ღღ♥ღ`اللي نهَب قلبي منِ يْسار ღღ عسى مِنْ لي بَه يِروفون ღღ♥ღ`

🙂 😆 🙂 😆 idea: 😆 hy:
هذه روايه رائعه اشبه بمسلسل مكسيكي منتهيه بنزل اول جزئين اذا عجبتكم بنزل الباقي

اتركم مع مقدمه واجزاء القصه وكاتبها هو

عجــيــ اللريم ــــــــد

ღღ♥ღ`اللي نهَب قلبي منِ يْسار ღღ عسى مِنْ لي بَه يِروفون ღღ♥ღ`

السلام عليكم و الرحمه
احم احم
اول شي: بسم الله الرحمن الرحيم
ثاني شي:مرحبا بكل من حدر يقرا القصه
هاي اول قصه و اول مشاركه لنا في المنتدى
و اتمنى انها تعيبكم
نحن كنا مختاري اسلوب القصه من زمان و الفكره يتنا من مسلسل انجليزي و لكن لما شاركنا في المنتدى شفنا ان وحده من الكاتبات لها تقريبا نفس الاسلوب فقررنا ان انغير من الاسلوب شويه و السموحه من هالكاتبه و ترى مب تقليد و الكاتبه ماشالله عليها مبدعه و وحده الصراحه ما نعرف كيف نوصفها لان مكانها غير و نحن الا مبتدئيين و مره ثانيه نستسمح منها
القصه طبعا من كتابة قرووب ღعيـ الامارات ـالღ و قصه مشتركه من بينا و تنمنى انها اتنال اعجابكم
تعريف بالشخصيات :

ناصـــر و ماخذ بنت عمه مريـــم و عيالهم بالتالي :
احمـــد + شيخـــه و عيالهم >> ناصـــر / منصـــور & هـــزاع + ريـــم و بنتهم >> ميـــره & غاليه & حمـــدان & سهيـــل

سلطـــان و ماخذ بنت خاله ضبابـــه و عيالهم بالتالي :
سعيـــد + العنـــود عيالهم >> ســـاره / نهيـــان & ذيـــاب + فطيـــم بنتهم >> مريـــم & مبـــارك & كنـــه & مهـــره

خلفـــان ( خو سلطــان ) و ماخذ بنت خاله سلامـــه ( خت ضبابــه ) و عيالهم بالتالي :
مضعـــد + عوشه و ولدهم >> راشد & خليفه & ميثـــا & ظبيـــه

حزيـــم و ماخذ بنت خالته عاشـــه و عيالهم بالتالي :
حمـــده + حميـــد & عليـــا ( مخطوبه لولد عمها خالـــد ) & غيـــث

محمـــد ا (خو حزيـــم ) و ماخذ مـــوزه و عيالهم بالتالي :
حميـــد + حمـــده & خالـــد ( خاطب بنت عمه عليــا ) & سيف

الجزء الاول $ part 1 $

المكان : بيت سلطان
الوقت : الساعه ثلاث و نص 3.30
مهره : باباتي..
بو سعيد : لبيه..
مهره : باباتي اريد اسير عند ظبيوه اليوم بعد العصر..
بو سعيد : البارحه رايحتلهم تراج..
مهره : ابويه والله ولهت عليها و عندنا سالفه..
بو سعيد : ذاكرتي انتي ؟؟
مهره : هيه والله ذاكرت.. وجان تباني اليوم اراجع براجع بعد..من عنووووني..
بو سعيد : خلاص برايج لا تروحين اروحج خلي لندا اتوصلج..
مهره : فديييييييييتك باباتي انشالله بخليها اتوصلني.. وبعد المغرب بييب ظبيوه عندنا..
O0oمهرهo0O
$اوووووووه السموحه ما عرفتكم ع عمريه عاد انا وايد انسى احم احم نبدا..وياكم مهره سلطان ..عمريه 17..ثانويه عامه و القسم العلمي..الحين انا بسير عند ظبيه.. ظيبوه بنت عمي وانا ظبيوه اعــــــــــــز ربع..المهم بخليكم الحين شاااااووه$

