حل المنطقة الحساسة الحقيقي…

والسلام عليكم اخواتي الطيبات …

موضوعي هم عن المنطقة الحساسة ورح أتكلم على اللي صار معاي بالتفصيل الممل وباللي أقدر عليه وبأمانة ….

خلطات للمنطقة الحساسة … كريم… مطهر …. غسول … وماأدري ايش الكلام كثر عن هاذه المنطقة كثر فعلا وبالنهاية إلى الآن الكل يعاني منها وأنا رح أحكي معاناتي…

أولا أنا فتاة سمراء البشرة مائل للون القمحي … يعني أكيد عندي المنطقة الحساسة بتكون مو سمراء إلا سواد وخاصة هاذي المنطقة مهمة لكل إمرأة…

بالفعل صابني إحباط وفقدان أمل وكرهت نفسي وكابوس وشلون بتزوج والخ….. أسألة وحيرة وتعب نفسي وحالة حالة والله …. مافي منتدى غلا وسجلت في مافي خلطة إلا وسجلتها مافي كريم أو غسول أو مطهر إلا وكتبته صار عندي كتاب من هاذي الشغلات …بس السؤال؟؟

هل استخدمته … لأ
وحتى لو استخدمته هل استمريت عليه كما يجب …. لأ
هل كنت أغير من خلطة لخلطة إذا ماتغير شي من أول أو ثاني أو حتى ثالث يوم … نعم
هل شريت كريم … لأ
ليش؟ أخاف إنه مو زين وإن في بلاوي

إذن لا تنطرين أي نتيجة لأنك ماسويتي شي…

وايد بنات أشوفهم يسألون ويكتبون ويستعملون بس مو بالطريقة الصحيحة وبعضهم مايسوي شي وبعضهم يكسل والخ …

فشنو صار معاي أمي قالتلي سمي بسم الله وأدعي وانوي إنك تبذلي جهد على هاذي الشغلة وبصير خير استحيت من نفسي وبالفعل قلت أتحرك شوي ….

سميت بسم الله الرحمن الرحيم وبكل صلاة صرت أدعي ربي يفكلي هاذي البلوة ويخفف اللي بجسمي من حبوب وبلاوي …

فيا بنات الحل للمنطقة الحساسة وبكل بساطة ….

بالفعل بعد ما سميت ودعيت ونويت إني ما أكسل أهتميت بأسهل شي واللي الكل يحسه مو شي أو ممكن مايسوي شي بس فعلا النظافة من الإيمان…

شريت أداة فرك نظيفة جديدة خاصة لي…
شريت صابونة البابايا لأني أحب ريحتها و اللي استنتجتا من نصايح البنات عنها …
شريت ملابس داخلية قطنية أخيرا وكذا وحدة عشان أبدل على طول ..
كريم للجسم كمان بابايا خذيت شي من نفس النوع أحسن بدل مايكون في إختلاف…

بديت أتحمم بطريقة مختلفة عن العادة صرت أفتح ماي حار وشوي بارد بحيث يتبخر المكان كله ويصير رطوبة وجسمي يصب عليه ماي حار بس مو يحرق أحس إنه جسمي يمتص الحرارة وهذا المطلوب وأصير أدلك جسمي ورجلي وإيدي والمنطقة الحساسة ترى التدليك مهم وقت الصنفرة وقت الغسيل وقت تحطين كريم وأي شي…

بعدين أغسل جسمي بالصابون وأغسل المنطقة لازم أفرك عشان الأوساخ تروح أنا قلت فرك مو سحق فرك بسيط بطريقة التدليك…

بعدين نشفي نفسك عدل عدل عدل عدل عدل عدل بالفعل الرطوبة والبلل أكبر سبب للسواد أنا ماكنت مصدقة وأطنش وأقول مو معقولة وأدور على أسهل الأمور اللي هي الكريم وبس… لذلك نشفوا عدل وألبسوا الشورت القطني قبل كنت أحط فازلين وقت النوم لم أخلص دش وأدلك الفازلين بالمنطقة الحساسة لأن يساعد على تشربها وامتصاصها ويطلع الوسخ اللي جوة…استمريت على الفازلين تقريبا إسبوعين… ووقفته عشان ياخذ نفس ويتهوى من غير دهون لأن الفازلين قوي ودهني بس يالله اشكثر يساعد ….

بعدين وقفت الفازلين وصرت أتسبح بنفس الطريقة وألبس الشورت وعلى هذا الحال كملت شهر ونص بس… والله العظيم والله العظيم والله العظيم أنا ما أبالغ ماراح أقول بيضت أو صارت نفس لوني بس السواد اللي يخرع خلاص ماكو صار اللون بني غامق مقارب باقي يعني سالفة شهرين ويصير صح ونفس لوني بإذن الله…. هاذي تجربتي…

نصائحي لكم …

تسمون وتدعون من قلبك على الشغلة اللي بتعالجونها.
تختارون اللي يعجبكم من صابون وكريم وخلطات اللي تتماشى معاكم وتعجبكم وتحسينها تمشي معاكي.
أكتبوا التاريخ صح متى بديتوا وامشي على نفس النظام … وأشدد نفس النظام.
حاربوا الكسل ولم تحصلين نتائج حلوة رح يحمسك.
بنات الصبر مفتاح شنو الفرج … الصبر الصبر الصبر الصبر يا بنات والإستمرارية ولاتطلون أبدا طنشوا كأنكم تسون جذي بس مو إنكم تنطرون نتيجة ماأوصيكم…

وأنا متأكدة مثل ماصار معاي رح يصير معاكم ويمكن أحسن مني بعد ….

والسلام عليكم….