عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كـــيــفــكــم ياحوامل؟؟ انشالله ربي يسهلها عليكم ويفرحكم بالذرية الصالحه… أنا المفروض حامل معاكم والشهر الجاي انتظر النونو لكن الله مااراد لي واجهضت حملي وكتبت موضوع عن اجهاضي الا اجهاضاتي المتكررة الله بتدخل على مواضيعي الله يعينها بتتعقد <<<خخخخخخ
وبما ان وضعي كـــله أجهاضات وكل ماطاح لي حمل ترفض الدكتورة تعطيني حبوب منع الحمل اتخذت القرار بعد اجهاضي الاخير اني لازم آخذها مهما كان الرفض لاني بصراحه تعبت نفسيا وجسديا ماعدت اقدر اتحمل اكثر وبعد اخذ وعطى ومشاورات وافقت الدكتورة بس قالت لاتطولين عليها لاني ماأنجبت قبل كذا وخافت تسبب لي ضعف بالمبايض قلت زين بس الله يزين النفسية
ووقع الــخـــيار على (حبوب الياسمين) وليته لم يقع….
عاد دكتورتي كانت تبي تعطيني المورفلين بس انا اصريت على الياسمين مع اني قريت موضوع وحده من الاخوات وتحذيرها عنه بس اصريت عليها والله اني كل ماأكلت حبه دعيت وقلت اللهم اعطني خيرها وأكفني شرها لكن قدر الله وماشاء فعل….
بديت فيها من نهااية شهر2 وكان الوضع اوكيه بس اللي كان يقلقني المويات الزايده قالت اختي طبيعي خليها وسألت الدكتورة قالت برضوا طبيعي المهم لما بديت بالشريط الثاني بدت معي الآلآم في المعدة والرحم وشوي شوي تزيد الآم معدتي واروح للمستشفى يقولوا التهاب ويعطوني دواء ولافاد وارجع مستشفى ثاني يقولوا جرثومه ودواء برضوا مافاد وكانوا يقولوا احتمال من حبوب منع الحمل المهم استمريت ع الحبوب 3 شهور وع المستشفيات ماخليت مستشفى ماجيته قالوا التهاب>>جرثومه>>زايدة>>احتباس براز وغازات<<الله يكرمكم ماخليت فحص ولا أشعه ماسويته كله سليمه
لين تعبت وماعدت اقدر نفسي كله طايحه واستفرغ وفي يوم من الايام باليل خلاص هلكت ماعدت اتحمل وياخذني زوجي ع المستشفى قالوا ضروري نسوي عملية منظار ونشوف ايش المشكلة وضع الآلآم مو طبيعي ووافق زوجي ع العملية لاني جيتهم مغمى علي من كثر الوجع وبعد العملية قالوا سائل حول الزايدة ماندري ايش اسبابه وسماكه في الامعاء برضوا ماندري ايش السبب وكانوا بيسووا لي عملية ثاني يوم للامعاء لكني رفضت وبصراحه مارتحت لانه مستشفى خاص ومو معقوله اسوي عمليتين ورى بعض المهم تعبت تعب مايعلم به الا اللي خلقني شفت الموت بعيوني بس الله يجعله تخفيف لذنوبي وبعده بسبوعين حجزت بمستشفى حكومي بناء على تقاريري وعادو لي جميع الفحوصات وطلعت النتيجه اللي هي زبدة موضوعي
(جلطة بالأمعاء)
والسبب الاكبر حبوب منع الحمل وانا مازلت اعمل فحوصاتي ومنعوني من موانع الحمل منعا ياتآ ومن الحمل حاليا والسبب هالياسمين الله لايعودها انشالله يعني ثلاث شهور بس وشوفوا النتيجه الحمدلله ان ربي ستر علي ونجاني منها على خير وانشالله انه بفضل الدعاء اللي كنت اقوله قبل لاكلها مع العلم ان فيه قرايب لي يستعملوها وعادي وضعهم وفيه ناس ماتتقبلها مثل زوجة اخوي رفعت عندها هرمون الحليب وتعبتها..
هاذي قصتي مع هالحبوب ونصيحه لوجه الله ياأخواتي حاولوا قدر المستطاع تبعدوا عنها واستبدلوها بغيرها هاذي نصيحتي للفراشات وغيرهم وانشالله ربي يبعدكم من كل شر ويرزقكم بالصحه والعافيه والذرية الصالحه…
لاتنسون ادعولي ان الله يشفيني ويفرجها علي ويرزقني بالذرية الصالحه وربي نفسي في نونو افرح به أنا وزوجي….
