عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا فروشات والله بصراحه مره القسم حماس وحلو واحس فيه تعاون ما شالله
واشكر كل وحده ردت واهتمت بموضوعي السابق
الله يعطيكم العافيه يارب …
زي منتو عارفين الدول اللي موجوده هذي السنه جدا محدوده وانا كان نفسي في استراليا بس خلاص مو مشكله
انا مقدمه وكل يوم اغير في الرغبات تبع الدول خخخخخخ
اول شي حطيت امريكا بعدين كندا بعدين ايرلندا وبعدين غيرت وحطيت فرنسا اخر شي بعدين غيرت وحطيت امريكا وايرلندا وكندا اخر شي
ودحين كمان ابغى اغير بس قلت استشيركم اول وطبعا بعد الاستخاره ..
ايش احط الدول ؟؟
انا ابغى احطها من ناحيه الحجاب ما راح يكون فيه مضايقات ومن ناحيه الحضانه عشان ولدي
بس اهم شي الحجاب …
ومن ناحيه النفسيه ما ابغى اروح بلد ونفسيتي تكون تعبانه انا وزوجي
ولانه زوجي مرافق ان شالله ويبغى يدرس نبغى بلد تكون اجراءاتها كويسه مو يصعبوها علينا وعلى زوجي
وفي نفس الوقت ما ابغى بلد يدرسونا لغتين لغة البلد وانجليزي انا ابغى انجليزي وخلاص وادرس ان شالله ماستر محاسبه ونخلص ..
ان شالله الاقي رد عندكم لاني بجد محتاره بسبب محدودية البلدان
لاني كمان سمعت انه امريكا وكندا وخصوصا كندا اجراءاتهم صعبه ..
والبلدان المتاحه هي :
امريكا,اسبانيا, المانيا, ايرلندا. التشيك, الصين , المجر, النمسا, اليابان, ايطاليا, بولندا, رومانيا, سلوفاكيا, سنغافورة, فرنسا, كندا, كوريا الجنوبية, هولندا
انا مفكره اغير بدل امريكا احط ايرلندا ومو عارفه كيف ساعدوني الله يريح بالكم ويوفقكم فين ما كنتو يارب ..
