عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلاااام..🙂
بصراحة انا كتبت هذا الموضوع لأنو شايفة انو الملل والروتين مشكلة كثيير بنات بعانوا منها وأولهن أنا 💡 … وكثير بشوف انو الحياة صارت روتينية جدًا والوقت بضيع عالفاضي عشان هيك دايمًا عندي رغبة بتغيير مسار حياتي وعمل اشياء جديدة ويمكن كثير منكوا هيك لهذا السبب أنا حابة انوا كلنا نتشارك الأفكار هون عشان نغدر نتساعد ونجدد حياتنا مع بعض …
أول اشي لازم تحددي اهدافك وطموحاتك وتحددي شو حابة تغيري بحياتك واكيد كلنا رح نساعد بعض باقتراح طرق للتغيير وكسر الروتين اليومي الممل ..
أنا مثلًا كل فترة بكتب على ورقة شو الاشياء اللي مش عاجبتني بحالي وبحياتي وبدي اغيرها مثل اني التزم بالصلاة اكثر واقرا قرآن اكثر وبكتب شو اشياء حابة اعملها مثلا اتعلم الفوتوشوب ، اكتب خواطر ….. هاي الطريقة كثير بتساعدني بعد فترة بشوف شو غيرت وشو بعد لازم اغير …
بهاي الصفحة حابة انو كلنا نتشارك ونتساعد على التغيير كل وحدة تكتب شو حابة تغير وكيف بدها تكون حياتها ومع بعض رح نكتب اقتراحات وافكار للتغيير وبتمنى كل وحدة عندها افكار للتجديد وللتغيير تكتبها هون وطبعًا اللي بدها تغير بحياتها ومش عارفة كيف تكتب هون عشان نتشارك بالاقتراحات والافكار ونستفيد من بعض 😛 …
سوري عالاطالة واكيد رح ارجع بعد التفاعل … وعنجد بتمنى الكل يتفاعل بالفكرة عشان نفيد بعض ونغير مع بعض 🙁 ….
وأهم اشي لا للملل والروتين !! 😥
تحياتي..
كريستين
