تفتيح الجسم بالكامل .. من تبدأ معي ؟

كيفكم يا فراشااات ؟!

انا في السنه اللي راحت كنت استخدم الخميره على رجولي ويديني ..
ومررره فتحت بشكل ملحووووظ جداااا وصار لونها متنااسق …
وتركتهااا ، وماتضررت منها الحمد الله ولا شي ..

عآآد فكررت أحنا بشهر 7 وبيجي 8 وبيجي 9 وبعده العيد ، الله يلحقنا خير ..
فقلت استغل شهر 7 و8 لانو شهر 9 ودي ما انشعل بشي ..

ابي اعدل لوني وافتح بشرتي إن شاء الله
بستخدام مآآسك الخميره اللي بسويه بنفسي …
ويمكن تنحل مشكلة المنطقه الحساسه 💡
بإذن الله .. من توكل على الله فهو حسبه …

المهم عاد قالت اشارك فراشاتي واشوف اذا فيه احد بيساعدنـي
ونشد الهمه مدة شهرين ( 7 و 8 ) …
او لحد مانوصل للنتيجه المطلوبه بإذن الله

مكونات الماسك بسيطه ، وبإذن الله متوفره في كل بيت …

وهذي صورة المكونات الي نحتاجها

نحتاج :

– شوية مويه
– خميره فوريه ( بـ الكميه اللي تكفي كامل جسمك )
– ملعقة كبيره حليب ( اي حليب سواء جاف او سائل اللي يريحك )
– جلسرين سائل ( مقدار غطاء العلبه يكفي لا تكثرين )
– ليمونه ( إذا ودك حطيها لاتكثرين )
– ماء ورد ( مقدار غطاء العلبه يكفي )
– ماء مقري فيه ( اقري فيه انتي بنفسك – اول سورة البقره + اخر سورة البقره + سورة الرحمن كامله + الاخلاص والمعوذتين 7 مرات + اول 5 ايات من سورة الصافات )
– صدقه ، بنية انك توصلين للشي اللي تبينه

اهم شرررط :
تجربين شوي على رجلك قبل تبدين صح وخليه على رجلك
نصف ساعه ،، هذا اختبار لايكون تتحسيين منها والا شي ،، ما ابي احد يتضرر
هدفنا ايجابي مو سلبي
عشان اللي بشرتها حساسه

الطريقه :

1- خلي المقادير على قدك لا تكثرين وتكبينه
2- اخلطي المقادير السابقه سوا ، لا تخلينها سايله مره مثل المويه ولا ثخينه مره مثل الكريمات ،، لا خليها وسط
3- اتركيها مدة 10 دقائق لحد ماتذوب الخميره صح ،، يعني ماتحصلين حبيبات ابد ..
4- ادخلي دورة المياه وانتو بكرامه ، وبللي كل جسمك مويه
5- حطي ماسك الخميره اللي سويتيه على جسمك ، وحاولي تدلكين بخفه
6- اتركيه على جسمك تقريبا نصف ساعه لين تنشف مره على جسمك
7- اغسلي جسمك بصابونه تناسبك و بماء دافي شويه
8- امسحي جسمك بالماء المقري فيه ، وانتظري لين ينشف
9- دهني جسمك بأي كريم ( غييييييير عطري )
10- تصدقي كل شهر مره او على قدر استطاعتك ..

——————-

خاص بـ الصدقه

من باب الصدقة والشفقة على اخواننا مرضى الفشل الكلوي

الآن باستتطاعتك التبرع باسهل الطرق

برسالة من جوالك تحيي آمال مرضى الفشل الكلوي ،

للتبرع بـ 10 ريال ، ارسل رسالة فارغة من جوالك
إلى5060

وللإشتراك الشهري في هذهـ الحملة بمبلغ 12 ريال
ارسل 1 إلى 5060
::

ملاحظة :هذا الرقم موحد لجميع مشغلي السعودية (الاتصالات السعودية – موبايلي – زين)

اللهم اشفي مرضانا و مرضى المسلمين

—————————–

بعون الله بنوصل لبشره فاتحه ولون موحد …