عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم حبيباتي
كل عام وانتم بخير
خواتي اتمنى من كل قلبي الاقي عندكم حل لمشاكل بنتي
عمرها خمس سنوات
انا وابوها تطلقنا من سنتين ولاعندنا غيرها
هي عايشه عندي بس تشوف ابوها كل اسبوعين تقريبا((انا ماتزوجت لحد الآن ))
خايفه اتزوج وانحرم منها
المشكله
انها تغيرت من شهرين تقريبا
صارت تمص اصبعها
ماكنت كذا حتى وهي صغيره ماعمرها مصت اصبعها ابدا
وصارت تتكلم كأنها صغيره((يعني بكلام مو مفهوم))
وغير هذا صارت ماتسمع الكلام ولاتآكل واذا اكلت لقمتين وتقول شبعت
وصارت خوافه مستحيل تجلس بمكان لحالها
وجتها فتره ماتقدر تنام تقول اشوف ذيب يلحقني
ياربي مرررره مضيقه صدري
ياليت اللي عندها خبره تفهمني
وش فيها؟؟
اوديها لدكتور نفسي؟؟
واذا تعرفون دكتور خاص بالاطفال ياليت تدلوني انا بالرياض..
والف الف شكر مقدما