بعد اذان العصر..طلعت مهره من غرفتها و هي متلبسه و جاهزه..طلعت للصاله و لقت اخوها سعيد قاعد في الصاله مع ابوها و امها و حرمت سعيد العنود..
مهره:سلامي للجميع
الكل:وعليج السلام
ام سعيد:وين بتروحين
مهره:بروح عند ظبيوه
ام سعيد:دومج عندهم انتي البارحه تراج مروحتلها خلها هي تيي..
مهره:امايه هيه بعد البارحه يتنا وانا رمست ابويه وهو موافق صح باباتي..
بو سعيد:برايها ترا الا بيت عمها..
ام سعيد:انت وايد مدلعنها..
مهره:اتغارين بعد امايه لان ابويه ايحبني اكثر عنج ..عنودي
سعيد:اصغر عيالج هي
مهره:سعود انا ارمسها بليز دونت دسترب..
سعيد:اتشوف ابويه طلعلها لسان بعد..
مهره:طويل بعد شوف..
جان اطلع لسانها
سعيد:بقص عنج..
مهره:عنادي وين عيالج وعيال فطيم..
العنود:داخل ..
مهره: يلاا بترخصكم انا بسير عند ظبيوه..
و توها كنه نازله من الدري..
كنه:ها ها سمعت ان حد بسير صوب ظبيوه.؟؟!
مهره:انا بسير صوبها..
كنه:صبري عيل باي وياج انا ..
مهره:شو خانتج انتي..
كنه:ابويه اسير فياها..
بو سعيد:برايكن عاد لا تطولن عليهم..
كنه:انشالله ابويه..
O0oكنهo0O
$كنه ناصر ..عمري 19 سنه..ادرس ثاني سنه جامعه..تخصصي ادراه واقتصاد..يلاا برايكم مافيه مهاري تحشرني بعد..بايووو$
طلعت كنه مع مهره وروحن صوب بيت خلفان ..وهن حادرات شافن عمهن خلفان وحرمته سلامه في الحديقه فارشين حصير وحاطين فواله و دلال القهوه والجاهي و غسول وقاعدين..
مهره&كنه:السلاااااام عليكم..
بومضعد&ام مضعد:مرحبا الساع مرحبا الساع وعليكم السلام والرحمه قربن بناتي..
و ويايهن البنات عمهن وعمتهن
مهره&كنه:شحالك عمي وشحالج عمو..
بو مضعد&ام مضعد:بخير يسركن الحال شحالكن انتن ..
مهره&كنه:بخير يعلكم الخير..
مهره:فديت عمي انا وينك انت امره ما تينا ..
بو مضعد:انشالله بنيكم باجر وبنتغدا عندكم..
مهره:انشالله..
بو مضعد:شحال الاهل ..
كنه:بخير عمي و يسلمون عليكم..
بو مضعد:الله يسلمج وياهم من الشر..
مهره:عمو وين ظبيوه وميثاني..
ام مضعد:في حجرهن البنات ..
مهره:و وين مضعد و عوشه و راشد..و خلوف وين؟؟!
ام مضعد:راشد و عوشه في بيت اهلها و بيردون بعد المغرب انشالله ومضعد في الدوام و خليفه عند ربعه..
نشن البنات من عن الشيبه والعيوز و حدرن البيت وروحن صوب غرفه ميثا ..
مهره&كنه:السلااااااااااااااااااااااام عليكم..
ميثا:وعليكم السلام ..
مهره:شحالج ميثاني..
ميثا:يسرج الغاليه ..
كنه:يلاا يا اخاتاه طلعي من الحجره..
مهره:الا يقول حجرتج هي..
O0oميثاo0O
$الين ما يخصلن ضرابه بعرف عمريه..اسمي ميثا خلفان ..عمري 19 سنه..ادرس مع كنوه نفس التخصص$
كنه:يلاا لا تخليني اطردج ظهري بكرامتج..
مهره:اوكي اوكيه باااااااايووو..
طلعت مهره من حجره ميثا و روحت صوب حجره ظبيه
ظبيه:هلاا والله هلاا بمهاري..
مهره:اهلين وسهلين..
ظبيه:شحالج..
مهره:ترتوب اند يو..
ظبيه:تمامو..
مهره:دوووووم..
O0oظبيهo0O
$ظبيه خلفان ..عمري 17 سنه..ثانويه عامه والقسم العلمي..ادرس مع مهاري في نفس الصف..شخصيتي و شخصية مهره تقريبا نفس الشي و وااااااااااااااايد انحب بعض$
مهره:ااااااااااااااااااااااااااااااااااااه يا ظبيوه المهرجان قرب
ظبيه:هيه والله ماباقي غير امتحانات وبيينا المهرجان
O0oمهره&ظبيهo0O
$لالاا نحن مب من النوع الا ايحب يطلع وايد “اونه” لكن المهرجان احلى شهر بالنسبالنا ليش؟؟
مهره: بتقولين انتي والا اناا اقول..
ظبيه:قولي انتي..
مهره:احم قبل 3 سنوات كلنا كنا مروحن التراث و كل حد روح في صوب يتمشى و يتشرى اما انا و ظبيو فانموووت على الرزف واليواله فكنا قاعدات عالكراسي في السيد الثاني و كنا نطالع الشباب الا يرزفون وايولون مع سعود الكعبي و شفت واحد شو اقوللكم حليو لا هالكلمه ما اتسد عسب اوصف حلاته كان لابس كندوره بنيه و متسفر بسفره تقريبا نفس الون وهو اسمر و طول و عرض و خشم سيوفي عيون سود و وساع و صدق صدق دخل خاطريه لكني ما كنت احبه معجبه وكان ايول و كــ
ظبيه:بس بس جب الحين دوري ..مهروه كانت اتخبرني عن هذا الا لابس بني وانا اطالع واحد لابس كندوره بلون بيج و سفره بنفس اللون ابيضاني و انا من شفته وسرحت فيه ما حسيت بعمريه الا بقرصه قويه من مهاري ..
مهره:خخخخخ..
ظبيه: و خبرتها عن الا لابس بيج من يومها انا مهاري انروح الثرات بس عشانهم و ماشالله عليهم كل خميس و جمعه في التراث و وديات الاربعا بعد..
مهره:نحن عاده ما نعرف اساميهم ولا نعرف شي عنهم ااااااه متى بشوفه والله كملنا سنه الحين يلاا ما بقى شي عالمهرجان..$

