سر زغير بس مفعوله كبير فوتوا ياحلوات…

مرحبا ياحلوات كيفكن بحبكن كتير 😡
بدي ابلش بالموضوع دغري
طبعا كلنا بدنا بشرة وجهنا صافية وناعمة كنت استعمل كريمات للوجه اشي من بودي شوب واشي من اولاي بس للأمانو هن كريمات روعة بس مو مناسبين للوجه بعد الشاور
اليوم بس سمعت خبيرة التجميل أمينة شلبي بتنصح بنوتة بهالشي ➡ انه تستعمل لوجهها بعد الشاور
😡 😐 😛 😛 زيت بذور العنب إي ياصبايا هالزيت كتير مفيد للبشرة كتير أكتر من زيت جنين القمح أكتر من زيت اللوز الحلو
وفوائد زيت بذور العنب للبشرة هيي:
1- يحتوي زيت بذور العنب على نسبة عالية من بروكايندين التي تعتبر مضادة للتأكسد بنسبة أكبر من فيتامين إي بحوالي خمسين مرة.
2- أكثر فعالية للبشرة من فيتامين سي.
3- يقي من أشعة الشمس الفوق بنفسجية.
4-هذا الزيت ملائم لجميع انواع البشرة لأنه زيت خفيف جدا وتمتصه البشرة بسهولة ويعتبر زيت غير دهني.
5-مناسب بشكل ممتاز للبشرة الرقيقة المحيطة بالعيون.
6-يحتوي هذا الزيت على فيتامين سي.
7-يحتوي على نسبة فيتامين إي تفوق النسبة الموجودة بزيت جنين القمح.
8-هو خير بديل لمن لديهم حساسية من زيت اللوز .
9- يؤخر ظهور التجاعيد ويعود سر ذلك لاحتواء البذور على مادة وليفينول التي تلتقط الخلايا الحرة الموجودة بالدم وبذلك تمنعها من العمل على شيخوخة البشرة.
10-له رائحة خفيفة جدا عكس باقي الزيوت.
11- يعتبر أفضل مرطب للبشرة على الإطلاق .
وانشالله أكون قدرت أفيد الصبايا وعنجد أنا أول وحدة بلشت باستخدامه بعد معرفتي بفوائده الكتيرة 😈 وبنصحكن ياصبايا باستخدامه بعد الشاور طبعا استخدميه لكل وجهك ورقبتك لأنه البشرة بتكون رطبة كتير بعد الشاور وبهيك بتفيدي الوجه والرقبة 😎 عالقليلة حطيه لمدة ربع ساعة مشان البشرة تتشربه وازا عندك مشوار اغسلي وشك بالغسول وحطي كريم الترطيب المعتاد واطلعي بس عنجد راح اتحسي بفرق كبيرببشرتك 😈
آسفة عالإطالة وميرسي كتير ياصبايا 😆 🙂 وانشالله كلنا نضل امورات بعيون حالنا أولا وبعيون الناس تانيا 😳
وللأمانة هادا الموضوع مو منقول هادا من اجتهادي الخاص