عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساكم ورد وصباحكم فل 
ليه كم يوم ابغى اكتب لكم هذا الموضوع بس قلت ماراح اكتبه لين اتاكد ميه بالميه عشان ماتقولون عسوله
ماعندها الا الخرطي 
المهم انا صبغة شعري وكنت فرحانه فيه ياحليلي مسويه لوك جديد ومادريت هالوك بيتعب نفسيتي
لان شعري قبل لا اصبغه ماشاءالله حلووو وكثير وفجأه بعد الصبغه تعالو شوفو يابنات كيف طاح بشكل مو
طبيعي وربي جاتني صدمه من منظرة وكرهت الصبغه اللي حطيتها بشعري بس مشكلتنا مانتوب ❗
وصرت كل يوم وانا هنا مرتزة بهذا القسم اشوف خلطات البنات ويالله من وقتها جري ع العطار وهاتك خلط
وطلس ولا في فايده يمكن جلست على هذا الحال 3 اشهر او اكثر وانا ماخليت شي لدرجة شعري من
قدام طاااااااااااااح وصاير خفيف يوم امسكه احبااااط وربي واكيد اللي مجربه حاسه باللي اقوله 
وشعري مو ينزل كم شعره الا خصل خصل ياويلي ويلااااه صلعتي ياعسوله
وانا ماصدقت اطوله نص الظهر اجي اقصه ياربي ايش الحل ؟؟؟؟ وهذاك اليوم كنت جالسه مع اخواتي
واشتكي لهم معاناتي الا وتقولي اختي ليه ماتجربين زيت الثوم اللي من وادي التحل والله وقف تساقط
شعري قلت لها انتي متاكده قالت اقولك وقفلي التساقط وراح تدعيلي قلت وماله ماني خسرانه شي
اجربه وبالفعل يا بنات والله جربته ثلاث مرات بسسس والتساقط صاير شي خفيف يعني لو استخدمته
على طول راح يوقف بإذن الله 😆
اول مرة ماراح تشوفي اي تغير ثاني مرة راح تلاحظي شي بسيط لكن ثالث مرة انا انهبلت صرت اسحب
بشعري اقول الحين تنزل لي خصله ياكبرها بس الحمدلله ماشاءالله تبارك الله كم شعره الاقيهم بيدي
جربووة وماراح تندمون والله يوقف التساقط
زيت الثوم من وادي النحل تاكدي انه الاصلي من العطار او الصيدليه واستخدميه بالاسبوع من مرتين الى
ثلاث مرات وحطيه بشعرك 4 ساعات بسس
وان شاءالله يوقف وامانه اللي تجربه وينفع معاها تدعيلي الله يحفظلي عيالي من كل مكروه 
