عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قصيده رائعه احد ابداعات سطام الشلفان ..
البال سجن الهم.. و الصبـر حـرًاس
واليوم مثل الأمس.. والأمـس قاسـي
أصبح على هوجاس..وامسي بهوجاس
رآسي وما ادراك باللـي فـي راسـي
اليآس طاغي والامل!! ضاع فاليـاس
هذا وانا اللي ميزتـي قـو .. باسـي
جالس في وسط الناس.. ماني مع الناس
ربعي و ناسـي كنهـم غيـر ناسـي
يا وجد حالي كل مـا هـب نسنـاس
ابحـر مـع هجـوسٍ بليـا مراسـي
مع كل هبًه.. يبتدي حبـس الانفـاس
واعقد حجاجـي والخفـوق امتناسـي
اللي وهبته حب..وافـراح..و ألمـاس
واسقيـه كاسـي وقـت ذروة يباسـي
كنت آتنومـس فـي محبتـه نومـاس
وكان الوحيـد اللـي بقلبـي اساسـي
شخصٍ حسبته صافي القلـب حسـاس
وظنيت قلبـي طـاح فيـه امتواسـي
واثري انا واحلامـي البيـض يالئًـاس
غدره!! غرف قلبي.. و موًت حماسي
يا هم عينٍ مـا لفـى حولهـا نعـاس
دقـات قلبـي حارمتـنـي نعـاسـي
مغبون.. غبن اكليب من غدر جسـاس
و ازريت اكون ابـرد فعلـي سياسـي
ماهيب والله خفـة القلـب و الـراس
ثقلـي.. يحطـم كـل رقـمٍ قياسـي
لكن انا ما نيـب واحـد مـن النـاس
وهذا ماهو قـدري ولا هـو مقاسـي
واسمي اذا حطوه من بيـن الاقـواس
ما هو ترى من صورتـي او لباسـي
باقواس لاني بالشعـر طيـر قرنـاس
ويطيب شعري من بعض طيب رآسي
و كاني انا اخطيت و امًنت (جسًاس)..
مليون (زيرٍ) بيـن ربعـي و ناسـي
وسلمتو
