عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته 
نصايح ابي اقولها لكم اول شي توكلي على الله ثاني شي دعا الكرب انا طول الطلق وانا ادعيه وربي احسه هون علي كثير ولاستغفار قبل الولاده وانا جبت ماء زمزم وقريت فيها ادعيه تسهيل الولاده هونت علي كثير والقرفه الدكتوره قالت اشربيها من ثاني اسبوع من التاسع وكف مريم قالت لي با الاسبوع الاخير بس كوب واحد با اليوم
نبداء الاكشن جيبو االمكسرات والشاهي ويلا نبداء
زوجي قالو له العمل عندك دوره لزوم تحضرها في منطقه تانيه مو بجدة وقالو له الدوره تبدا يوم الاثنين يعني الاحد في اليل تسافر عشان الشغل الصباح هو قال لي انا شلت هم من الاسبوع الي قبله كيف اولد وهو مو جنبي وانا اول ولاده لي ومابيه بعيد عني صح اهلي وماما عندي بس ابي زوجي وصرت ادعي واستغفر بنيه انو اولد وهو عندي وجا يوم السبت رحت عند اهلي وشربت كف مريم وماني حاسه باي بوادر ولاده ورحت مع زوجي عزيز مول ومشيت مشي لمن قلت امين واستغفر وادعي ورحت بيتي وعديت على بيت اهل زوجي ساكنين تحتي وشربت قرفه وجلست لازوجي مو مرتاح قال امشي نروح مخطط نمشي ورحت مخطط مشيت مشيت مشيت 😆
ولا في اي بوادر وقلت شكله مافي امل اولد وهو جمبي ورحت البيت وتعشيت ونمت 👿
وقمت الساعه 2 مغص بسيط يروح ويجي كل فتره واقول لزوجي يقولي استغفري واستغفر وعنده دوام الساعه 8 الصباح وانا المغص يوروح ويجي وقلت شكله تعاديل ابي انزل عند اهل زوجي ابي اشرب قرفه اذا ولاده يزيد واذا تعاديل يروح وانزل والاقي احت زوجي وعمتي وقلت ابي قرفه قالو تعبانه قلت مره انا من النوع الي اتحمل 😛
وعمتي تقول اطلع اصحي زوجك اقولها لا بدري وهي خايفه اكثر مني المهم مالكم با الطويله وامشي با المجلس واكلت رطب وشربت القرفه صار يزيد مره يزيد ويقرب من بعض انا صابره اخت زوجي تقول خلاص قلت لهم لا يقلون بنات المنتدى لمن يصير بين طلقه والتانيه 3 دقايق وانا مااحسب بس اشوفه يجي ويروح مافيني احسب ولمن اذن الفجر قلت لهم خلاص ماقدر روحو صحوه وقام وصلى وصليت ودعيت ورحت عند ماما الله يخليها لي ومام من زمان تقول نامي عندي بس انا عشان زوجي اخر يوم له قلت ابي اجلس معاه سبحان الله وعدينا على ماما ورحت المستشفى الاطباء الساعه 6 ونص وصلت اول وحده افتتحت المستشفى المهم ودخلت طوارى وقالت نزل عليك شي قلت ولا شي قامت كشفت وقالت اربع سانتي انا استانست وخفت بس انا صبرت على نفسي با البيت ماستعجلت ابدن والقرفه ساعدت على انو يزيد الطلق ويفتح الرحم المهم
وقالت يلا اطلعي غرفه الولاده وشالوني بكرسي ودخلت الولاده وهاتك انواع الطلوق وانا صابره ادعي واشرب مويه زمزم واقرى ودعي وقالت لي السستر لزوم تروحي حمام الله يكرمكم وانا لا دخلت الحمام وربي وربي اني ارتاح في الحمام مابي اخرج منه لان النومه على السرير والطلق معاكي متعبه جدن عشان كذا اقولكم لا تروحون بدري اصبرو كله كوم والتخطيط كوم وجع كرهته 😎
المهم وجات السستر تسحبني انا والمغذي على يدي على السرير وانا اقولها الحمام قالت اخر مره ورحت الحمام مافيني شي بس مابي السرير ابي اوقف من الالم وماما تجي تدق الباب تقول اقولك افتحي وزوجي يقول اخرجي لا تولدي با الحمام وماافتح مابي ارجع للتخطيط وجع
