عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ان شاء الله الجميع بألف خيررررر
اول شي بقولكم عن مشاكل بشرتي
وجهي مافيه نضاره
وعندي مسامات بالخدود مفتوووووحه
وجهي مليان زيوان وحبوب تحت الجلد
كنت مره متوتره وقلقانه وضايعه ومو عارفه ايش اسوي
لان كنا محددين الملكه بيوم 3-3-1432
يعني المفروض تكون بعد اسبوع وكم يوم تقريبا ( بس تأجلت .. ادعوا لي ربي ييسر اموري )
كلمت افراح .. وربي انسانه عسل فوق ماتتخيلون
والله انسانه تستحق ان الواحد يكتب عنها ويمدحها .. وانا والله كلمتها مره وحده بس
لكن من كلمتها كأني اكلم وحده من صاحباتي .. من كثر طيبتها
تسمع لك وتعطيك حلول وماعندها مشكله وقتها يضيع معاك وحتى لوهي مو مستفيده منك شي
قلت لها على مشاكل بشرتي
وقالت لي استخدم المره مع العسل اخلطهم مع نقطة مويه واحطها على وجهي
واستخدم غسول ومقشر من ماركه معينه بس نسيتها لاني مااخذت اللي قالته
لان ماعندي صيدليه قريبه توفرها
المهم اخذت منها كريم الوجه وصابونة الجلوتاثيوم وكريم الجسم
انا هنا بتكلم بس عن كريم الوجه
لاني بصراحه مااستمريت لا على الصابونه ولا على كريم الجسم فـ للحين ماقدر احكم عليهم
بس كريم الوجه هو اللي استمريت عليه
وبديت الاحظ النتيجه لما وحده نبهتني وسألتني عن وجهي ايش احط عليه لانه متغير ومتحسنه بشرتي مره
وقتها صرت الاحظ بشرتي
مااشاااااء الله نوورت واحس فيه نضاره واهم شي لاحظته
والله العظيم مسامات الخدود اختفت … بس باقي شي خفيف لان يبغاله تنظيف وجه
الزيوان والحبوب تحت الجلد خففففت الحمدلله
انا اعتمدت برنامج كامل لوجهي
استخدم غسولي .. وصفته لي الدكتوره اسمه TEEN DERM
بعد ما اغسل وجهي اجففه وابخ عليه موية ورد واتركها لما تنشف
وبعده افتح كبسولة فيتامين E
واحطها على وجهي اخليها تقريبا ساعه
وفوقه احط كريم افراح
هذا بالنهار
وبالليل
قبل ماانام اغسل وجهي وبعده ابلله بموية الورد لما يجف احط من كريم افراح
والحمدلله
تقريبا صار لي 3 اسابيع
بس النتيجه ولله الحمد حلوووه مررره ( ماشاء الله .. اذكروا الله ترى مره صار عندي وسواس اخاف لما اكتب ينتكس وجهي )
وقرب يخلص الكريم وبإذن الله باخذ ثاني
كتبت ابي لكم الفايده .. بس المهم اذكروا الله ترى خوافه ماصدقت وجهي يتحسن خصوصا وانا عندي مناسبه قريبه وشايله همممم
ربي يسعدك ياافراح ويفرج همك ويحقق لك كل الاماني يارب
اخر كلمه بقولها عشان ماتجي وحده وتقول دعايه وتسب وتدعي ** واللي يحفظ لي اهلي اني مااعرف افراح ولابيني وبينها اي علاقه هي مره وحده كلمتها وقت اللي طلبتها الكريمات وبس **
ادعوا ربي يشفي ابوي ويطول بعمره 🙁
