بنات تكفون اسمعوني للأخر وادعولي بالزوواج الابدي

كل عام وانتم بخير يارب ورمضان مبارك علينا وعليكم

انا اول مره اشترك بهالمنتدى وومن قبل شهور عاجبني هالقسم مرره ودايم اجي اتابع مواضيعكم ويعلم الله اني ادعيلكم بقلبي كل ماقرى موضوع عن الزواج ولا الطلاق

انا بقولكم قصتي كامله اتمنى تعطوني الحل واهم شي تدعولي دعوه بظهر الغيب في شهر الخير

انا بنت عمري 23 سنه ادرس بالجامعه قسم انقليزي<<سبب عذابي هالجامعه اااه بس

المهم الحمدلله ماعلي قاصر مملوحه ودبدوبه شوي قبل ايام الثانوي كنت احلى وحده من زميلاتي وكلهم كانو يقولون لي اكيد اول وحده بتتزوجين فينا لانك احلى وحده وابيض وحده فينا <اااخ بس وربي صكوني عين وتعبت نفسيتي من اول مادخلت الجامعه ودخلت هالقسم .. المهم زميلاتي كلهم تزوجو الا انا (ماقول الا الله يوفقهم مابي احسدهم ) وبعد ماتزوجو وربي كلهم تغيرو كل وحده صارت مغروره وشايفه نفسها والحمدلله كل وحده اشين من الثانيه وتدق بالكلاام وربي لي معهم مواقف ياكثرها كنت ارجع البيت ابكي اقول ياربي ليش مانخطب مثلهم انا شفيني عشاني دبدوبه بس في امتن مني وتزوجو كنت كل ماروح الجامعه اشوف متزوجات انقهر وربي وهم اصغر مني اقول خلاص راحت علي واكيد ماراح يجيني الا متزوج ولاكبير لاني يأست اني اتزوج وزميلاتي كلهم تزوجو قبل عمر 20 في وحده منهم تقولي يؤؤؤؤ وصلتي عمر 22 وماتزوجتي اقولها نصيبي بعدين تقول احلى عمر للزواج تحت العشرين تتدلعين وتشوفين حياتك وحتى لو تغلطين مايحاسبونك <<ااااه حرام عليها ليش تقول كذا
وفي وحده من البنات قالت لي كلمه وربي دعيت عليها من قلبي تخيلو معي الموقف كنا وقت اختبارات وقالو الاستاذ الفلاني اختبر الشباب قبلنا ياليت نجيب الاسئله حقتهم وبعدين هالبنت لفت علي وقالت لي ههههه شرايك انتي تتعرفين على احد وتجيبن لنا الاسئله لانك مو متزوجه وماعندك احد تخافين عليها وقهرررررتني كان ارد عليها قلت لها لا حبيبتي هالحركات انا ماسويها وبعدين انا عندي رب اخاف منه مو زوج وانتي سويها احسن لانك متزوجه ماعليك مو مثلي بنت (وربي قالت لي قدام البنات كذا وانا ماأذيتها بعدين ارسلت لها رساله قلت لها يافلانه لا عاد تكلميني بهالاسلوب وماحب هالمزح عشان مانخسر بعض )) وجات بعد كم يوم تحسب نفسها ماغلطت واتعذرت بس والله يابنات حز بخاطري هالكلام جيت البيت ابكي واقول حسبي الله ونعم الوكيل عليها حتى اخواتي انقهرو علي
والله اكره الجامعه من سبت البنات والقسم صعب صعب صعب مررررره تخيلو اذا رسبت بماده من الطبيعي ارسب بالجامعه من استاذاتنا ومايحتاج اتكلم عن استاذات الجامعه كيف تخيلو تجيني بنت تقول لي كل زميلاتك مارسبو وهم متزوجات انتي لانتي متزوجه ولاشي ليش رسبتي اقولها كل وحده وقدراتها وهالمتزوجات كلهم عندهم شغاللات بس انا اطنش مثل هالكلام ولا يقولون لي انحفي ومدري ليش اكل من خيركم انا … الله يفكني من الجامعه باسرع وقت ممكن وربي كرهتها من البنات كلهمممممم .. ولا اهلي يبوني ادرس واكمل واتوظف ومايبوني افكر بالزواج مرررره يحسبوني صغيره ولابزره تخيلو قبل سنيتن جاني واحد ومامعه شهاده الظاهر وامي جات قالت لاختي الصغيره جاك عريس واختي قالت لا مابي وانا كنت حاسه انه لي العريس سبحان الله مدري كيف حسيت ورحت واجهت امي وابوي قلتلهم جاني احد ولا لا انا انسانه ابي اتزوج خلاص كبرت قالولي ماتستحين على وجهك ياقليله الادب وقالولي كلام ماينقال وقلتلهم حسبي الله ونعم الوكيل وربي يوم القيامه ماسامحكم اذا جاني احد وماقلتولي وقمت ابكي.
شفيها يابنت لو ابي اتزوج حرام ولاعيب ؟؟؟؟ ولا لازم اجيب شهاده واتوظف عشان اتزوج اااااه وربي كرهت اهلي بعد ابوي مايزوج خواتي الا بعد مايكبرون بعد 25 ويجون ناس بالقوووه مع اننا ولله الحمد كلنا ماعلينا قاصر بس مايجينا خطاب كثير زي البنات مدري ليش ولاابوي عنده شروط اهم شي الوظيفه انا قلت له والله مابي اتوظف لو اشحد بالشوارررررررع ماتوظف بشهاده الانقليزي هذا وماسماحكم لو شرطتو على احد وظيفه والناس كلهم عارفين ان بنات فلان مجتهدات وابوهم يبيهم يكملون دراسه ويتوظفون ..المهم ابوي دايم يسمعنا يقول لسى صغار انتو خذو الشهاده انتو بترفعون راسي لانكم انقليزي ومدري ايش والله يابنات ان هالكلام يقطعني تقطيييييييع اكرررهه كرهت الانقليزي والي في انا اسسسسستاهل اني دخلته تعبت نفسيتي منه كنت اقول لابوي يابوي يوم تقولي انقليزي ومفتخر فينا ترى كننك تقولي انتي بالجحيم وترى ماحد بياخذنا والله العظيييييم يقول لسى صغار والله اصيح اقول انا ماني صغيررررررره الدنيا فتن الدنيا كلها فتن انا ابي بالحلاال فيها شي لا مافيها شي ؟؟؟