طلعت عينهم وبعد معاناه طلعت من الحمام وانا معصبه ومين لقيت لقيت السستر الدوبا ام ظل وردي وتنافخ علي تقول هذا طلق تبين تولدي بكرسي الحمام وانا اتكلم جاتني المغصه وقلت لها ابي احمام قالت مافي وتجرني وانا اقولها الله يخليك وتقول مافي هذا طلق وانا خلاص انهرت وزوجي اومي يهدون على انا اابي حمام في النهايه مادخلت 😛
وانسدحت وتوكلت على ربي وادعي وهي تروح وتجي وزوجي بيروح العمل ماما قالت له روح قال شوي واستاذن والمهم راح وانا مع الطلق حرب ومحارب
اذا جات الطلقه اقول لماما جات جات واعض يدها لو راحت ابوس يدها اقولها والله اسف واتاسف وادي واطالع با الساعه الا الساعه 8 ونص واصبر لمن 9 واقول اذا راحت الطلقه ماما تتوقعي اولد قبل الضهر ماما تقولي مادري وابكي اقولها لا ابي اولد خلاص ماعاد اقدر ويزيد الالم انا اقرى وادعي يارب بس ماصارخت ابدن ماما تقول صارخي اقولها لو صارخت المشكله تكبر وماما تقول صارخي عشان يجون الممرضه تجي اقولها خلاص بولد تقول لسع وانا هنا انهار اقولها طيب خلي احد يكشف وجات حقت الطوارى تبي تكشف لان دكتورتي ماترد عليهم وجات حقت الطوارى واسك رجلي ماابيها ترى للمعلوميه كذاب الي يقول الكشف يعور با العكس يفتح الرحم وقالت 7 سانتي الا شويا تنزل مويه الراس ويزيد الطلق لكن الحمد مع الدعاء والصبر يهون كل شي وتجي دكتوره الي بتولدني لان نبض البيبي قل وانا الرحم عندي بس 8 سانتي 
وقالت ولاده ولبست البس وانا هنا كانهم كبو مويه بارده ولبست ازرق وماما تقرى عليا تقرى وانا اقرى وادعي وماصارخ ولا شي ولا ركبو الي يرفعو عليها الرجول وطيرو رجي الا زوجي يدخل ويجلس عند راسي ويدعي
صارت تقول لا جات الطلقه ادفعي اقولها طيب تجي الطلقه صرت اشفط نفس انا ماني عارفه ام ضل وردي كسرو يدها صارت تضغط على بطني هي وحده تانيه باقوى ماعندها عشان النونتي ماتطلع فوق ترجع وانا هنا ماحسيت باي شي بس ابيهم يخلطون
وتقول يلا مدام ادفعي وزوجي وماما واربع ممرضات يلا بوش بوش وانا اشفط الدكتوره قالت توقف النبض تبي تخوفني ودفعت وقالت وده تانيه وادفع وقالت مايجي اقوى اقوى انا فاتحه فمي مافي دفع لاني جسمي ضعيف وصارت مام تبكي مافيني دفع المهم وامسك با الحديده الي عند راسه وادفع الدفعه الي هيا وطلعت احلى دانه با الدنيا لبى روحها 
وكانت الساعه عشره وشي
هذا كله ومادتني كمامه ليش لان البيبي نبضه مو منتضه وبعد ماولدت بتخيط صرت ارجع الله يكرمكم 
وقالت ماقدر اديها بنج ابي اخيط كذا مع الكمامه اخذت الكمامه ازيد ارجع وشالو الكمامه وخيطتني وانواع الاهات بس مو الام الي مره بس تكت الابره بس انا من غير بنج لكن كله باجره الحمد الله
وبس والحمد الله صارت عندي احلى بنت با الدنيا ربي يخليها 👿
لكن انا كنت شايله هم التوسع وربي ماحسيت فيها ولا ادري عنها مع الطلق وعليكم با الدعا
والله يسهل لكل حامل يارب ويرزق كل محرومه الحمل والحين بدينا بمعاناة الخياطة لكن الحمد الله على النعمه 
والحمد الله زوجي شاف بنته وسافر وطمن علي ويجي كل خميس وجمعه وهذي نتايج الاستغفار يابنات
