عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يمكن من كثر ماانا مستعجلة ماضبطت الصور بس مو مشكلة اهم شي الفكرة توضح 😆 🙂
اليوم جايبة لكم طريقة رووعة وعن تجربة شخصيه ،كانت عندي فيديو ،طريقة تخلي شعرك مرة سايح وبدقائق والطريقة ماتبي احتراف ابدا
نشوف الصورة وبعدين اشرحلكم الطريقة لأن الصورة يمكن ماتكون واضحة
الأدوات المطلوبة
1- كريم للتنعيم وانا استخدم بالمرز الي فيه لمعة(قليل منه لانه ممكن يكون دهني)وتقدرين تستخدمين اي نوع للتنعيم مثل بانتين الأخضر
2-مجفف شعر اي نوع انتي متعوده عليه(انا استخدم براون)
3-كليبسات لتقسيم الشعر
4-كريم يحمي من حرارة الفلات ايرون(مكواة السيراميك)وموضروري بس عشان يخفف من الضرر وفي نوعيات كثير زي لوريال وافون
5-فلات ايرون(مكواة السيراميك)اي نوع انتي متعودة عليه انااستخدم ريفلون واحيانا براون ومشط
6-سيروم للمعة الشعر وتقدرين تستغني عنه
الطـــــــريقة
كما بالصورة
الطريقة
1-بعد ماتغسلين شعرك حطي شوي من كريم التنعيم وبعدين نعميه شوي بالسشوار اذا شعرك مرة خشن
2-حطي شوي من الكريم الحامي من الحرارة وابدأي بتقسيم شعرك زي مانتي متعودة
3-ابدأي باستخدام مكواة السيراميك لكل خصلة رفيعة بهذه الطريقة تمشطين الخصلة وتنزلين بالمكواة بنفس الوقت زي ماهو واضح بالصورة
4-بعد ماتنتهين حطي شوي سيروم قد حبة الحمص ^-^ وبس
اتمنى تكون طريقتي واضحة(كنت كاتبة على الصورة بس بما ان حجمها صغير كتبتلكم الشرح)
اتمنى اكون افدتكم^-^
