مثلي انا كنت لما تجي الطلقه ارفع راسي
وهذا غلط حاولي تآخذين نفس طووووويل وادفعي وانتي منزله راسك تحت) المهم صرت مقدر اخذ نفس
لان طلوقي ورااا بعض وتعببببت لدرجة اضرب يدين الممرضه اللي جالسه تدلك فبطني واحيان تضغط عليه
بقوووه اذا جتني الطلقه احس مع ضغطها روحي بتطلع والدكتوره تخانق تقول اتركيها هي جالسه تساعدك
وانا ولاهنا
آخر شئ قالت لي الدكتوره اذا جتك الطلقه اكتمي وادفعي مع رجلينك يعني مع عضلات الرجلين والحوض
مهو البطن <<معرف اوصف اتمنى فهمتو
وسويت زي ماقالت والحمدلله ربي فرجها علي بعد ساعة تقريبآ ولدت وجبت حبيب قلبي احلى (عزوووز)
بالدنيا الله يخليه ويصلحه
ويابنات لاتنسون الدعااااااااء اهمممم شئ وكثروا من
ياحي ياقيوم برحمتك استغيث
يارب هون الطلق واحسن الخلق
يارب سهل ولاتعسر
آخرشئ يابنات ابي انبهكم على حاجه اذا جتك الولاده وكان الرحم فاتح من 4 وفوق على طول روحي
المستشفى واذا رفضوا يستقبلونك مثلي روحي لأي مستشفى ثاني اهم شئ ماتجلسين بدون مراقبه انا
يابنات لولا لطف الله فيني كان صاير شئ لايحمد عقباه أما لي أو للجنين أنا كل من قلت له سالفتي عصب
علي يقول لاسمح الله لو صاير لنبض الجنين شئ او الحبل التف مع حر الطلوق وش يدريك وانتي جالسه
بالبيت ؟!
بس ربي لطف وستر والدكتوره اكتشفت انها ماتبي تشقى معي فصرفتني 💡 وانا على وجهي مدري
وش السالفه
الله يهون على كل حامل ويسهل لها ولادتها ويرزق كل محرومه بالذريه الصالحه 😆 🙂
دعواتكم ربي يصلح وليدي ويرزقنا بره ويخليه
وهذي هديه من عزوز لكل وحده تدخل موضوعي 
