بنتي والاسهال الله يكرمكم

كيفكم .. ان شاءالله بصحه وعافيه انتوا وجناينكم

حبيت استشيركم في بنتي مالي احد هنا اهلي في ديره ثانيه
وهي اول مولوده بالنسبه لي ولا اعرف اتصرف

الله يحفظ لكم اولادكم من كل شر بنتي في نهايه الشهر الخامس جاها اسهال وانتوا بالكرامه .. كانت تبرز في اليوم تقريبا 10 مرات
وديتها للمستشفى قالوا نزله معويه واعطانا ادويه ومحلول الجفاف
استمر معها الاسهال وبدا يخف شوي شوي ..
ووقف تقريبا اسبوع بعدين رجع وبرضه رحت للمستشفى فقال ماراح اتعبها بالادويه
واعطانا حليب خاص بالاسهال وقال ثلاث ايام اذا ماخفت جيبوا عينه من برزاها ونسوي تحليل .. لكني قلت بستمر عالحليب تبع الاسهال اسبوع وفعلا خفت ووقفته ورجعت لحليبها
جلست تقريبا اسبوعين واللحين رجع معها الاسهال بشكل كبير كل مااكلت تبرز
اللحين باقي لها يومين وتكمل الست الشهور وتدخل السابع الله ييخليها لي
يعني طول الشهر السادس وهي اسهال يخف شوي ويرجع وعلى هالحاله

امي تقول يمكن تسنين ماادري بس زوجي يقول لثتها منتفخه شويه وصحيح هي طايحه
بالعض وكثير تسعبل وتعضض لسانها وفمها

لكني مو عارفه وش قصتها خصوصا انها اول تجربه امومه في حياتي هالبنت

البارح زكمت وشكله جاها التهاب بحلقها لانها حاليا تغصص واحسها ماتعرف تبلع
قلت لزوجي البارح بالليل وديها الطوارئ قال خليها بكره

واللحين ياحياتي ذابحها هالاسهال وغير الزكام وحلقها احسها مسكينه مو عارفه تنام شوي ببكي
بس مصبره نفسي

وعلى فكره فيها حراره خفيفه جدااا وعطيتها شراب خافض للحراره كل ثمان ساعات

ونويت الله يعوقني بشر اوديها المستشفى في الصباح ان شاءالله

ماادري اللي عنده خبره هل بنتي فيها تسنين والا شنو

الله يجزاكم خير ريحوني وانصحوني ودلوني على حاجه تساعد على وقف الاسهال

يارب بين الاذان والاقامه اشفي بنتي شفاء عاجلا لا سقم بعده