كريم تبييض بنكوين مايكل جاكسون صور

هل يدخل في تغيير خلق الله ولا لا؟
كريم بنكوين مونوبنزايل المعروف او مونوبنزوين الي استخدمة مايكل جاكسن هو حلال ولا حرام؟؟!!
بقولكم تجربتي
فيه وحده اعرفها فيها بهاق وتتعالج بالكريم هذا من فترة
المهم
قلت خليني اخذ من الي اعرفها شوي بجرب على بقعه سودا عندي لها عشر سنين او اكثر ما طاعت تروح وانا احاول معها بكريمات ومقشرات وطقتهم وخفت شوي بس ما عندها نية تروح
صراحة البقعة تفشل
المهم قلت خاربة خاربة
واحط شوي من هالكريم يوم يومين 3 ايام ما اذكر بالضبط الا واحمرت البقعة السوداء واليوم الثاني بعد التحمير تبقعت بقشور كنها عجينه طحين رقيقه ناشفه على الجلد فركتها بيدي وطاحت القشورصراحة منظر رهيب و السواد خف بدرجة فظيعة

و بعد ما توفي مايكل جاكسون قالنا الحين بتطلع اخبار فضايح عماليات التجميل الي سواها وفي الاخير اكتشفنا انه متوفي بنوبه قلبية واهل مايكل يقولون انه مقتول وقتله كان متعمد بطريقة معينة
ولا جابوا طاري لعمليات التجميل والاشاعة المنتشرة انه مصاب بالسرطان غير صحيحه اما الاشاعة المنتشرة ان يستخدم واقي شمس هذا صحيحة وكلنا نستخدم واقي شمس

انا بشتري ان شاء الله الكريم لكن ودي اعرف اشياء اكثر

اولا:هل يعتبر تغير خلق الله ولا لا يعني هل يحرم شرعا استخدام هذا الكريم ولا لا ؟

اذا كانت الاجابة نعم الرجاء ذكر السبب والدليل؟

وكذلك ماذا لو استخدمت شوي من كريم تبييض بنكوين لتفتيح 2 او 3 درجات مثل لكريمات التبييض العادية لاني ابغاه اسرع؟ هل يعتبر حرام في هذه الحالة؟
على فكرة >>انا سويت سيرش في الانترنت وفهمت انه هناك كريمين قويين جدا
كريم بنكوين مونوبنزابل للتوحيد اللون لمرضى البهاق
كريم بنكوين مونوميثايل لتبيض اللون للناس العاديين

صراحة موضوع محيرني مره؟!! عطوني رايكم بليييييز

وموضوع ثاني
اي وحدة نسئلها عن سر البياض لازم تخفي الحقيقه ولا تقولها وبنفس الوقت تقوم تحذر البنات منها وهي تستخدمها بالخفية ولاتقول لاحد

طبعا بتطلع لنا كم وحدة تقول
الي حرام
والي تسبب امراض وسرطانات
والي تقول يازين الخلطات
والي تقول انتبهوا.
والي تنقل مواضيع واشعات تحذيرية وما تدري وش القصة
وال تنزل تحذير كنها المتحدث الرسمي لوزارة الصحة
والي تقول يقولون او سمعت
… والي تقول يازين خلقة ربي “طبعا يازين خلقة ربي بس انتي ما اعتنيتي بها اصلا”

الرجاء اي واحده تحذر تذكر الدليل موب كذا وبس ولاتقوم لي و تخترع قصه منمقة ومكذوبة وتكتب عليها منقول على شان ما نحاجها وتلقاها حاطة رصة اعلانات في توقيعها