‏(عندكم حل) اخوي تزوج وخلف ولما شفنا حرمته انصدمنا

بسم الله الرحمن الرحيم
بنات فيني حره من حرمة اخوي لدرجه ودي اطلع من بيتنا بسببها
اقولكم القصه من الاول واعطوني الحل المناسب
اخوي عايش خارج السعوديه وصار يدور على عروس وتم النصيب وتزوج احنا طبعا لما قال لنا على العروس ماعارضنا لانه هو ادرى باختياره وكمل الزواج وجاهم ولد واحنا مستانسين لانه اول حفيد لنا كنا نكلمها ونشوفها ع النت وكانت الصدمه الكبرى لما سافرنا ورحنا على اخوي طلعت مالها شغل باللي شفناها بالنت
يابنات لا شكل لا اخلاق لا شخصيه لا احترام حتى في بيتها واخوي وولدها كلمه مهمله قليله
وزياده على هذا مكرووه من الجميع ووين مانروح لاحد يعرفها يتكلمون عنها من جد تفشلنا وسودت وجهنا المهم كل هذا يهون جنب لئمها تحفر من تحت لتحت
قبل مااكمل اقولكم وضعي بالاول انا متزوجه وعندي بنوته تركتهم وسافرت مع اهلي عشان اغير اوراقي لمتزوجه مالكم بالتفاصيل المهم اني انجبرت اخليهم واسافر عشان اثباتي واهلي رجعتهم اخر رمضان ومضطره انتظر معاهم والله يصبرني على فراق زوجي وبنتي طول هالوقت
يعني جالسه في بيت اخوي على عيني ونفسيتي زفت لاني بعيده عن بنتي
المهم فوق اللي فيني جت الهانم تكمل عليه
بقولكم شلون
اول شي غير امي وابوي وانا موجدين عند اخوي في البيت اخواني كمان ثلاث شباب
طبعا هي تغطي شوشتها بس وتكشف خشتها المملوحه قدامهم
الصاعقه الكبرى قامت دقت صحبه مع اخواني الشباب ولحسة مخهم انا هنا انصدمت من قله حياها مسويه فيها انها يعني مثل اخوانها
يعني اشرح لكم كيف تتعامل معهم
طول الوقت تمزح وتضحك معهم وههههههه اعطيني كفك تعرفونها الحركات هذه باختصار قليله حشمه
ولما تدخل المطبخ تاخذهم معاها تخليهم يطبخون ويغسلون واقسم بالله ويمسحون لها الارض وهي واقفه تسولف عليهم وتنكت
طبعا اخواني واي رجل الا من رحم ربي لما يشوف حرمه تقعد تعطيه وجهه يفتح حلقه ويسعبل
المهم الزبده حطتهم تحت ابطها لدرجه تخليني انا وامي سهرانين وتروح تجلس جنبهم وتسهر معهم لا تسالوني عن اخوي زوجها لانه يكرها ومهمل فيها ولا يهتم لخشتها
المهم بكل الوسائل الخادعه قدرت تخلي اخواني يحبونها ويهتمون لرضاها (ليتها تهتم بزوجها مثلهم)حتى لما ينادونها باسمها مو بام اسم ولدها
يعني يقولون لها يانونو ياندوشه يادندون هي اسمها ندى
طبعا الهدف من ريقها الحلو معهم عشان تستغلهم وتشغلهم حتى ولدها ترميه عليهم هم يشيلونه
المهم انا ماادخلت وقلت بكيفهم هم مو صغار عشان اكلمهم لكن اللي ازم نفسيتي صاروا يرضونها على حسابي وحساب اختي الثانيه يعني مثلا يكون ولدها معي ويبكي اقول لاخوي خذه وديه او ناديها لي يقولي هي تعبانه ومو فاضيه شيليه انتي تخيلو يابنات علمتهم الوقاحه شي يقهر
المهم لما تشوف اخواني يحترموني ونسولف تنجن وتتدخل وتشبك لحد ماتشوفنا متهاوشين
ااقولكم اللي صار وانتو احكموا
اخوي امس زعل مني لسبب بيني وبينه واليوم رحنا عند ااهلها ورجعنا تصافينا انا واخوي لانه لما طلعنا تمشينا كان في حصان وبغى يهجم عليه صرخت وجاه اخوي مسكني من ايدي ومشاني قامت انجنت لما شافت اخوي يكلمني ونسولف عادي
ولماروحنا لبيتنا صارت تقول والله اخوك كويس حرام عليك تزعلينه شفتي كيف اليوم وقف معاك وماهان فيه عليك وصارت كل ماتشوف احد تعيد بنفس الكلام
بالاخير عصبت وقلت لها من بكرا اخوي لو تولع فيني النار مايفكر يشيلني بسبه عينك ايش تبغين ايش قصدك حسدتني على اخوي انت وحده حسوده وعينها حاره
ولا قصدك انه انتي تقدرين اخواني وتشوفين مواقفهم اما انا ناكره للجميل ومااقدر اخواني
الا قامت تبكي دموع تماسيح قاموا اخواني يصارخون عليه ويقولون لي انقلعي للغرفه ولا تتكلمين واحترمي نفسك ولا ترفعي صوتك عليها طبعا كنا في المطبخ واحد يسوي ساندويشات وواحد يغسل مواعيني
المهم انا هنا انصدمت من اخواني يوقفون معها عليه بغض النظر انا الغلطانه او لا مايصير يتدخلون ويدافعون عنها لو زوجها اللي ادخل مو مشكله بس هم حموانها وش لهم عندها
انا قلت لهم ماني ساكته وخليها تعرفها حدها قاموا عليها اذا ماانقلعتي بنضربك
انا خلاااااااص هنا قررت اطلع من البيت واروح عند اختي لين نسافر
او بشرط مااحد فيهم يتدخل بيني وبينها لو ان شاءالله شدينا شعورنا
حسيت اخواني مو رجال لما وقفوا عليه مع الغريبه
يقولون لي انتي لئيمه ولسانك طويل عشان كذا تشوفينها لئيمه انا قمت قلت طيب فسروا لي قصدها يوم تعيد وتزيد حرام عليك اخوك كويس انها هي تحب اخواني وتقدرهم وانا لا الا قام يقول اخوي ايوا هده الحقيقه انتي مايثمر فيك المعامله الطيبه وهي تشوف ويثمر فيها
انا هنا اتأكدت اني ماظلمتها لما كان هدفها تخرب بيني وبينهم وحققت مناها وانها غيرانه من علاقتي باخواني
عطوني حل ودي اترك البيت مو قادره اشوف اخواني حزب عليه مع حرمة اخوهم هدولا اذا بكرا اتزوجوا وش بسوون فينا احس مافيهم خير ولا هم سند للأسف
وترى حتى اختي الثانيه مزعلينها ولا يكلموها
اخواني واللقله حسبي الله ونعم الوكيلللل