عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلآم عليڪم ..
مسآء / صبآح , رضى من الله 
أنا مررآ مبطيه عنڪن , ولڪن التععب يلهي الوآحد عن ڪلش
لوِ تشوفون ملفيَ الشخصي عندي موضوعينً هنآ , تتڪلم عن نفس الشي
ڪنت آفضفض لڪُم واسألڪم , الأغلبيه قآلوا لي إن فيني ( عين ) الله يڪفيڪم الشر
المهُم معاد أذوق طعم الرآحه أبد , وأحياناً تشتدّ علي وأشوف الموت بعيوني وآخرتها قبل أمس
بس نقول : الحمدُ لله على ڪل حال .. لآ ليلي ليل ولآ نهاري نهار , ومن عقب وفآة الوآلد
الله يرحمه من 6 شهوُر وأنا حالتي متدهوره , وزادني ضيق أنتم لأنڪن قلتوا لي إن اللي فيني عين
صرت أستغفر ڪثير و أذڪر ربي , ويخفّ شوي الحمد لله ,
أنا رحت آعالج عند أخصائيين نفسيين 2 .. وڪلهُم يعني آمممم مب مرآ
– الأولى ڪآنت بس تسأل وتتڪلم أقعد معهآ حوآلي 3 سآعات ومآهيب ذيڪ النتيجه
– الثاني مآڪان يمشي إلا بالأدويه , بالعربي دفع فلوس ع الفآضي
,
قآلت إمي أني حجزت لڪ عند دڪتوره مذڪورتن لي , يوم الأحد اللي هو أمس
قلت آوڪي , وجاء يوم الأحد وجت الحآله , قعدت أبببڪي قلت يمه تڪفين مآبي أروح
مآبي أطلع من البيت تڪفين قآلت قآومي أنا لي شهر أدور لڪ حجز عندهآ بس مآقلت لڪ
قلت آوڪي , ورحت هنآڪ و الحمدلله إنها قريبه من بيتنآ ولا 5 دقآيق
دخلنآ وإنتظرنا وأنا مڪتوووووومه وبس أڪح , جلست بمڪآن لحالي عشآن ما أتوتر
بدلنآ إحنا و حرمه الله يجزآها الجنه لأني مآقدرت أصبر أڪثر .. ودخلت عندهآ
والله يآبنات أني قعدت أبڪي , أول مرآ أبكي عند أحد غير أهلي , آرتحححت لهآ
هي آردنيه , ماشاءالله تبآرڪ الله دين وأخلاق وبشوشه وترتآحين لمآ تتڪلمين لهآ
وأقول لهآ عن اللي فيني .. قآلت أنتِ من قبل سنتين اللي صار لڪ , سبب لڪ ( نوبآت هلع )
والحينَ هي صارت ( إڪتئاب ) من عقب وفآة أبوڪ وڪذا ..
جلست معهآ يمڪن بس نص سآعه وعطتني 2 دوآء , وآحد بسبب إني ڪل مآ آڪل ارجعّ ( الله يڪرمڪن )
والثآني لحآلة الإڪتئاب , حتى موآعيدها حلوهـ ڪل 3 آسابيع , عڪس الدڪتور اللي قبل
حسبي الله ونعم الوڪيل , مآيفيد و غآلي و بعيد و ڪل 5 شهور ..
حبيت أقولڪن :
– إنڪن سببتن لي قلق ڪثير لمآ قلتوا إن اللي فيڪ عين الله يهديڪن ..
– و والله إن مآلي مصلحه وولا أعرف عنهآ شي هالدڪتوره لڪن اللي تبي رقم عيآدتها انا حاضره
لأني أبي لڪن الزين والله , وترآني فِ الرياض ^_^
– إن أهم شي بالحيآة الثقه الڪبيره ب الله , وإن ربي ما إبتلانا إلا ليختبر صبرنا ولأنه يحبنآ وإحنا مأجورين على هالتععب اللي نتعبه ..
– أبي منڪن دعوه صآدقه لي و لجميع مرضى المسلمين إن ربي يشفينآ ويڪون بعوننآ , وإني
أنجز هالسنه على خير لأن لي 3 أسابيع مآداومت بالمدرسه , والسبب هاللي فيني ..
– اللي عندهآ فائده أو شي إضافي لآتبخل علينآ , وأنا إن شاء الله إني من الصابرين لأني أدري إن فيه
نآس مثلي و آشد بعد , ومآلنا غير الدعآء و الصصبر ..
..
طبعاً أنا ماڪتبت هالموضوع إلا لأجل أفيدڪن + أفضفض لڪن .. وأقولڪن :
إنه مُب أي وحده تجي تفضفض لڪّن تقوِلون إن اللي فيڪ ڪذا و تزيدون همهآ هم
مفروض توآسونها و تخففون عنهآ , وتقولون إنتِ اصلاً بخير بس اللي فيڪِ أوهام
* أحبڪّن فِ الله .. أي إستفسار أنا حاضره لڪّن
