الحمام المغربي بحمام البيت عن تجربه برؤيه سعوديه خخخخخخخخخخخ

حبيباتي مافي اسهل منها
الادوات
صابون مغربي الدلكه
ليفه مغربيه
سماط الاكل بس مو المتين الرهيف حق مطاعم البخاري الشفاف خخخخخخخخخ
سخانه خخخخخخخخخخ
اول شي تسدين البانيو وتفتحين الدش على الحار وتغسلين جسمس تطلعين برا البانيو تحطين الصابون لازم على جسم رطب وتخلين الدش مفتوح يضرب على البانيو عشان ينتشر كل البخار في الحمام
بعد ماتدلكين كل جسمك عدا المنطقه الحساسه
بعد كذا تلفين السماط على الجسم من الرقبه الى الرجلين تقسمينه قطعه للرقبه والصدر
قطعه للبطن والفخذ
وقطعه للسيقان
والمويه بهالوقت تضرب
تستنين لين يتعبى ثلاث ارباع البانيو تسكرين المويه
وتستنين ثلث ساعه او ربع ساعه
بعدين تفكين السماط
تتطبين بالمويه الحاره اللي بردت وصارت دافيه تشيلين كل الصابون
وتقعدين بنفس المويه اللي تغير لونها ماصار صافي معليش
وتجيبين الليفه تدخلين يدك وهي مقبوضه زي لاتحنيتي يعني راحة اليد جوا الليفه مقبوضه مو مبسوطه ان شاء الله فهمتوا
وتبدين الفرك باول منطقه ازلتي منها الصابون نفترض القدم بشكل دااااااااااااااائري واشدد على دائري
ولا ماراح يطلع الجلد الميت مع عقارب الساعه وعكس عقارب الساعه لكل الجسم وراح تشوفين الجلد الميت يتساقط ويتجمع على الليفه تغسلين الليفه بنفس المويه وترجعين تفركين
بعد ماتخلصين من كل الجسم تغسلين بصابون ديتول اوي صابون تفركين الجسم
ولازم تتسبحين بمويه بااااااارده عشان تسكر المسام وتشد الجسم
لان القعده كل هالوقت بالمويه الحاره ترهل الجسم
وعلى فكره انا مو متفسخه البس الكلوت ابو خيط مدري شسمه اللي بس يغطي المنطقه الحساسه
واحط على شعري زيت قبل لا ادخل بساعتين عشان يصير حمام زيت بالبخار للشعر
والله عن تجربتي
ان شاء الله استفدتوا
وتلقون افكار حلوه باسرار الحريم
وبس
وداعة الله