عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
انا جديده في هذا المنتدى بس كنت دايما ادخله واستفيد من مواضيعه
هالمره حبيت اشاركم وافيدكم لانكم افدتوني كثير
جايبه لكم خلطه للشعر تسوي الشعر مره رهيب استخدمت خلطات
وزيوت بس مااستفدت ابد بس لما استخدمت هالخلطه والله العظيم ماتوقعت اشوف الفرق
سبحان الله من شدة مو انا فرحانه اول مره بحاتي اشوف الفرق واستفيد من شي
قلت لكل الناس الي حواليي من شدة الفرح ولانهم شافو الفرق في شعري فالكل استخدمها
ومثل ماتوقعت نتايجهم حيل تهبل حتى بنت خالتي لما اخذتي مني الطريقه واستخدمتها شفت الفرق بعيني بشعرها
كل مره اهبل فيها واقول لها اشكريني انا خخخخخخخ
انا شعري خفيف من قدام وطايح حتى الجلده تبين ويتساقط بكثره
وفيه كسرات كثيره بس والله من جربت هالخلطه نبت من قدام بشكل سريع
ولمعان مره يجنن وصار كثيف
والكسرات راحت وصار شعري ناااااااااعم من دون استشوار وبنت خالتي
شعرها مسكينه مش ناعم من النوع الخشن وقسما بالله لما عطيتها الخلطه
طول شعرها من قدام في مدة شهرين لانه طايح من التمليس حيل حيل
شعرها تغير يعني بالاستشوار يصير حرير
طولت عليكم كثير طبعا هي خلطة حنااااااااااء
ومعروف الحناء في تنعيم الشعر
من 3 إلى 4 ملاعق حناء
بيضه واحده
ملعقة زبداي
شاي طبعا مو اورق الشاي لا شاي مسوي وصبي فوق الحناء شوي
والشي الاساسي الي انا مااستغني عنه ويا الحناء والي هو سبب في تنعيم شعري وتطويله خصوصا من قدام
خلطه تسويها بنت خالتي بس من جد حاولت يابنات اجيبها لكم بس ماترضى تعلمني وياها
تقول سريه ولو علمتها الناس ماراح استفيد شي لانها تبيعها وانا اشتريها منها بمئه ريال
بس هي خلطه فيها مجموعه من الزيوت بس مااعرفهم
انتو حاولو تحطو في خلطة الحناء اي زيت قدامك اي زيت مفيد حطي على ملعقتين
يعني كثري في الخلطه زيت زيت زيتون زيت الصبار يعني بشكل عام الزيوت المعروفه للشعر
لان الزيوت مع الحناء هو الاساس في تكثيف الشعر
وتحطي هالخلطه طبعا في الاسبوع مره اسبوعيا
وادعو لي يبنات محتاجة دعائكم كثير
