عالم البنات النسائي كل ما يخص المرأة العربية من ازياء وجمال والحياة الزوجية والمطبخ
واللي كتبت هالوصفه هي الجادل من منتدى كويتيات وقلت احطها لكم عشان تستفيدون لان البنت تقول انها مررره استفادت منها وحيل تغيرت بشرتها عقب مااستعملت هالوصفه مع شوية كريمات للوجه اكتبها لكم بعدين
والحين صارلها سنه من اول مرة راحت للدكتورة وماشاء الله في تحسن مستمر 😥
هالخلطة للجسم فقط وللاماكن الغامقه مثل الابط وبين الفخذين واماكن البقع
واي مكان تحسين فيه سواد ولونه غير عن باقي الجسم ماعدا المنطقه الحساسه
وفي شوية تعليمات عشان مايرجع السواد
اولا الاهتمام بترطيب الجسم بلوشن خالي من العطور لانه العطور تسود
خلي العطر للملابس لاترشينه على جسمج
ثانيا لبسي الشورت الداخلي القطن عشان يمنع احتكاك الافخاذ وبالتالي سواد هالمنطقه
ثالثا لاتستخدمين مزيل عرق فيه عطور او كحول والدكتورة نصحت بديودرنت بايوت
لكن اثناء استخدام خلطة الكريمات هذي للابط لاتحطين ديودرنت استعملي صابونه وكريم مزيل لراءحة العرق من شركة SVR متوفر بالصيدليات
وهذي مكونات الخلطة مع سعر كل كريم بالدينار الكويتي طبعا لاني شتريتهم من الكويت
rexol—— vitamin c-10 treatment
سعره9.750
skinoren
سعره 3.370
blenging bleaching cream D-pigmenting
سعره10.400
eldoquin forte 4%
سعره 3.120
fucicort
سعره 2.980
انتوا كتبوا اسامي الكريمات وعطوها الصيدلي هو يخلطها لكم طبعا من كل شي علبه ماعدا الدكوين 4% وهالخلطة تنحط بالثلاجة وتستخدمونها يوميا مرتين
البنت صاحبة الخلطة تقول ان اللون توحد وراحت البقع والسواد بنسبة 80% عقب شهر واحد من الاستعمال
اتمنى تنتفعون منها لانه المكونات زينه وطبيه ومن الصيدلية واللي حاطتهم دكتورة
احسن من الخلطات اللي بالمنتدى كلها ريتن A واشياء تضر وكريمات بهاق وبرص
هالخلطة احسن واضمن
ولاتنسون تدعون لصاحبة الخلطة ماقصرت كتبتها للكل عشان نستفيد
وهذي مجموعه الكريمات مع التونك والغسول وقلم مبيض للبقع اللي بالوجه وهالمنتجات ممتازة جدا ونتيجتها روعه انا اعرف هالماركة وموجودة بصيدلية جمعية الروضة عموما كل المنتجات موجودة بالروضة
واللي بره الكويت اتوقع تلقونها زي الي في السعوديه في صيدلية النهدي المعروفه بكافة الصيدليا ت غسول الوجه >rexsol للي مع فيتامين سي
التونيك>ultima whitening astringent 3
كريم العين>cover derm vanish yeux
كريم النهار>photoderm active cream lightining day care anti-brown spots
كريم الليل>
photoderm serum lightining night care anti-brown spots
كريم الحماية>uveblock spf 80
قلم تبييض البقع من ماركة photoderm
ماسك للبشرة اسمة mineral clay mask من شركة تومي كير
وقبلة كريم سنفرة اسمه rejuvi
اول شي ينحط كريم السنفرة مدة عشر دقايق على وجه جاف بدون فرك
وبعدين ينفرك الوجة باسفنجة جافة
ويغسل بماي فاتر
وعقبها ينحط القناع الطيني مدة عشرين دقيقة
وهذي العملية تكون مرة اسبوعيا على الوجه والرقبة
يالله حطيتلكم كل شي
استخدموا المنتجات وقولولي شرايكم
ولاتنسون ترى كلهم بوصفة دكتورة جلدية وكلهم من الصيدلية يعني لامواد كيماوية ولا خرابيط وزئبق ومادري شنو
وانا اول وحدة ان شاء الله بستخدم المنتجات
وفي كريم اسمة Glytone هذا ينحط على الركب والاكواع يوميا مده عشر دقايق فقط مو اكثر
وبعدها يغسل وميزتة يبيض وينعم
ومن عندي انا الحين قاعده استخدم الفيس بيبي من الصيدليه رقم 3 وبعدين 2 وبعدين 1هاذي مستحضرات تقشير والله لوجربتو راح تدعولي لانه علاج كل بشره التقشير كل سنه مره وشوفوا الكل راح يسالكم عن السر
