عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركـــــــــــااااته
..
..
كيفكم يا بنوتات ؟؟ ان شاء الله بخير
طبعا الموضوع باين من عنوانه
انا حابه اعرض فستااان ملكتي + فستان نعوم من كارن ميلن ماركة معرووفة بجدة
والسبب هوا اني للأسف مسافرة خارج السعودية لمدة لا تقل عن 7 سنين
والفساتين دي ما راح احتاجها لانها لمناسبات وانا مسافرة للدراسة مع زوجي ولا راح استفيد منها
فحبيت ابيعها للي تستااااهلها ان شاء الله وتستفيد منها
فستان فرحي والحمد لله بعته والله يوفقها ويسعدها اللي اخذته وجا الدور على فستان ملكتي
صورة من فستان ملكتي موضحه اللون و التوب اما التنورة تجي زم من فوق وبعدين منفوشة للنهاية
http://img89.imageshack.us/img89/217/dsc00699c.jpg
طبعا الفستان يعتبر مقاسة سمول يعني التنورة مقاسها
والتوب ما تفرق لأنو من الخلف عبارة عن رباط اكسااات تربطية على راحتك
التوب واضح بالصورة اما التنورة القماش حرير وفوق تل موف محروق
كلفني 2300 وببيعه ب2000 ريال لأن المدة بين ملكتي وفرحي 3 شهور يعني الفستان جديد وما لبسته غير يوم الملكة قعدت فيه بالتمام 4 ساعات وخلصت الملكة يعني جدييييييييييييد ومافيه ولا شكة دبوووس على فكره هوا جاهز مو خياطة اخذته من بوتيك بجده
اللي حابة تشوفوا وتشوف قماشة تمام تكلمني خاص واضيفها مسن وتشوف الصور اكثر
اتعمدت انزل صورة مو مره واضحه لخصوصية اللي بيكون من نصيبها ➡
فستاان كارين ميلن :
مقاســةS -M لأنه استرتش لونه اسود اطول من نصف الساق بشوية جديد ما لبسته ولا مره غير القياس وماناسبني لأنو على طول سمنت بعد الزواج من تحت الصدر في بروش فضي محفور عليه karen millen نفس البروش يكون كمان ع الرقبة من الخلف
هوا بسيط ينفع لزواج وحده بعيده عنك وكمان سابع او عيد ميلاد او اول يوم عيد يعني مناسبات بسيطه
اشتريته ب 1290 وببيعة ب 900 ريال
http://img176.imageshack.us/img176/416/dsc00610q.jpg
اللي حابة تشوف صور اوضح تكلمني خاص واضيفها مسن وتشوفوا افضل
انا بجده اوصله يد بيد للي بجده وعن طريق شركات الشحن خارج جده
الشركة اللي تحبيها زاجل – ارامكس – فيديكس
تدفعي قيمة الفستان + قيمة الشحن
واللي حابه تشوووف صور اكثر عن الفستااان وتفاصيل من عيوني تراسلني ع الخاص
والأسعار قابله للمفاوضة في حدود المعقووول
اتمنى الجديه في المووضوع
والله يوفق الجميع
