معاناة زوجة ضابط

احم احم

السلام عليكم
بقول لكم سر بس لاتعلمون احد <<<صورة وجه يتلفت يمين ويسار يتأكد ان مافيه احد يسمع
اختكم في الله زوجها ضابط:P
<<< احلفي >>>والله العظيم
>>>وش قصدكم يعني كذابه خلاص زعلت مانيب مكمله
<<< خلاص اسفين
>>> بس لعيون اللي جالسه ورا مؤدبه بكمل <<< ذكرت معلمه الله يذكرها بالخير

المهم
نصيحة اللي على وجه زواج اذا مخطوبه وزوجك عسكري فكي الخطبه
اذا متملكه اشرطي عليه يفصل والا يعتزل <<<حلوه يعتزل ذي والا يبدل شغله والا يستقيل والا يتقاعد والا يشوف له صرفه يطلع بها من العسكريه

تخيلوا يا ناس وانتي في قمة الرومانسيه والكلام الحلو ➡

يرن الجوال

<<<< نعم <<<هذا زوجي يكلم احد الافراد عنده

<<< لا فلان لا يطلع مجازى <<<< يعني عليه جزاء

<<< قلت لا

<<< لايطلع

<<<< ان طلع انت المسئول

<<< قلت لا يطلع

<<< وش رايك تاخذ جزاء ساعتين معه انت بعد

الحين يقتنع الفرد ويسكر السماعه

تنهيده طويله من بعلي

ثم خمس دقايق عشان يرجع المود
ثم…..

يرن الجوال مره ثانيه 😉
<<< نعم

<<<< كم عمره

<<< اسحب الرخصه والاستماره والسياره

<<<< اسحب الرخصه

<<< والسياره بعد

<<<< اجل تسحب السياره وتخلي الاستماره؟؟ 😡

بالله ما تحسون انه يحاكي اصقه او غبي 😥
لو انا محل زوجي كان دخلت يدي من السماعه وزنطته

<<<لغير السعوديين زنطته بمعنى مسكته مع رقبته وطلعت بلاعيمه مع اثمه

وأمس…..آآآآآآآآآآآآه من أمس
متفننه في غداي:)

حاطه رز مكسيكي و أصابع بطاطس ودجاج مقلي ❗
<<< اللي تبي الطريقه ترسل عشر ريال على حساب رقم*********** بنك ال**** وتجيها التفاصيل على الخاص

ومكشخة عمري
جربت طريقة خفوق الشوق خلطت كريم يولاي مع بودرة وطلعت جناااااااان<<< برايفت خفوق عشر ريال حق الدعايه

بس الله يهديها ويزوجها ويرزقها درزن عيال ما قالت انه يجفف البشرة

بوما ان اختكم تعاني من جفاف البشره والعيون والمشاعر والجسم والوزن وال………. احم
المهم اني صرت كأني وحده توها نافخه كولاجين ماأقدر ابتسم من شدة الجفاف رحت غسلت ولطخت مرطبات وعدت مكياجي
وبعد ساعات من الجهد كان كل شيء معدا

ريحة الأكل
واااااااااااااااااااااااااو
وانا
ياااااااااااااااي
وكلش تماااااااااااااااام

الا اتصال من حبيب القلب
رديت بكل ميوعه: هلا
هو باستعجال: بسرعه حطي الغداء انا مستعجل باكل لقمه واطلع

مدري قال عندنا مداهمه او هدم او بلاء مدري وشو
انا اناظر في السماعه وفوق راسي ستين علامة تعجب وعلامة استفهام وحده وفاصله ونقطه لزوم البرستيج

جاء والغداء معد وجاهز وانا بابتسامه طلعت ضروس العقل اللي ورا

الصدمة قعد يتغدى ببدلته;)

انا وعلامات التعجب فوق راسي: خير ان شاء الله
هو ياكل بسرعه ولو كان الاكل باليدين الثنتين حلال كان كل بهم: العمل استدعوني وانا طالع لازم ارجع بسرعه.

انا أمد له البطاطس: ذق هذي <<< الابتسامه لازالت موجوده
هو لقمه في فمه ولقمه في يده ولقمه في الطريق: طيب الحين بذوقها

انا اشك انه يمضغ اكله: كيف الاكل؟؟
هو بعجله: ممتاز
لو أسأله اليوم وش غدانا أمس شرط ان يقول مكرونه!!!!!!!!!!!

يوم قام وامد له البطاطس :ذقها
خذها وكلها قسم بالله اشك انه مضغها وطلع

هيء هيء هيء
ما درى عن لبسي ولا حتى انتبه لمكياجي 😆 hy: 😥
<<<<< خفوووووووووووووق هاتي مكياج أقوى
خخخخخخخخخخخخخ

استخفت البنت

المهم لكل مقبله على الزواج

راجعي المكتوب اعلاه منيب فاضيه اعيد كلامي

وسلامتكم