عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم حبيباتي
كيف صحتكم جميعا
كل سنه وانتو بالف خير
بابدا لكم بقصة ولادتي العجيبة
وراح اذكر الاسماء لاني ماابي احد يتوهق مثلي بعدين
واطلبكم انكم تذكرون قصتي لكل من تعرفون
يمكن تكون عادية لكني اتمنى القى احد معي يشتكي ع هالدكاترة الي نسو معنى مهنتهم
ولدت بحمد الله وفضله وجت بنتي الي مثل القمر واحمد الله على سلامتنا انا وياها
طبعا مثل ماهو واضح من العنوان
ولادتي كانت في مستشفى اسطون
وهو مستشفى كنت اشيد به لاني ولدت بنتي الاولى فيه عند د. سناء الي اقل مايقال عنها انها رائعه وتعرف ان الطب مهنة امانه
فيها حياة وموت
طبعا شاء الله انه يجي موعد ولادتي حسب موعد الدورة في وقت د.سناء ماهي في المستشفى
فقررت اتابع واولد عند د. عزة
طبعا انا قريت عنها في كل مكان وسمعت عنها كثير
ماانكر خبرتها لكني استنكرت منها اشياء عده باقولها بقصتي الحزينه 👿
انا جيتها قبل نهاية شهري باسبوع كنت تعبانة وفيني دوخة اشوف الواحد خمسه:)
المهم انها قالت يمكن ولادة!!
قلت مافي اي شي لاطلق ولا اي احساس وباقي اسبوع
قالت اكشف من تحت!
وانا مفهيه ووافقت
كشفت وقالت الرحم لين ومفتوح 1سم
قلت يعني قالت تعالي الليلة ولادة!
المهم اني انا دافعه لهم حق متابعه وولادة يعني بكج
يوم جيت بالليل معي دم وتقلصات وبطني متحجر
قالو الرحم مقفل!!!!!!!!!!!!
قلت والدم وفهمت انها هي سوت توسيع
طبعا سوولي تخطيط طلق وماادري ليش ماانحسب من ضمن البكج مع اني جايه ولادة!!
مشيناها
المهم جيتها بعد اربع ايام
قلت وش السالفه قالت تعالي يوم السبت لان احنا اجازة بعده!!
مدري يعني الي يتولد بالعيد هذي تنسى تلقى احد
انا من الحرص جيت السبت الصبح دخلوني تنويم
المهم عطوني تحميلة طلق وربطوني بجهاز طلق خربان تجي الممرضه كل شوي تقول اضغطي هالدرج عشان يمشي الورق
باختصر لكم
المهم يوم جت الساعة 6 يعني بعد 12 ساعه قالو الرحم 4 سم بس لازم تمشين عشان تنزل الراس في الحوض رغم اني لي 3 شهور الراس تحت
مالكم في الطويلة
نجي عند اخر اللحظات
نزلوني تحت في دور الولادة لقيت قدامي 4
طبعا كلهم يصارخون والا يمشون 😳
حسيت الرحم انقفل
طبعا انا بناء على نصيحة دكتورتي المخلصه عزة قررت اخذ ابرة ظهر مع ان هذي ولادتي الثانية
طبعا من قرادتي اعلنو العيد
وكانو طول الوقت يقولون امشي ولما قالو بكره عيد قالو دكتورة التخدير حنان تقول اذا تبين ابرة ظهر معك نص ساعه لانها تبي تطلع تخبرون بكره عيد
رغم ان دوامهم مفروض يكون عادي يعني الى 12
المهم جت حطت الابرة ولما خلصو قالو الراس مانزل كويس في الحوض يمكن يحتاج قيصرية
قلت الله المستعان وسكت
المهم
ع الساعة 10 ونص قالو الرحم انفتح 10 سم بس المشكلة ان الراس مانزل كويس بننتظر
ورفضو يعطوني جرعة ابرة التخدير وصار الطلق حرررررررررررررريقه
المهم انها صارت تقول لاتدفعين
قلت ش اسوي غصب ومريت بمعاناة وربي اني قمت ادعي ربي يهون علي الموت
المهم اني بالاخر قلت ابي د. سناء لاني لاحظت ان الممرضات يقولون ان د. عزة متاخرة تبي تخلص مرضى العيادة!!!!!!!!!
