عالم البنات النسائي كل ما يخص المرأة العربية من ازياء وجمال والحياة الزوجية والمطبخ
{ .. السلآم عليكم ورحمه الله وبركآته .. }
كيف حآلكم بنآت .. ؟
هآذي مشاركتي في مسابقه ||| أجمل تغليف هديه |||
طبعًا الموضوع ينقسم لجزئين :
تغليف هديه كبيره الحجم :
مثل كتاب أو جزمه داخل كرتونها أو ألبوم ..
₪||■. الخطوه الأولى :
الأغراض المستخدمه :
صمغ مسدس ،، مقص ،، ورده صناعيه أو طبيعيه
قلب فلين مرشوش بلماع ،، ورود قماشيه صغيره
قماش شيفون ،،
ورق تغليف والله ماني عارفه وش اسمه 😀
بس رح تشوفونه في الصور ..
واقدر اوصفه لكم ..هو يستعمل على الجهتين ويكون فيه تحزيزات ..
ويكون رقيـــق بس أقوى من الكلينكس ..ويشبه الكلينكس ههه ..
يسوون فيه ورود ويجي في دفاتر الورق الملون ويجي طيات ..
₪||■. الخطوه الثانيه :
موضحه بالصور ..
نقص الورق بحجم الهديه ونبتدي نغلف ..
ونثبت الاطراف بواسطه الصمغ ..
بتشوفون في الصوره الثانيه واضح نوعيه الورق اللي اقصده ..
وهذا هو الشكل النهائي بعد التغليف :
₪||■. الخطوه الثالثه :
ناخذ القماش الشيفون ونقصه على شكل شريطه عريضه اذا ما كان مقصوص ..
ونلفها كم لفه ..وبعدين نربطها حول الهديه ..
كل شي واضح في الصور ..
بس حبيت اوضح لكم انه الاطراف نثبتها بالصمغ المسدس عشان ما تتحرك من مكانها ..
وبعدين ندخل الورده مثل الصوره ..
₪||■. الخطوه الرابعه :
نحط صمغ على القلب ونثبته في وسط الشريطه ..
وبكذا يكون الشكل انتهى ..
اللي حابه تكتفي بهالشكل ..
اما اللي حابه تضيف لمسات ثانيه ..تتابع الخطوه الجايه ..
تغليف هديه صغيره الحجم :
مثل سلسال أو خاتم أو ميداليه ..
.ܔღالخطوه الأولى :
الأغراض المستخدمه :
ورد مجفف او بتلات ورد طبيعي ،، علبه هدايا جاهزه
قلب مخملي محشي بالقطن ،، كيس هدايا
.ܔღالخطوه الثانيه :
تفتحين العلبه وتحطين داخلها القلب ..
طبعا من البدايه تحاولين تاخذين قلب يناسب حجم العلبه ..
وبعدين توزعين الورد المجفف فوق القلب ..
وعلى فكره اذا كنتي بتهدين الهديه لخطيبك او زوجك ..
حلو كثير انك تحطين ورد مجفف من باقه هو اهداك اياها من قبل ..
وبعدين حطي الهديه المطلوبه في الوسط بين الورود ..
.ܔღ الخطوه الثالثه :
تسكرين العلبه بالغطاء ..
وتربطين الشريطه بشكل حلووو ..
وفيه حركه اذا حابه تسوينها ..تعطي طابع رااائع لما الشخص يفتح الهديه ..
وهي انك قبل لا تسكرين العلبه ..ترشحين فيها عطر ..
بكذا رح تفاجئين الشخص بالهديه وبالريحه ..
.ܔღالخطوه الرابعه :
تحطين الهديه داخل كيس هدايا فخم ..
ويفضل يكون نفس لون العلبه ..
يعني حاولي توحدين اللون ..مثلي هنا استخدمت اللون الاحمر ..
ان شاء الله يا رب ..
تكون أفكاري عجبتكم وأفادتكم ..
ودعوآتكم ان ربي ييسر علي أمور زواجي ..
أرق تحيهـ
{ .. ➡ .. }