المكان : بيت ناصر
الوقت : الساعه سبع ونص 7.30
O0oسهيلo0O
$قبل الكل انا بعرف نفسي..وياكم الشيخ سهيل ناصر ..عمري 17سنه..ادرس ثانويه عامه القسم الادبي..وادعلولي انجح وافتك و اخذ سياره..اففففففففف كشخه والله بسير صوب العزب واسوي الا اباه ..يلاا برايكم الحين ابويه ياي بسير اسلم عليه..مع السلامه$
ظهر ابوهم صوب الصاله و نش سهيل مع حمدان و احمد وسلمو عليه و اتوايهو
بو احمد:عيل وين هزاع عنكم..
احمد:جنه الا في الدوام بعده ..
حمدان:هيه خبرنيه هو انه بيتاخر اليوم..
O0oحمدانo0O
$حمدان ناصر ..عمري 19سنه..خلصت دراستيه و الحين افكر اداوم في الشركه مع خويه احمد..لالا انا مب ويه شغل شرات اخويه نحن ما صدقنا افتكينا من الدراسه لكن بداوم عسب اسيرو اعاون عميه الا في العين حليله ما عنده شباب كلهن بنات و ولد عميه بعد روح ايعاون عميه في الشركه اهناك $
بو احمد:قلتله ايساعدك في الشركه ما طاع والاجان الحين في البيت عندنا هو لكنه يبغي ايداوم في الشرطه..
احمد:برايه ابويه عندي هالاثنين انشالله بيعاونونيه..
حمدان:انا بعاونك عاد ما نعرف سهيل..
سهيل:انا خلونيه اخلص دراستيه خلاف بفكر والا يمكن اسير الجيش ما ادري والله..
و دخلت ام احمد عليهم في هاللحظه..نشو الشباب ايواهونها
ام احمد:وينه هزاع عنكم؟؟
احمد:امايه بعده في الدوام اليوم يمكن يتاخر طشونه..
ام احمد:حليله ولديه..
سهيل:وانا امايه حليلي 24 ساعه اذاجر لاجل عيونج..
ام احمد:انت الغالي فديتك انا
سهيل:فديت روحج امايه
حمدان:هيه و شو تبا بعدك انت وهزاع عيال امكم الا انا و احمد عيال ابويه صح ابويه
بو احمد:هيه هيه..انتو عيالي بس فكنا
حمدان:هيه انت دومك الا جي اقول سهيل قوم خلنا نطلع مليت انا
ام احمد:وين بتسيرون
حمدان: بنسير ناخذ لفه عالفريج وبنسلم عالربع و بنرد
ام احمد:جان الا اتعشيت وخلاف سرت ابويه
سهيل:ما بنبطي امايه بندر بسرعه
بو احمد:برايكم عاد لا تبطون والا بنتعشى بلياكم
سهيل:لا ابويه بنرد بسرعه
ام احمد:هالله هالله ف عماركم..ما اوصيك حمدان
حمدان:لا توصين الغاليه حريص..
طلعوا حمدان و سهيل اونهم بياخذون لفه عالفريج لكنهم بيروحون صوب مركز من المراكز ايطيحون كمن غرشوبه
في مركز من مراكز بوظبي
سهيل:احم احم نسبة الغراشيب اليوم 1%
حمدان:اقول سهيل خلنا نطلع احسن
سهيل:هيه هيه بعد ما اتكشخت وين بتودني لا ابويه خلنا اهني احسن
حمدان:اففففففففف كم بجاله المهرجان
سهيل:امممممممم احيدهم ايقولون بعد الامتحانات بيكون 12/1
حمدان:والعثره
سهيل:شياك؟
حمدان:شوف شوف اهناك
صد سهيل يطالع الشي الا حمدان كان يطالعه والا شافه شلة بنات يمكن 7 او 8 بنات يتمشن رباعه و سادين الدرب
