عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم عسولات =) ..
كيفكم ؟ ايش اخباركم ؟ عساكم بخير وعافية يآرب
:
كثير منا تعذب علبال مايتأقلم عالدراسة وياخذ عالجو =|
ولسا مو مستوعبين ان الامتحانات قرَبت وجانا الموت >_<
وفي هذه الأثناء .. احنا لا في سما ولا في أرض
.. لا اللي مهتمين بنفسنا ولا اللي شادين حيلنا
بالعربي إحنا في كآآرثة =S
في هالموضوع نبغى نرتب أوراقنا سوا .. بنتكلم عن عنايتك بنفسك وتنظيمك لوقتك
و كيف تجيبي أعلى معدل بإذن الله .. سواء كنتي في الجامعة أو في المدرسة
كعادتنا مانتغيَر .. نهتم بنفسنا اسبوعين ونطنش عشرة شهور
ولما جا الدوام قعدنا نتحجج فيه وانه يادوب نلحق ندرس ولا نعتني بنفسنا ولا نختبر.. ولا ..ولا ..
عشان كذا .. بنحط جدول عناية بسيط .. نمشي عليه لحد مايفرجها ربي ونفضى ..
:
خلينا نشوف ايش اللي يبغاله عناية
:
أول شي نتكلم عن العناية الخارجية ( شعرك + أظافرك + وجهك + جسمك )
بعدين العناية الداخلية ( مشاعرك + و روحك )
وجهك , شعرك , أظافرك , وجسمك .. أكثر شي يميزك كأنثى ويعطيك الجمال ..
لما تهمليهم بتحسي انك مو تمام و بينك وبين نفسك تقولي:
” يالله كل البنات حلوين الا أنا حالتي حالة
“
فيه أشياء نسويها دايماً ومن أساسيات حياتنا .. بنضيف عليها أشياء ونخليهم كلهم ..( روتين )
:
الشعر :
~ مرة في الأسبوع .. سويله ماسك أو زيتيه .. يعني اسبوع ماسك , والاسبوع اللي بعده زيت .
الوجه:
نظافته:
~ مرتين في اليوم تغسليه بغسول منظف , تمسحي وجهك بتونيك وتحطي كريم مرطب أو واقي شمس , و في الليل كريم الهالات اذا حابه ..مع انه اكثر شي يتنسى.
~ سوي مقشر للوجه وقناع .. مره في الاسبوع.
الرؤوس السوداء :
~ أسرع حل انك تستخدمي أشرطة تنقية مسام الأنف من T-Zone مرة كل اسبوعين أو على حسب بشرتك.
شفايفك:
~ حطي فاازليـن أو مرطب كل ماشفتي وجهك في المراية.
أسنانك:
~ فرشيها 3 مرات في اليوم وبين فترة وفترة أفركيها بليمونه .
الأظافر:
~ أحلى وقت لما تجيك البريود .. جيبي شنطة الأظافر .. وابدي قصيها و ابرديها ..شيلي الجلد الميت بعدين لمعيها
وحطي فازلين شوي او زيت اللوز اللي من بودي شوب .. وحطي مناكير =)
طبعاً رجولك ويدينك مع بعض.
~ بعد ماتخلص البريود .. اذا كانت أظافرك طويلة و مو بيضا قصيها تطلع أرتب وأنظف وابرديها اذا احتاجت.. وركزوا على أظافر رجولكم
يدينك ورجلينك :
~ كل يوم لازم تدهنيهم بكريم أو لوشن مرطب مايكون خفيف.. واشتري كريمات صغيره وخلي وحدة بشنطة الجامعة ووحدة بشنطة السوق وكل ماغسلتي يدك حطي كريم.
~ لاحظت لما تلبسي صندل أو بالرينا في الخرجات وتمشي حافية في البيت .. تفقد رجولك رطوبتها وتسير ناشفة وتخشخش = واحنا لساتنا صغار لازم رجولنا تسير ناعمه زي البيبي.
لذلك ادهنيهم و البسي شراب أو سليبرز (شبشب بيت). ولما تطلعي يفضَل انك تلبسي جزمة رياضة.
جسمك :
~ مره في الأسبوع سوي سكرب مقشر لجسمك.. وبالنسبة لإزالة الشعر ..
خليها بعد البيريود بالمرة ..
بالحلاوة أو اللي يريحك .. بس موس لأ !
~ لما تاخذي شاور .. خذي اللوشن والعطر والباودر جوا الحمام –الله يكرمكم-
حطي اللوشن على جسمك وهو رطب عشان تمسك فيه الرطوبه. ورشي العطر من بعيد و بعدين الباودر المعطره ..ويا سلآم على ريحتك بعدها ..
صحتك :
~ قللي من الفاست فود والبطاطس =( << قولي لنفسك
..
~ واشربي مويه كثيــر .. سوي رياضة أو امشي أو ارقصي مرتين في الاسبوع =)
:
للحديث بقيه
^
^
^
