بنات تعالو شوفو وش اعترفلي زوجي به

السلام عليكم ورحمه الله وبركاته
والله ماني عارفه من وين ابدا ولا وش اقول
بنات انا كنت حامل بالاسبوع الاخير حسيت بالام يوم السبت اخر الليل دقيت على زوجيوكان في الاستراحه مع زملائه والاخ كان في حاله سكرقلتله تعبانه
قال الحين جاي و رحت المستشفى قالوا لازم تنويم 24ساعه
تنومت وعيالي في البيت 3 اطفال مع الشغاله كلمني زوجي في الصبح
قلت وينك
قال باقي في الاستراحه وبروح البيت الحين
قلت له لاتروح وانت بهالحاله
قال ليش
قلت انت عارف انك سكران ولا ابي العيال يشفونك وانت بهالحاله<<<<طبعا انا خايفه على الشغاله لاكن ماحبيت افتح عيونه عليها لانه سكران وانتو تعرفون كيف لازم نتعامل مع السكران ؛حسبي الله ونعم الوكيل؛
قام قال خايفه على العيال ولا على الشغاله
قلت كلهم
قال عنادا لك باروح تدرين ليش لانك عديمه ثقه فيه
طبعا كسر كلامي وراح البيت
جلست ادق عليه وعلى تلفون البيت مااحد يرد
نغزني قلبي وجلست ادعي ربي ان عيالي مايتضررون بشي
حسيت انه سوا مع الشغاله شي
رجعت البيت وحلفته اذا سوا شي ولا لا قال يا مخلوقه ماصار شي وانتي ليش مانتي واثقه فيني
وكل مافتحت الموضوع هذا معاه انقلب وجهه
قمت سكت عن الموضوع
وعدا يومين جاء قال انا ابي اصارحك بشي بس اوعديني ان الموضوع بيتقفل نهائيا
قلت اوعدك انه راح يتقفل
بس وشو الموضوع
قال انا حاولت في الشغاله وانتي بالمستشفى بس والله والله والله ماصار بيني وبينها شي
قلت كيف يعني
قال سحبتها واختليت فيها لاكن كنت مكثر في الشراب الى درجه ان الله يكرمكم(ذكره)ماقام <<اعذروني على الكلام لاكن ابيكم تفهمون علي بالتفصيل
قمت بكيت وعصبت
وقام يبكي ويعتذر مني ويحلف لي على المصحف انه ماعاد تتكرر
وقام يقول سامحيني
قلت ماراح اسامح الا اذا بطلت شراب
قال والله لا ابطله بس اصبري عليه شوي
طبعا جلست تقريبا اسبوع وانا تعبانه نفسيا
طبعا قاعد يقول انا ماادري كيف اشكرك على مسامحتك ليه وعلى سترك للموضوع والله ماادري وشلون اجازيك
ومن هالكلام
قلت لانكجيت بنفسك و اعترفتلي مشيت الموضوع والله لو عرفته انا من نفسي اني ماراح اسامحك لو تجلست تعتذر الدهر كله
وبعد الاسبوع ولدت والحمد لله
وجلست اسبوعين
وانا مقفله على الموضوع
بعدها جاتني بنتي عمرها 8سنوات تقول يامامه ابي اقلك سر
قلت وشو قالت قالتلي الشغاله ان ابوي سوا…وسوا….وسوا…<<<<صراحه يابنات كلام ماينقال
انا هنا انفجرت
حسبي الله عليها اللي فتحت البنت على شي ماتدري وشو
قمت قلت خلاص اذا جاء ابوكي قليله
قالت اخاف تسير مشكله بينك وبينه كبيره وتزعلين
قلت لا معليكي
والحين ابوها مسافر
طبعا دقيت عليه وانفجرت بالكلام
قلت اصلك واطي وكذاب جاتني الشغاله واعترفت بكل شي وانت وانت وانت وقفلت السماعه <<<طبعا كان معاه ناس ماقدر ياخذ راحته بالكلام
بنات امانه لكل من قرت قصتي لو تعطينني دعوه يمكن تصادف ساعه استجابه
تكفون مالي الا الله ثم انتم لا تتركوني تكفون وش اسوي
لاتقلون كان رحتي لا اهلك لاني وضعي مختلف امي مطلقه ومتزوجه من رجل وساكنه بعيد
وابوي متوفي واخواني مايطيقوني لاني من ام وهم من ام
وعمتي اللهم ياكافي لوانتخيتها راحت تتشمت فيه عند اللي يسوى واللي مايسوى
وزوجي باقلكم عن طبعه بشكل عام هوه انسان جدا طيب ووقف معايه في شغلات كثيره واحبه ويحبني حتى مشاكل مع اهله صارت لي ووقف معايه فيها ماقال هذولا اهلي ومادري وشو
وكريم الى ابعد درجه ويصلي ويصوم اللهم اللي فيه مو حلو انه من فتره الى فتره يشرب وحاولت بشتى الطرق اخليه يبطل مو راضي
فياليت اللي عنده حل لموضوعي تتكرم وتكتبه والله ضاقت بي الدنيا