عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الورد يا احلى بنات ف الدنيا
وحشني اوي
عايزة اقولكم كل سنة وانتو بخير ومصرنا بخير و امان و بمناسبة 6 اكتوبر حبيت احط نبذة كده عن افضل معارك التاريخ …. وجمعتلكم شوية معلومات عن اليوم العظيم ده
طبعا حرب اكتوبر
هي حرب دارت بين مصر وسوريا من جهة ودولة إسرائيل من جهة أخرى من 6-25 أكتوبر 1973م. حيث قامت القوات المصرية والسورية في يوم كيپور (عيد الغفران اليهودي) بإختراق خط عسكري أساسي في شبه جزيرة سيناء هو خط بارليف. وكادت الحرب أن تؤدي إلى مواجهة بين القوتين النوييتين العظمتين الولايات المتحدة والاتحاد السوڤيتي, وقدمت كلا الدولتين المساعدات لحلفائها أثناء الحرب. من أهم نتائج الحرب استرداد السيادة الكاملة على قناة السويس، واسترداد جزء مم أراضي شبه جزيرة سيناء. ومن النتائج الأخرى تحطم أسطورة أن جيش إسرائيل لا يقهر والتي كان يقول بها القادة العسكريون في إسرائيل، كما أن هذه الحرب مهدت الطريق لاتفاق كامب ديفيد بين مصر وإسرائيل الذي عقد بعد الحرب في سبتمبر 1978م على إثر مبادرة الرئيس السادات في نوفمبر 1977 م وزيارته للقدس. وأدت الحرب أيضا إلى عودة الملاحة في قناة السويس في يونيو 1975م.
كما ان حرب اكتوبر رجعت كرامة العرب والمسلمين عشان كده لازم كل 6 اكتوبر نفتكر اليوم ده ونفرح باعظم نصر ف العصر الحديث اللي ربنا خص المصريين بيه .. مين فينا مالهاش قريب استشهد ف حرب اكتوبر ؟ لكن للاسف معظم جيلنا نسى اليوم ده اهو يوم اجازة وخلاص
واخيرا باقات من الحب والورود لارواح شهداؤنا واهلنا اللي ضحو بحياتهم عشان البلد دي وعشان نعيش احنا من غير حرب 
