عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بهالموضوع أن شاء لله بقول نتايج تجاربي
اللي نفعت معي واللي مانفعت عشان خوآتي يستفيدون
طبعآ كل يوم لي خلطه وماستمر عليها من الكسل 
بس اللي أشوف منها نتيجه أحاول ما قطعها
أول شي للوجه أستخدم قناع الحلبه مرره ممتاز
وحلو يعطي صفاء للوجه
ومره قريت عن الترمس أنه يبيض صرت اضيف
للحلبه ترمس ومن جد أحس وجهي فتح تقريبآ 2 او 3 درجات
طبعآ ماستخدمه بأنتظام بس ع الاقل بالاسبوع
مرتين أنصح الكل يستخدمه غير كذا سهل
وماياخذ وقت
واهم شي بسرعه يجف 😐
وأكيد ماء الورد ماستغني عنه يورد الخدوود
ويعطيك أنتعاش وأهم شي يسكر المسام
وبالنسبه للخدود قريت موضوع مدري وين ن زيت جنين القمح
ينفخ الخدود ووانا مافيني خدود ممسوحه 🙁 المهم قلت نجرب
مو خسرانه شي أحس أني صرت فار تجارب 😥
شريته وبالبدايه استخدمته ثلاث ايام ورا بعض أدهن فيه خدودي
بس ولاحظت أن خدودي وردت قلت ليه ماستخدمه على وجهي
كله الا خشمي عشان لاينتفخ 😥
وصارلي اربع ايام ستخدمه على وجهي كامل بس ماشاء الله من
جد طلع لي خدود 🙁
صحيح صغيره بس انا ماطولت من بديت فيه وان شالله بستمر
لين احصل النتيجه المرضيه
غير كذاا حسيته يصفي الوجه ويعطيه اشراقه من جد رووعه
هالزيت
ثآني شي الشعر بصراحه أستخدمت أشياء كثيره
لشعري وشعر بنتي بس مالقيت نتيجه الا من
ثلاث اشياء
أولهم الحناء بنتي ماأحني شعرها كثير لانها
تتعبني اما انا تقريبآ كل اسبوع أحني شعري
ومررره نعم
شعري هو ناعم بس الحين ماستخدم الاستشوار
الا نادر
أما بنتي آآآخ على شعرها هذا الله يسلمكم شعرها
ناعم بس مشكلته فيه دوائر كثيره 😉
ملفلف مآآآآآآآره كأنه مفير واتوهق اذا بطلع او
بيجيني أحد دايم طاير مايركد
أستخدمت لها زيت عافيه مع حلبه وركد شعرها
شوي بس عيبه نتايجه يبي لها صبر واستخدمت
لها زيت النارجيل كلمة رهيب قليل بحقه
تقريبآ أسبوع ونعم شعرها مررره الدوائر أختفت
باقي كم دائره من تحت أن شاء الله اسبوع
ويختفون بس من جد رهييييييب انا كثف شعري
شوي مع اني ماستخدمته كثير
نجي للنتائج الحزينه 🙁
ركبي 
آآه ياركبتي ليتني ماسويت فيك شي 😥
قصتي الاليمه مع ركبي 🙁
بدت بأني دخلت منتدى الفراشه وكنت اتصفح قسم البشره ولقيت
موضوع عن الركب ماذكر أسم صاحبته مضمون الموضوع أنك
تاخذين مبرد أظافر وتحطين فازلين على ركبك وتبدين تفركينهم
بالمبرد وكل ماقل االفازلين تزيدينه دخلت الفكره براسي وبديت
أطبقها 😆
ليتني مافكرت اطبقها وانا ابرد ركبتي انفعلت شوي وطولت وانا
ابردها مع اني ماكنت قاسيه عليها 😥
صارت حمررررررا وحسيت انها تجرحت
للامانه ركبتي كانت غامقه لكن مو مفحمه
وكان فيها جفاف غير طبيعي بعد عملية البرد اللي أجريتها لها
غسلتها والنتيجه
ألييييييييمه صار بركبتي اليسرى ثلاث بقع لونها أحممرررر
وركبتي وجاتني فيهم حكه يومين ولما راح الاحمرار قلب سووااد ➡
صار لونهم قريب من الاسود وكبرت منطقة اللون الغامق 🙁
صحيح ان الجفاف راح بس وش الفايده 😉
المهم انا الحين ادهنهم بزيت جنين القمح ولاحظت تحسن
بسسسيط أن شالله يرجعون نفس قبل مابيهم يصيرون بيض
بطلت أبيهم زي قبل بس 😀
حتى زوجي مره قالي تستاهلين كل شي بتجربينه لين حرقتي
ركبك 😳
شكلي طولت عليكم 😆 idea:
هذي نتايج تجاربي الحاليه وان شاء الله ببلغكم بالتطورات
وياريت لو كل وحده تنزل نتايج تجاربها الحلوه والمره مثل
تجربت ركبتي 😆 hy:
عشان الكل يستفيد
والله يعطينا من الجمال إلى أن نرضى
لكل من مر من هنا
