انتبهووووا من هالخلطه والله دمااارر لاتستخدمونها ..

السلام عليكم يافراشات
بدخل فالموضوع طوالي انا ياحلووات جربت خلطة كريم بيتنوفيت +كريم دوف الوردي ..
والله يابنات اني ندمت قد شعر راسي .. سببت لي حساسيه وتهيج فالمنطقه والله مو حساسيه عاديه تقدرين تقوولين حرووق من الدرجه الأولى بجد ماابالغ..المصيبه انه كريم بتنوفيت يحتووي على كورتيزون وانا ماكنت ادري حتى ماسألت الصيدلي بطبعي مااتكلم مع رجل غريب حتى لو كان فيه مصلحه لنفسي ماعندي جراءه وإلا لو سألته يمكن انقذني قبل اتورط مع هالكريم ..
واللي يزيد الطين بله ..انه مايتعالج إلا بكورتيزون مثله لأني رجعت لصيدلي نفسه اللي شريت منه وسألته طبعاً غصب عني ..بلحق على نفسي قالي غلط تستخدمين اي كريم يحتوي على كورتيزون ومن ضمنه الدوكين ورتن اي كلها ممنوع تستخدم للمنطقه الحساسه
لأنها تستخدم لحالات صعبه مثل الأكزيما وغيرها الله يكفينا الشر ..
وقالي ممكن تستخدمينها للركب والأكواع بس ..
فهمتوا يعني ابتعدوا عن هالكريمات للمنطقه الحساسه ..قبل تجيبون العيد في نفسكم ..
وحرررررام عليهم بعض البنات يحطوون هالخلطات ويمدحوون فيها وتجي وحده مسكينه على نياتها ماتدري وش اصل هالكريم وتستخدمها مثلي طبعاً
بس عقب هالخلطه حرمت اجرب الخلطات بأانواعها وبذات على المنطقه الحساسه ..لأنها مو لعبه ..
وانا الحمدلله ربي رحمني مااستخدمت هالخلطه إلا اسبوعين واول اسبوع الوضع حلو بس مع بداية الأسبوع الثاني بداء العذاب ..والحين تعالجت عند دكتورة لأني مااقتنعت بالصيدلي والكريم اللي اعطاني اياه .. وقالت لي زين انك لحقتي نفسك وقفتيه وماطوولتي تستخدمينه وانا قبل استخدمه ماكانت المنطقه عندي لونها غامق بالعكس كانت على خفيف بس طماعه ابيها تلق لق وامحق جبت العيد بنفسي بس نصيحه نصيحه لحد يغامر ويسوي مثلي تكفوووووون بنات ابتعدوا عن الخلطات اللي فالمنتديات حتى لو كتبوا مجربه لاتصدقونهم مو كل بشره نفس الثانيه ..واعذرووني طولت بالكلام بس والله من زوود القهرر اللي فيني ..
واخيراً بعد نقلي لتجربتي اتمنى انكم تنتبهوون على نفوسكم بلا خلطات بلا وجع راس ..
ودعوواتكم لي ياحبوبات .. 💡