عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح مساء الووورد ➡
الحمد الله كما ينبغي لجلال وجهه وعظيم سلطانه
انا كنت معكم بقسم الحوامل بموضوع حملي والفيروس والله ضايق صدري http://satfrequencies.com/girls/alfrasha13/thread1328792/
وادري ضيقت صدوركم واشغلتكم معاي
ابشركم ولدت يوم الاربعاء 511 بالسلامه وجبت احلى بنوته ( رغد)
واشكر من كل قلبي الي مروا بموضوعي وردو ولو بكلمه تجبر خاطري وتطمني والي دعوا لي بظهر الغيب
وبجد متدى الفراشه قمة من ناحية تفاعل العضوات ودعمهم ليعض واخص بالذكر
اخواتي
دلوعة ابوها
ام المستقبل
قلب حبيبها
myprince555
همسات الطيف
lamyae_2 ]وكل البنات اشكرهم واسال المولى ان يرزقهم بالذرية الصالحه ويتمم لهم على خير
وبحيلكم قصة ولادتي ع السريع ..
يوم الثلاثاء بالليل اخذت ابرة الهيبارين وهي مسيله للدم وكنت اخذها طول الحمل ( ذكرت لكم الابره لان لها دور كبير في قصة ولادتي )
بعد ما نمت بساعه على 12 نزلت مني مويه 😐
انا جتني ام الركب عرفت انها ولادة ومن الخوف رجعت نمت ➡ وكل ساعه اروح دورة المياه اغير من المويه وارجع انام مدري وش جاني على النوم هروووب من الواقع
المهم قمت من 5 الفجر واتجهز واقرا سورة مريم واصحي زوجي واقوله يلا ولاااااااااااده انبسط مررره وقال الحمد الله يا حليله شكلي غاثته انا وكرشتي
رحت وانا حاطه ببالي اني باخذ ابرة الظهر
وكل ما سمعت وحده تصارخ اقول الله يعينها الحمد الله باخذ الابره وارتاح من الالم ما دريت وش بيصير بعدين
وبعد ما تنومت كشفت الدكتوره وكانت الصدمة الاولي
الراس ما نزل بالحوض وتقول الراس مررره بعيد >> تتبطح كل التاسع ما مشت ولا مره
الصدمه الثانيه المويه نازله من فتره طويله وخطر ع البيبي لازم يودلودني بسرعه
الصدمه الثالثه ابرة الهيبارين الي اخذتها ما راح مفعولها وخطر اولد يصير نزيف لاقدر الله
وصدمة حياتي دكتور التخدير ما قدر يعطيني ابرة الظهر خوفا من النزيف 
واحتارو الدكاتره بامري انا وكلت امري لله وكل همي تجي بنتي بالسلامه
المهم خلوني تحت الملاحظه من 8 الصباح الى 4 العصر بعدها عطوني طلق صناعي وعيونكم ما تشوف الا النور حتى ابرة المسكن الي بالحوض ما عطوني خايفين علي
والحمد الله تسهلت وربي فرجها علي 9 ولدت بنتي الله يحفظها
وبعد مخاوف طول التسع شهور الحمد الله شفت بنتي بصحه وعافيه ونصيحه لكل من يقرا موضوعي كلام الدكاتره مو كتاب منزل
الي ربي كاتبه هو الي بيصير واهم شي التوكل على الله وحسن الظن بالله والرضا بالقضاء والقدر
اعذروني على الاطاله ….
