مشكلتي بدأت من يوم ما أنخطبت بنت عمي [ حسوا فيني ]

كيفكم خوآتي عساكم بخير إن شاءالله ..

بعد تفكير قررت أكتب هالموضوع اللي مأرقني و بشكل محد يتخيله ..

أنا عمري 23 سنة متخرجة من الجامعه
و أعتبر أكبر بنت في العائلة سواء من ناحية بنات أعمامي أو بنات خوالي

و الكل متوقع أن أنا أول وحده بتتزوج بالعيله لأني الكبيرة و كان هالشي مضايقني كثير لدرجة وين ما أروح
العيون كلها علي أنا و كله دق بالكلام و ما إلى ذلك ..

نجي للموضوعي : من قبل شهرين تقريباً بنت عمي عمرها 15 سنه إنخطبت
و ماشاءالله تبارك الله الله تمم لها و سوت الملكة و مشيت أمورها على خير

لكن

أمها تدق على أمي يومياً و تعطيها أدق التفاصيل عن حياة بنتها
و ترمي على أمي كلام ( تقصدني فيه ) لكن أمي ممشية الأمور و عادي

و اللي حز في خاطري يوم ملكة بنت عمي دقيت عليها و باركت لها و كنت فرحانه
ما تتخيلوا قد ايش كنت أعتبرها مثل أختي و جلست أغطرف لكن هي أبداً ما هي راضية تتفاعل معاي

حسستني كأني وحده خفيفة مسكينة مثيرة للشفقة من أسلوبها
والله حتى لما سألتها كيف حالك , ردت علي : الحممممممممد لله و رفعت صوتها
جلست أقول في نفسي لا يكون تحسبني من نوعية البنات اللي يسألوا عن شكل الزوج
رحت أنهيت المكالمة و حلفت ما أكلمها مرا ثانية و أسأل عن حالها إلا في المناسبات ..

أمها دقت علي قبل كم يوم
و الحمدلله ما كنت عند جوالي و ما رديت عليها ..

و على فكرة أمها كانت دايم تجيب لي عرسان عاطلين و فيهم عيوب الدنيا
و ترضاها علينا لكن ما ترضاها على بنتها..

الحين نفسيتي مرا تعبت من هالموضوع نحفت بشكل محد يتيخله
و زني 45 المفروض يكون 55

أتحسس من كلمة[ عقبالك ] بشكل محد يتخيله لدرجة ممكن أبكي منها

و أمي تقول أننا بنسافر على الحج عشان نروح نسلم عليهم
و مرا شايله هم الدق بالكلام
و شايله هم نظرات الشفقة لي

و فوق هذا كله شايله هم كلام جدتي ><

كل يوم أدعي في صلاتي و أحس براحه لكن بمجرد ما أخلص ترجع لي الأفكار هذه ..

و اللي زاد الطين بله بنت خالي أصغر مني بسنه وحده و نفس الشي ما شاءالله ربي تمم لها
لكن محد قلي و جاني الموضوع لما كنت في عزيمة و أنواع النظرات و أنواع الدق بالكلام

و كلهم يهجموا علي ليه ما أتوظفتي ليه محد يقبلك و كأنهم يصرفون علي من جيبهم

و الحين متمشكلة مع أمي و كارها نفسي 😀