ساعدوني لاريد السفر مع زوجي

اخواتي الفراشات ابي ارائكم في مشكلتي وهي اني صرت اكره وقت الاجازات لان زوجي يجبرني اسافر معه عند اهله وزوجي متسلط علي لانه تزوجني وانا صغيره وصار يمشيني على كيفه وصارلي معه 18 سنه وهو مضطهدني مشكلتي ان اهله ساكنين في عماره وحده مكونه من شقق له ولاخوانه كل واحد ساكن في شقه ومجلس الرجال واحد وضيوفهم سواءمن اوصل عندهم وانا قايمه بفطور امه وابوه وحريم اخوانه ولا يقومون علما اننا كلنا جايين اجازه حنا واخوانه بس زوجي يحب بطبعه المدح ويحب يكون الافضل في اخوانه وهاذا كله علي وطول اليوم ونا واقفه في المطبخ تقولون فاتحه مقهى ونا ماعندي شغاله واذا جاء ضيوف هو اول من يصيح بالقهوه لدرجت ان بعض اخوانه اذا جاء ضيف وزوجي مش موجود يقول لولدي وين القهوه حسبي الله عليهم انا ماهمتني القهوه بس ليش مريحيين حريمهم وناالي قايمه بهم ونا عارفه انكم بتقولون زوجك هو السبب ونا معكم بس عجزت فيه ونا اقول حرام عليك تسويني خدامه لاهلك قال وش سويتي يحسره كله من جيبي واذا قلت ليش ماتقوم كل وحده تسوي فطور يوم لان اخوانه اذا سمعو امه وابوه يفطرون جو تقهوو معهم قام ضربني وقال تخدمين امي وابوي غصبن عنك يعجبك اجلسي مايعجبك بدالك ميت وحده وحريم اخواني مالي دخل فيهم اذا ازواجهم رخوم انا ماني رخمه اخليك تمشيني علا كيفك والله اني ياخواتي اذا رجعت من الاجازه اهلي يخافون حتى من شكلي من كثر ماضعفت عارفه انكم بتقولون روحي عند اهلك وعلمي ابوك المشكله ماقدر لان زوجي من النوع العنيد وجربت مره رحت وشكيت لابوي والله انه يوم رجعت معه جلس مايكلمني شهر ويشغلني في البيت ويقول اذا ماعجبتك العيشه مع السلامه ونا مابي اخلي اولادي وهو يعرف اني مقدر اخليهم لان في واحد مريض ويبيله عنايه انا عارفه ان الشكوى لغير الله مذله بس ابيكم تشورون علي كيف اقنعه انه يرحمني شوي ويحس فيني……………………حسبي الله ونعم الوكيل