“” يازين دجـــــهـــ بينهـــمــ “”

غياب طويل عن احلى كشات باالدونيا كشات الفراشة

ثلاث سنوات معرفتي بكم لكن اللي تعرفني عن قرب تعرف إني إنقطعت بعد السنة الأولى

لعارض صحي <<< متعوب عليها الكلمة خخخخ

ويمكن ملفي ومذكراتي توضح كل كلامي .. كنت أدخل للتصفح دايما

عن القرقة وباقولكم السبب ..اللي خلاني ادخل اكتب شي خاااص جدا ً فيني

كل مادخلت هالقسم أقرى أشياء تعور القلب وهدا شي طبيعي لأن الحياة كلها متاعب وحنا بنات

ومشاعرنا مرررة تتأثر من كل شي حتى لو كان بسيط “

أنا لسى صغيرة في عمري على مشارف 22 على قولتهم خخخخخخخخ

وقبل 4 سنوات ماكنت أفكر غير بالدجة والوناااااصة والرقص<<<شطحت خخخخخ

الموهيم أحلام الصغااار زي ماتعرفوا !!

بعد مرضي وسفري انخطبت أختي الكبيرة وبعدها بفترة إنخطبت أختي الي بعدي

الله يوفقهم يارب ويسعد حياتهم

بس أنا لأنو وضعي مختلف شوي حسيت بيني وبين حالي إنو صعب إني أتزوج

ومين حيتزوجني ياحسرة .. الرجال يبغى له وحدة قوية وتخدمه ماهو العكس!!

<<<يعني تقدروا تقولوا إتحولت أحلامي من أحلام البزارين لأحلام البنات ههههههه

أنا مافكرت لدحين بس فكرت لبعدين قلت معقولة يمر العمر واجلس وحيدة

وجدتي الدوبة فديتها بعدمانخطبوا بنات خالي جلست تقول عوقبالك والله لاارقصفي فرحك

وأسوي اللي مايتسوى “

قلت لها ياحسرة ياجدة مين حيطالعني ..

وبدت محاضرتها هي وماما عن الأمل والإبتلاء والنصيب تعرفوا الحركات حقت الكباااار

ماعلينا الموضوع ماكان شغلي الشاغل بس تعرفوا لازم الوحدة تخاف على المستقبل

أختي الأصغر ماشاءالله إنخطبت هادي السنة كمان

ودجة أوم كشة مكانك سر خخخخخخخخ

مراجعات مع دكاترة صلع وبرق وبرص خخخخخخخخ وصراع مع دوامالجامعة ومع تعب الحياة

لكن لما أقولكم فيه دايماً أمل في الله لازم تصدقوا

فيه حياة مع الإبتسامة لازم توقنوا !!

العشرة الأواخر من رمضان إنخطبت !!

حتقولوا عادي !

حقولكم الوضع مستحيل يكون عادي ..

لأنو بالفعل مين يرضى يتزوج وحدة مريضة قلب

لما ماما قالت لي مين العريس كان حيحصل لي زي اللي بيصير في الأفلام يغمى عليه

خخخخخخخخخ<<<<<< بس لولا الحيا ياناس !

خطبني ولد عمتي من الجنوب <<<وه فديت ريحة الجنووب ولا تهون ديرتي الغربية

ولد عمتو هدا كنا نتوقعه يخطبأختي الكبيرة لأنها طب وهوا كمان طب

ساب بنات العايلة كلهم وخطبنيأنا

ترددت كثير في الأول .. وقلت لماما وبابا لا

بس بابا كان عارف أنا أفكر في ايه ولما جا البيت قله إنت ماتقدمت إلا عارف ظروفها

ورجع فتح له محاضرة وسيرة طويلة عريضة عن الحياة مع وحدة في حالتي<<<بيني وبين حالي خنقتني العبرة

على روحي وتأكدت مليون في المية إنه أول ماحيوصل البيت حيرفضني وبكل إرتياح

ومعاه حق وما ألومه لأني لو كنت في مكانه هدا الليحسويه

بابا قله خد وقتك وفكر في كلامي كويس لأنو هدا إرتباط ماهو لعبة

بعد جلسته مع بابا بثلاثة أيا إتصلوا يبغوا يحددوا موعد للنظرة الشرعية

وأبوي أصر إني أوافق وقال خلاصمافيه شي لازم نخاف منه

فعلاً شفنا بعض يوم الثلاثاء والحمدلله صار القبول

يعني الحلم اللي ككان من أصعب أحلامي تحقق في لمح البصر وارتبطت بطبيب

مين كان يتوقع !!

أنا لما كنت بخير وعافية ماما كانتتقولي زين إذا تزوجتي <<<من زود الشقاوة اللي فيني

ولما ابتليتوالحمدلله رزقت باللي ماكان على البال ولا الخاطر

لاتسألوني شو سر تعلقهبوحدة مثلي لأني عجزت ألاقي إجابة

مهما كنت جميلةوطموحة وشقية و…..و…….و…….

إلا إني أبقى مريضة في عيني وفي عين الكل

لكن توفيق الله وإرادته أكبر من توقعات العبد

والأمل في الله خير

أنا طولتعليكم بس حبيت يكون كلامي فيه فايدة لأخواتي اللي حسوا

إنوا مابقي أمل وان العمر عدى والفرص انتهت

رغم إنو كلامي ممكن يزعل كل اللي يعرفوني ماما وخواتي الكشات وصديقاتي 😆 idea:

لكن الحمدلله على كل حااااااااااال

والله يفرح قلوبكم ويضمد جروحكم ويحلي أيامكم

<<<ماتحسوا أسلوبي إتعدل <<<عقلتخخخخخخخخ 😆 🙂