مين يأيدني؟؟؟ ولمتى بنضل ساكتين

كيفكم فراشات عساكم بخير

كيفكم يافراشات السعوديه مع الغلا اللي صاير؟؟؟

الله يعينا …………….. اميــــن

مين يأيدني على هالموضوع ولمتى بنضل ساكتين والتجار يرفعون الاسعار
لين مانلاقي ناكل ولانلبس ولا بيوت نقدر نستأجر
وكل محد قالهم شئ قالوا والـ 15 بالميه الي جتلكم
منتم اخذتوها وفوق تدبيلتها تدبيله بعد

صح انو الى الحين الحمدلله حالنا ماعليها
وانا مو كاتبه هالموضوع الا لان الشعب السعودي باستثناء الطبقه العليا طبعا يعانون من هالشئ
صح حنا بيتنا ملك ونلبس ماركات وناكل احسن اكل ودخلنا بالشهر مايقارب 14 الف ريال
بس الواحد عندوا اقساط بيت سيارة قرض راتب سواق وشغاله مصروف عيال للمدارس وفواتير والعيال تكبر
اشياء لاتعد ولا تحصى مو بس اكل وشرب

وحتى السواق والشغاله زادت رواتبهم

يعني معليش السكر اول كا الــ50 ك بــ 50 ريال الحين بــ 130 ريال يعني الدبل وزياه
والرز ارتفع 30 بالميه مو حرام في ناس عايشه على الرز بس
الالبان والعصيرات ارتفعت 40 بالميه
وغير المنتجات الباقيه

لكن حسبي الله ونعم الوكيل

ويقولوا اشتكوا لوزير التجارة وناس قالت ان وزير التجارة يقول لا تشترون الغالي خذوا الرخيص ..

ليش اصلا هو بقى شئ رخيص؟؟؟؟؟؟

ولا طبعا المسؤلين عن هذا الشئ مو داريين بشئ
ليش هم الي اصلا يسوون ميزانيت بيتهم؟؟؟؟
ولا حتى هم اللي يتقضون للبيت؟؟؟؟
ولا ختى يحاسبون على المويه والكهربا وفتورة الجوال؟؟؟؟

ولا يدرون بشئ وحتى لو عرفوا وش عليهم ميزانيتهم تغطي مزانيتهم 10 بيوت اجل ساروا مسؤلين على الفاضي؟؟

والى الحين الناس ماخذه عننا فكرة اننا نمشي بالشارع ونرمي فلوسنا خاصه مصر والاردن وسوريا
والله محنا كذا ولاحتى كنا كذا

والله انا تقريبا كل سنه نروع الاردن وسوريا واحيانا ننزل تركيا
وانا ماقول هالشئ الا لاني عشت وانا ترا فيني عرق اردني

وين الاردن انزل مطعم مثل مطعم الواحه ولا حتى مكه مول ولا ملاهي الجبيهه
اتمشى وياعين الاسعار تمام لاني من غير عبايه بس متحجبه
ولا نزلت معي امي وهي لابسه عبايتها تتدبل الاسعار ثلاث مرات

ولا سوريا وانا اموت فيها مرة بس نفس الشئ حتى السكن يغلا

ولا مصر ازود منهم كلهم يقولولنا ما الفلوس على البكو اد كدا هو

وتركيا يقولو انتو سعوديين عندكم بترول كأن كل بيت فيه حنفيه تصب بترول

وما ابي اتكلم زياده لكن والله من القهر اللي فيني عيني حنا عرب ومسلمين وكيف نعامل بعضنا
باستغلال وانا لو اتكلم بهالموضوع والله مااخلص حتى اقارب الواحد االي هناك نفس الفكرة

لكن ابرجع للموضوع الاساسي الغلا

لين متى ؟؟
وش نهايتة هالحال؟؟
وايش الواحد لازم يسوي؟؟
ومين المسؤل؟؟

نسكت لا مستحيل

لكن ارجع واقول حسبي الله ونعم الوكيل

ليش مايتحدد كل شئ سعره من وزارة التجاره

وين اصلا وزارة التجارة عن هذا كله ولا حتى وين حماية حق المستهلك

ولا بس اسماء ولاغير كذا

ولا لين نسير زي الدول الفقيرة نحتفل لا شرينا نص كيلو لحم

على قول مرت خالي

الحين في طبقع غنيه وفي وسط وفي فقيرة
وبعد كم سنه بنسير بس غنيه وفقيرة
وحنا والله اعلم مع الفقيرة

بتسير وش الـ 15000 ولا وش الــ20000

ولاشئ

والله يستر من الباقي وعواقب هالحال

يعني هالحال ممكن يدمر حياة ناس لويستمر كذا ممكن ناس تنحرف لا سمح الله
ويسيروا النا س يدورون طرق لكسب المال حتى لوكانت غير مشروعه
الناس الحين ساكته لان الوضع الى الحين مستور وللله الحمد
لكن ماراح يتوقف طال ما انو الدعوة سايبه