عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير 
بما أنو صباح
أخباركم بنات ومتزوجات وعروسات 
معاكم غلا فواز >> أحلفي بس 🙁
الموهيم :
عندي 3 تجارب جربتها وحبيت الفائدة لكم
بتكلم بالعامية وبكل تفاصيل ومابي منكم غير دعوة
( الله يوفقها في حياتها )
أول تجربة :
أنا كنت أعاني من كثافة شعر السيقان 🙂
المهم جربت طريقة من النت
بعد ماأحف بالحلاوة أدهن السيقان بزيت زيتون وأخليه ساعة كاملة
وكل يوم أدهن مرة لمدة 5 أيام
ولاحظت أن المرة الجاية لما يطلع الشعر يطلع خفيف وفي آماكن معدومة مافي شعر نهائي 
وكل مرة عن مرة يخف الشعر
وربي يابنات الحين وأنا بنت أجلس شهرين والشعر متوزع يمين ويسار بسيقاني عادي
يعني مو مثل أول كثافة وسماكة خف الشعر بقووووة
…………………………..
التجربة الثانية :
أنا بيضا وبشرتي موحدة لكن تنقصني نضارة وأحس لوني باهت
ولقيت خلطة أعتقد هنا من بنات المنتدى الله يجزاها خير اللي دلتني وهي :
منقوعه مرة بماي دافي + منقوعة حلبة بماي دافي
بعدين أشخلها وآخذ مويتها وأحطها في علبة وأضيف عليه شوي موية ورد
وحطيتها عند راسي فوق السرير 
وقبل لاأنام أدهن وجهي بقطنه من هالموية وأنام ولاقمت غسلتها بصابونة بابايا
قسم قسمات صار وجهي بأسبوع واحد وردي وفيه حياة ونضارة وبستمر عليه بعد
طبعاً أنا أدهن وجهي ورقبتي بس مسح بالقطنة والنتيجة واااو بفترة قياسية 😐
……………………….
التجربة الأخيرة
حف المنطقة الحساسة هالمنطقة الغبية اللي أكرهها 😥
المهم
جربت الموس الأزرق : سواد كثافة حكة ولوعة كبد 
جربت الحلاوة وعجزت أكمل دم وألام 😆 idea:
وجربت الموس الوردي النسائي والنتيجة جيدة لكن بعدة طرق :
كنت أشيل ماي وموس بس وكانت بسرعه تطلع الشعرة وحكة
بعدين حطيت فاشكول البلسم وأشيل يمين ويسار وفوق وتحت والنتيجة وااااو
أقعد أسبوع وبعدين يطلع يابنات وربي ومافي لاحكة ولاسواد
يعني مدري شنو الحكمة من البلسم حيل ناسبني 
وبعدين قلت لازم أتعلم بالحلاوة وجربت وقعدت أشيل 3 أيام كل يوم جزء
وقررت قرار نهائي وحيل ناسبني ومافيه أضرار
أشيل منطقة البكيني بـ حلاوة لأنه مايعور لاصار الشعر صغير
أحط الحلاوة بحمام مائي لما يصير دافي وأخذ قد العلكة صغيرة وأشيل 
وبعدين أشيل الجوانب واللي أقدر عليه
بالنسبة للمنطقة الرقيقة مع الشيل والحلاوة تترهل وتصير كنك عجوز وععع
وقلت مالها غير الموس الوردي والبلسم وبس
والحين لاسواد ولاترهل وكل أسبوع أشيل المنطقة الرقيقة بس بالموس
والباقي نظيف من فوق والجوانب
لكن مرة جربت أشيل كله بالحلاوة ولقيت وحدة هنا تقول حطي :
حبتين بنادول بنص فنجان موية وذوبيها وحطيها على المنطقة ولما تنشف شيلي بالحلاوة
وربي يابنات الألم خفيف لكن اللي يوجع أن المنطقة رقيقة 
وهذا اللي عندي كل وحدة تشوف اللي ناسبها وتدعي لي
وأي تجربة ثانية أفادتني بنقلها لكم من واقع تجربة
( غلا فواز )