عاد شبابنا ماشالله عليهم حليييييييييييييوين و بعد متكشخين الا جي و ايطيحون بالبنات والا يوم يتكشخون من الخاطر ما يخلون حد..
سهيل:شوف انت شوف كيف يطالعن
حمدان:ما عليك منهن لا تسولهن سالفه
مرو الشباب جان يوفقون يدام البنات لانهن كانن سادات الدرب و لكن البنات ما عطوهم درب
سهيل:بغينا انمر الشيخه
O0oسهيلo0O
$اي شيخه حظرتها ما ادري وين سرحت. .حووووووووووو$
سهيل:الشيخه ممكن انطوف
باسمه:هااا
O0oسهيلo0O
$همباا $
سهيل:بغيت امر الشيخه
باسمه:السموحه
و طاف سهيل و باسمه بعدها تطالع لكن مب فيه هو في حمدان لان حمدان ماشالله عليه لابس كندوره رصاصيه وسفره ع نفس الون اما سهيل كان لابس كندوره بيضه وسفره بيضه
كل وحده كانت اترمس الثانيه و نصهن اياشرن ع حمدان و نصهن ع سهيل و محتارات في عمارهن منو فيهم دخل خاطرهن حمدان والا سهيل ما يعرفن لانهم صدق حليوين
سهيل:ههههههاااي شفتها كيف تطالعك
حمدان:جنها الا اول مره اتشوف واحد..خلنا نحدر اهني باخذ شي
سهيل:شو بتاخذ
حمدان:باخذ شي لغاليه
سهيل:ولا تنسى بنمر صوب محلات الالعاب ناخذ شي لليهال فديتهم انا
حمدان:خلنا نحدر اهني اول بادي
حدورا المحل
حمدان:سهيل غاليه شو اتحب
سهيل:وانا شعرفني في سوالف البنات
جان تي وحده من البنات و توقف حذال سهيل و لحقتها ربيعتها و وقفت حذالها
مي:حلو هذا صح
امل:هيه حلو بتاخذينه
مي:ما يبت بيزات
حمدان قام ايصاصر سهيل
حمدان:شوف شو بسويبهن
حمدان:الشيخه بتاخذينه انتي
مي:ودي انا لكن مب يايبه فلوس والله
حمدان:اهاا..خلاص هاتيه انا باخذه
مي: لا والله عادي
O0oحمدانo0O
$مب ماخذنه لج اصلاا $
حمدان:لا والله هاتيه انا باخذه
مدت مي اديها و عطت حمدان القلاده بما انه غاليه ما تلبس اشيا ثقيله واتحب شي خفيف وبسيط قرر انه ياخذلها هالعقد و يحرق ويه مي يدام البنات
روح حمدان ودفع للعقد
مي:مشكور الشيخ ما اتقصر ليش تعبت عمرك
حمدان:شو تعبه الشيخه
مي:خذتلي العقد ما اتقصر والله
حمدان:السموحه جنج الا غلطانه انا ماخذنه لحد غالي مب لج وانا ما عندي فلوس اخسرهن ع هالاشكال
و طاف عنها وسوالها اكبر طااااااااااااااااف وهي مناك متيمده وربيعاتها يضحكن عليها و اهني حرجت مي و روحت صوب حمدان
مي:انت شو تتحرى عمرك مب انت قلت انك بتاخذه وانا رفضت خلاف انت عاندت و ترمس بعد
سهيل:شو هاللقافه انتي خبله والا شو ياختي خلاص فكينا
حمدان:ههههه ما عليك كل البنات جي من شافن واحد له هيبه اتحرن انه بيطيحن به
مي:سخييف انت
حمدان: طوف اقولك ما ينعطن ويه
مرو من يدامها وهالمره بعد بغت اتسير واتضاربه لكن امل ربيعتها مسكتها و اما باسمه بعدها منبهره من حلات حمدان فروحت صوبه
باسمه:السموحه الشيخ اعتذر نيابة عن ربيعتيه
حمدان:بالحل الشيخه حصل خير