وامي يوم تخطب لاخوي تدور له بنات صغار مره تحت ال 20 واخوي مدرس يقول ماخذ بنت كبيره ليش شناقصني ليش شفينا احنا عشان درسنا وكملنا دراسه ماحد ياخذنا ولا كيف واخذت له بنت عمرها 16 سنه ومعها شهاده سادس وبطلت ؟؟ لي ابوي وامي ماقالولها لازم شهادتك ووظيفتك هاااه ؟؟؟؟؟؟ يجبرونا نجلس معها ونداريها ونسايرها اقول لاهلي عقلها مو مثل عقلنا وربي يوم اشوفها احس اني عانس بقووووووووووووه واكره حياتي ولا المفروض علينا اننا نجاملها ونداريها ااااه ياررررررررررررب متى ارتاح تعبت وربي تعبت كل ماشوف بنت اصغر مني ومتزوجه اكره عمري .. كل يوم وربي اصيح وابكي وادعي على نفسي .والله يابنات حتى ابوي مايصرف علينا مع انه عنده خير مشاءالله بالقوووووه يعطينا فلوس بس يدفلعنا الباص والباقي من فلوسنا وانا الحين طالعه خامس جامعه وباقيلي ساعات قليله ان شاءالله اخلص وارتاح مايعطينا الا بالقووه وبالبكي وبالصراخ وربي كل رمضان مشاكل يابنات تخيلو امي انسانه قاسيه القلب بماتعنيه الكلمه كلمه قاسيه قليله عليها دايم تدعي علينا وتكرهنا وماتحبنا حتى احنا ماتحبها استغفرالله لانها مو حنونه ولا هي ام مثل الامهات بس همها الناس والشياكه وكل زواج فستان وذهب وتسريحه ومكياج كامل وبناتها ماعندهم الا فستان باربع زواجات يلبسوونه ولاتوديهم كوفيره تخيلوووووووووووووووووووووووووووووووووووووو تطلع ملابسنا للناس من غير ماندري تقول صدقه؟؟ شلون صدقه واحنا نبي الملابس ولاندري وين توديها والله العظيم قبل اسبوع طلعت من عندنا بجامات للناس وجيت ادورها مالقيتها يوم قلت لها وينها قالت حرقتها كلها مقطعه ؟؟؟؟؟ شرايكم قعدت يومين بلبس واحد وقلت لابوي وابوي ولاهمه جداااااااااااااااااااااااااا سسسسسسسسلبي بالبيت وامي مايهمها ابوي مرررررررررررررررررررررررره وكل همها النظافه واذا طاح منديل ياويلنا وربي تدعي علينا كرهتنا حياتنا والحين باول يوم رمضان وهي غير دعاوي تكرهنا مدري ليش نعيش معاها ااااه استغفرالله بس وكانت تدعي على اخوي عشان مايوصل صديقاتها لبيوتهم ولا لسوبر ماركيت لين ماجاه مرض السرطااااااااااااااااااااااااااااااااااان والله يابنات مابالغ اخوي كان زمان تعبان وهي تهكله بالمشاوير يقول مابي اخدم الناس ماني سواق انا واذا قال لابوي دعيت عليه بكل الامراض لين ماجاه السررررررررطااااااااان الله يشافيه لنا يارب … والله احيانا اقول حرام ام هذي بس اقول يارب صبرني لين يرزقني برجال صالح تعبنا تعبنا بالبيت احسه مو بيت احسسسسسه جهنم والله العظيم ..
وانا الحمدلله رب العالمين لي يمكن 6 شهور الح بالدعاء بالزوج الصالح واستغفرررررررر كثييييييييير واقرى الواقعه وسوره يس كل يوم واقرى البقررررررره داييييييم ومره جاني قبل 4 شهور خطيب جات امه عندنا البيت وشافتني وعجبت فيني مرررررره بس ولدها مو متوظف توه تخرج من الجامعه وتقول احجز بنتكم سنتين ويملك عليها لين يتوظف بس ابيها وابوي قال ماعندي هالكلام ورفضوووووه واول اسباب رفض امي وابوي مو عشان وظيفته لالالا عشان امه وابوه فراشييييين ؟؟؟؟؟؟؟؟ تخيييييلو تيب شفيها انا ابي الستر والله العظيم ماتشرط انا بس ابي واحد طيب وولد حلال واهله طيبين عشان اطلع من بيتنا كرررررهته المهم ابوي كلمني قالي مايفنع تاخذينه لان مستوانا غير مستواهم وانتي صغيره توظفي وشوفي كل العالم يجونك قلتله لاتقولييييييي وظيييفه ولاتبينا انا اصرف على زوجي هااااااااااااه وقلي لو تبين واحد زي كذا زوجتك واحد من عيال عمك واصرف عليك وعليه بسسسسس وللحين الام تكلم الحرمه الي جابتها تبيني بس امي تقول مستحيل ….. والله قلت لو جاته وظيفه لاواجه اهلي واخذه بس البلا ماعنده وظيفه وفقرا مررررره هذا كلام اهلي

