•·.·´¯`·.·• يقلع ابو الرجة ياخردولة اللي تبي تفطس ضحك تقرا موضوعي •·.·´¯`·.·•

عاد جيت وجبت معي رجتي وخبالي خخخخ 😈
عاد رجتي احلى رجة ياحلوي 😳
قبل تسم يوم دقت علينا جارتنا اللي فوق تعزمنا زوجها طالع
المهم سبحان الله العظيم نزل علي شي وقالي ياخردولة تزيني 😎
واكشخي وش وراتس لا شغل ولا مشغله , عاد بالعادة اروح لها
بقميصي امون عليها وتمون عادي ,المهم واكشخ واهبط الكشه 😛
صرت ياملحي مزيونة:D
عاد قلت لأميمتي ابروح لها قبلتس شكلتس مطولة قالت ايه روحي
وانطلق لجارتنا وانا علي طرحة بس لأن العماره كلها مافيها احد
واطق الباب واقعد استهبل عليها خليت صوتي صوت رجاااال 😆 idea:
هههههه عادي هي اصلن جبانه حجازية ههههه
المهم تفتح الباب واسلم عليها قلت لها من جزماته ذولي اللي عند الباب؟؟:P
قالت عندي حرمة قلت اولاة بلا تسذب تسذبين علي اناااااااااا 😉 انتي اصلن مااحد يجيتس
وحنا نمشي وقربت لمجلس الحريم قلت الجزمات ذي تقل جزمات عجوز صايبها هيستريا وعندها غنم ,فجـــــــــــــــــــــــــأة

شفت مرة جالسه 😆 يااااااااااافضيحتااااااااااااااااااااااااااة
سمعت كل هالحستي اللي قلته اولاااااااااااة احراااااااااااج
عاد انا من الخبة جاني ضحك موب صاحي وعاد وانا اسلم على المرة
اقولها وش اخبارتس وانا اضحك ضحك 😀
المهم من الرجة بغيت اجلس فوق المركا اللي متكية عليه المرة
عاد استحيت وحمرت اخديداتي 😆 hy: اول مرة هههه
يوم جلست وانا اسوي حركات ابأصابعي اتوعد بجارتنا 😆 🙄
واطير اعيوني ’التفت فجأة لقيت المرة متقطعه ضحك وتناظرني
يعنني استحيت بغيت اكب القهوة على المكيت
ومن قوة الأحراج اكلت كل الحلا مرة وحدة هههههههههههههههههه
عاد خفيت شوي من الخبال والضحك وجلسنا نسولف
قالت المرة لجارتنا وش توحمتي عليه (لأن جارتنا حامل ) قالت كل شي كرهته
قلت ياعساتس تكرهين رجلتس هههههههههههه بغت تشوتني بالصحن
قلت تكفين توحمي علي عشان تجيبين بنت تشبهلي قالت والله لأشوتها اذا تشبهتس
ههههههههه تمزح هي
المهم قلت احس اني داخلة بينكم بالعرض الحين انتن حوامل وسوالفكن مااااااااش
فيه خدش للحياء بمااني مااعرست 😐
ههههههههههههههههههه, عاد المرة ذي اللي عندها حامل وبطنها كبير واذا اضحكت اهتز بطنها عاد انا افطس ضحك:) ياعزي عنها حتى بزرها يشاركها الضحك
ههههههه,عاد يوم جت امي حسيت بالأمان هههههههههه
عاد امي جلست شوي ثم راحت لبيتنا , وحلفت علي جارتنا اني اتعشا عندها انا وامي بس امي رفضت عشان اخوي وانا جلست وش وراي خخخخ
وبس للمعلومية جارتنا ذي قريبه من عمري عمرها 20 وحجازية
وهذاي ادربها على الحتسي القصيمي عجزت افهم حتسي الحجاز خخخ
من هالموقف اتخذت قرارات :
1ـ مااروح لأي احد بدون امي (والعجله من الندامة) عشان اذا صار زي الموقف ذا
امي تلحقني بلأعذار.
2ـ انطم من اطق الباب مو اصارخ واهجج الناس من بيتهم.
3ـ اصير بنت مؤدبة ولا اتطنز على الناس بصراااخ.
4ـ واخفف من الميانة اللي ذبحتني.
وبس وانتظر ردودكم على احر من الجمررررررررررر:P