قالو لا مانقدر ومن هالكلام وصرت اقاوم ادفع وادعي ربي واتحسب على عزة من كل قلبي لاني فعلا تعبت ظهري منقطع من الابرة الي مااستفدت منها الا الاحساس بالعجز 3 ايام بعد الولادة
المهم يوم جت الساعه 12 ونص قالو خلصت عيادة بتجي
تخيلبو من 10 ونص الى 12 ونص طلق حامي
المهم انها برضو تاخرت
يوم حسيت انا ان راس البيبي بيطلع واصرخ ع الممرضة وهي قاعده عند رجلي الا يوم طالعت من بعيد ونقزت وقامت تصارخ وتنادي العالم
جت د.عزة وولدتني والله لايسامحها خلعت كتف بنتي
وفي نفس الوقت كان في الغرفة الي جنبي بكرية تولد ماراح اقولكم وش سوو فيها بس تخيلو ان عزة كانت تخيطني وتقول للممرضات اذا طلع راس البيبي حق فلانه نادوني!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!
المهم راحو وشوي الا الممرضة تركض تنادي عزة قامت قالت لي لاتقفلين رجلك!!!!!!!!!!! وراحت لها ولدتها وجت كملت خياطتي!!
بعدين راحت للثانية قالت لها لازم نسوي لك خياطة تجميلية لانك توسعتي مره!!!!!!وهي بكرية
المهم هذيك جيدة طنشتها
طبعا في ذاك اليوم كان تقريبا فيه 8 يولدون سوا وكلهم عند عزه
منهم وحده قالو لها يله قيصرية ونزلوها للعمليات وفجاة ولدت طبيعي تحت!!!
طبعا وللعلم بس كانت ولاداتنا زي المجزرة لان عزة تبي تلحق تصلي العيد
وتقول لوحده تكلمها الله يسامح هالحريم الي جو يولدون الليلة
المهم ولدت ع وحده ونظرا لنقص الممرضات ظلينا انا والي ولدت مغي اللى 4 ننتظر احد يدخلنا الحمام بعد الولادة 😳
تخيلو
المهم
طلعنا فوق انا بالنسبة لي ع 5 الصبح
جا زوجي وقلت له انزل شف بنتنا
وراح تحت
وجاني وهو وجه منعفس وبين عليه انه كان يبكي
قلت اكيد بنتي صار لها شي
قال لا
بس فالاخر قال انهم يقولون عندها مشكله بالقلب واحنا ماعندنا جهاز اشعه للقلب بس عشان نتطمن راح نستاجره من مستشفى المواساة!!!!!!!!!!!!!!!!!
طبعا الي قال اخصائي الله لايوفقه ناسيه اسمه
وظليت ابكي اربع ساعات وانا مثل المشلولة عشان ابرة الظهر
نزل لهم مره ثانية
كان فيه اخصائي ثاني وكانت اختي مع زوجي
المهم انهم طلعو يبون يسرقونا زيادة فلوس وفي نفس الوقت يغطون على مشكلة خلع كتف بنتي
كانت اختي تقول للاخصائي افحص كتفها يقول الكتف دي حاجه بسيطة المصيبة القلب
لا اله الا الله
المهم اختي شكت وقالت لايسوون بها شي
المهم يوم شافو زوجي شد عليهم قالو لا اجا استشاري وفحص بنتك ومافيها بقلبها شي واليد فيها تنميل وتحتاج علاج طبيعي
يعني حاجة بسيطه
المهم ياخواتي انهم فجعوني جعل ربي يفجعهم
وبالاخر يوم جا زوجي يحاسبهم
والله ان حتى حبة البنادول حاسبينها ب2 ريالين
والمضاد 3 حبات ب260 رغم ان العلبة الي فيها 20 حبة من الصيدلية ب100 ريال
وانا ماادري في ايش او ليش دفعت حق بكج
المهم ان ربي قدر ولطف بي
لكني الى اليوم مصره ابهذلهم لان الدكتورة مفروض تكون حول الوحده وهي تولد لانها ممكن تتعرض لاي شي يعسر ولادتها
غير كذا شغل الحرامية مو كويس ولازم يتعالج
والي تعرضت لموقف مثل كذا معهم تحكي لنا
لان وضعهم من جد مقرف
خلصت الحكاية
بكيتو معي صح 😳
يله الي عانت منهم تقول
انا ماابي منهم تعويض لكن الخطا اذا انسكت عنه تكرر..والسمعه الكذابه لازم تنتهي
انتظركم