بنات صرت اكره كل الناس احس اني مالي داعي بالحياه وربي احيانا ادعي اقول ياررررررب ارزقني بواحد ماعاد يجيبني هالبيت والله دايم ادعي هالدعاء ومره اخوي سمعنا وقام ضربني ضرررررررررررررررررررررررررررررررررررررب والله العظيم كسرني تكسير يقول ليش تدعين كذا تيب انا كيفي ادعي الي ابي يدي تكسرت وتورمت منه ودعيت عليه من قلبي وجاني يتعذر ويجيب لي كمادات ؟؟ بعد ايش بعد ماكسرتني تكسير ولاااااااااااا الي يقهرني انهم يقولون لي انتي صغيرررره واذا قلت متى اتزوج قالولي قليله ادب ومنتي متربيه ؟؟؟ حرام عليهم هم مايشوفون هذا الزمن والمصايب الي تصير للبنات مايخافون ان بناتهم يتعرفون ع احد ويخرجون معااااه بس احنا نبي بالحلال مانبي ربي يغضب علينا

والله عندي كلام كثير بقوله مابي اطووووووول عليكم واطفشكم

ادعوووووووووووووولي تكفوووووووووووووون يابنات ان ربي يرزقني الرجال الصالح الطيب الحنون عاجلا غير اجل واهم شي اعيش معاه طووووول العمر ولا ارجع بيت اهلي