المكان : سيارة حمدان
الوقت : الساعه ثمان وربع 8.15
سهيل:حليلها حرقتلها ويها والله
حمدان:لا بعد يايه اتضاربنيه والله بنات فاضيات
سهيل:شو رايك كل البنات جي
حمدان:هيه تقريبا او الاغلب جي
رجعوا الشباب للبيت و حصلو هزبه من امهم لانهم اتاخروا واخوهم هزاع حليله تعبان و يترياهم عالعشا

المكان : بيت حزيم ][غرفة غيث][
الوقت : الساعه تسعه و عشر دقايق 9.10

O0oغيثo0O
$هلاا والله وياكم غيث حزيم ..عمري 21..ادرس في جامعه الطيران..حليو.. اجتماعي..احب السوالف والضحك
وانا الحين قاعد ارمس وحده اتعرفت عليها عالنت قبل سنه تقريبا انا احدر الجات لكني ما ارمس بنات لكن هالانسانه ما ادري ليش يا في خاطريه ارمسها..
الليل ماهو بسواده لي من عرف مضمونه **** حد مهتني برقاده وحد سهرات عيونه **** لي ملتقي بمراده ولي ينتظر مزيونه **** في غفوته لي حاده يسري جدى مضنونه
ولكمووووووووووووو
الليل ماهو بسواده لي من عرف مضمونه **** حد مهتني برقاده وحد سهرات عيونه **** لي ملتقي بمراده ولي ينتظر مزيونه **** في غفوته لي حاده يسري جدى مضنونه
نورتي المسن والله
همي كبره كبر اليبال وجرحي عميق عمق البحار
يسلموووو
همي كبره كبر اليبال وجرحي عميق عمق البحار
منور بوجودك
الليل ماهو بسواده لي من عرف مضمونه **** حد مهتني برقاده وحد سهرات عيونه **** لي ملتقي بمراده ولي ينتظر مزيونه **** في غفوته لي حاده يسري جدى مضنونه
ونور اكثر بعد ما حدرتي
الليل ماهو بسواده لي من عرف مضمونه **** حد مهتني برقاده وحد سهرات عيونه **** لي ملتقي بمراده ولي ينتظر مزيونه **** في غفوته لي حاده يسري جدى مضنونه
شحالج
همي كبره كبر اليبال وجرحي عميق عمق البحار
يسرك الحال..شحالك انت
الليل ماهو بسواده لي من عرف مضمونه **** حد مهتني برقاده وحد سهرات عيونه **** لي ملتقي بمراده ولي ينتظر مزيونه **** في غفوته لي حاده يسري جدى مضنونه
بخير دامج بخيرر
الليل ماهو بسواده لي من عرف مضمونه **** حد مهتني برقاده وحد سهرات عيونه **** لي ملتقي بمراده ولي ينتظر مزيونه **** في غفوته لي حاده يسري جدى مضنونه
ما ظهرتي بقعه
همي كبره كبر اليبال وجرحي عميق عمق البحار
لا والله بعد شويه بسير بيت عمي
الليل ماهو بسواده لي من عرف مضمونه **** حد مهتني برقاده وحد سهرات عيونه **** لي ملتقي بمراده ولي ينتظر مزيونه **** في غفوته لي حاده يسري جدى مضنونه
بعد بيت عمج البارحه رايحتلهم ما اتملين
همي كبره كبر اليبال وجرحي عميق عمق البحار
لا والله امل في البيت لكن بيت عمي استانس
الليل ماهو بسواده لي من عرف مضمونه **** حد مهتني برقاده وحد سهرات عيونه **** لي ملتقي بمراده ولي ينتظر مزيونه **** في غفوته لي حاده يسري جدى مضنونه
اهاا..وليش هالنك اليوم
همي كبره كبر اليبال وجرحي عميق عمق البحار
لاني متضاااااايجه