عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قصت ولادتي يوم الاثنين 2931431<<< بدري 😈
من زمااااااااااان بكتب بس ما عندي وقت للكتابه<<< 😛
طبعن كل يوم ادخل التجمع اسولف مليت مو بس انا حتى الاداره ملت كل اسبوع تقفل التجمع وتفتح من جديد ملوووووو
يبونا نفك البقشه بس ما فيه امل
اذكر باقي 3 ايام واخلص ولا فيه بوادر ولادة الطلق معي بس خفيف << 😳
طبعن مارحت لاهلي خايفه اولد بالطريق من زود الطفش قلت بروح واغير جو رحت لاهلي يوم الاربعاء الخميس طلعنا للبر
انا استانست امشي بالنفود بدون جزم (وانتم بكرامه)
لا وباااااااااارد لاني بكل حمل احس بحراره برجولي لادرجت انقعهم بثلج وماء بارد<<بقولكم طريقه للي تشتكي مثلي
ثلجي علبة مويا وطلعيها والعبي برجولك عليها تخفف عنك شوي<<ان شاء الله فهمتوو
نكمل مشيت مشي ماحسيت الا بطني يشد
وانا مبسوطه بعد ما رجعنا للبيت ابي انام موقااادره من الالم كل ليلي اتقلب ماقدر اقول بنفسي بتحمل ما ابي اكرر غلطتي بولادتي الاولى
بدا ينزل معي دم وانتم بكرامه والم متقطع كان يوم الجمعه
جاء السبت زاااااااااااااد لادرجت ما اتحمل وكنت ساكته اتهرب ما ابي اروح للمستشفى
طبعن لا اكل زين ولانوم ما اقدر من الطلق
جاء يوم الاحد عجزززززززززززززت الم ماقدرت اقوم شل ارجولي مااقدر اتحرك وللحين معي الدم وانتم بكرامه
شرب كاس حلبه << يقولوووون زين يحرك الطلق ويفتح الرحم
دقيت على دكتورتي<<بدري
وقلت لها قالت وش تنتظرين ولاااااده لايكون المشيمه فيها شي <<انواع البرود فيني انتبهوووو لاتغلطون مثلي
قبل اروح لبست فوطه وانتم بكرامه كنت منقعه حتيته قبل وصبيت مويتها على الفوطه
رحت الساعه 12 بليل <<<اكررررررره ولادة الليل ررررعب بشكل مو طبيعي
كشفت قالت مفتوح 2 ونص فقط<<كل هالاااااااااااالم وبس 2ونص
بكيت قلت بطلع قالت وقعي انتي عمليه قبل واذا صار لك لك شي على مسؤليتك لو رجعتي ماراح نستقبلك
طبعن وافقت اجلس عندهم خفت يكون فيه شي<<<
طلعت فوق تنويم جلست اقراء قران وادعي ما اقدر انااااااام اللم مو طبيعي جابو التخطيط وركبوه وراحو
الساعه 3 جات واكشفت قالت يالله تحت ولاده…<<هنا قلبي يدق من الخوووف
ممنوع يعطوني طلق صناعي لاني قيصريه قبل<<
جت واكشفت وانفجرت موية الطفل هنا اشدت الطلق
وقف على 5سم
طلبتهم امشي وافقت وقعد امشي واذا سمعت صراااااخ قعدت ابكي واذا سمعت صرخة طفل فررررحة
ارسلت لزووجي وبعده قفلت جوالي ورحت للغرفه ورجعو التخطيط وبدا الهم
الدكتوره العسل انتهت مناوبتها هي والممرضه علمتني طريقة التنفس الصح علشان ما احس بالطلق
وطبقتها والله صار الالم يخف بدوووووون صرااااخ
استلمت دكتورررررررررره اااااااااااااه وش اقول هي والممرضه<< تعامل زززفت بس ينااافخون
الساعه 7 جاء الاستشاري والرحم مو راضي ينفتح
قلت للدكتور ابي عمليه وهو رااايق مررره قاعد يهاوشني ليش معك فقر دم ليش ماتعالجتي وانا والله كل الطرق سويتها مو راضي يرتفع معي
واقعد اصرخ عليه انت دكتور فاااضي ابي عمليه قال اقل شي راح تحتاجين لخمس اكياس دم
فما اقدر حاااااولي تجيبي طبيعي تخيلو تعبانه مررره من يوم الجمعه جلست ادعي
يوم جت الدكتوره تكشف اترجهاااابي عمليه وهي تصرخ بوجهي لاااااااااااااااااا
تقول تحملي الساعه 8 مت من الالم خلااااااااااااص مو قاااادره الا واسمع صوت صراااااااااااخ
من الخووووووووف برد الطلق<<< الله يسامحها
بكيت دعيت دعاااااااااء عجيب والله يابنات دعاااااءلاتنسوووونه
دعاء ذا نون والله تشووووفونه بانفسكم
فجاءه حسيت شي انفجر بقوووووووه مني انا انهبلت على بالي انزف
قعدت اصرخ انادي مااحد جاء بعدين جت الدكتوره قالت طبيعي هذا المويا وبدالدفع وهي تهاوش لاتدفعين
شي غصب عني قااااعده ادفع للساعه 11 جات الدكتوره قالت يالله لغرفة العمليات موتبين عمليه يالله
بكيت من الصبح اترجاكم يوم مت تدخلوني العمليات قعدت ادعي عليهم
دخلت غرفه مو غرفة العمليات اللي دخلتها قبل هذي غير
وبداينزلن جزء من السرير ويرفعونه ويلبسوني زي البنطلون المقطع لكل رجل
قالت يالله ادفعي اذا جاك الطلق وادفع بس من كثر التعب يهاوشوني مااشوف الا دعاء ذاالنون قدااااااااااامي
اغمى علي ماحسيت الا بكفوف لا مااااماااا جت الممرضه تضغط على بطني
صحيت وشبكو المغذي وحطو فيني الاكسجين بعده بديت ادفع مو قااادره ما اشوف قدامي الاسواد جابو
شي علشان يشفطون البيبي يساعدوني بالولاده ولادت الحمدالله اسمعهم زي الحلم مبرروك جبتي عرووووسه
11ونص ولادت الحمد الله طلعت زي الورم براسه بنوتي من الشفط بس الحمدالله رااااح
بصمت على الاوارق اثبات اني جبت بنت واطالع بنتي بدت التنظيف والخياطه عالم ثاني<<<بجد تعبت
بعدها تجمدت من البرد ونقلوني للانتظار ثلاث بطانيت وارجف من البردعطوني مسكن بس ابي اشرب مااااااء
شفت بنتي العصر طلعت لغرفتي لساعه 9 وطلعت للبيت نمت نومت تعب من بكره صيااااح من المغص ولاده ثانيه بس بدون طفل
نصااائح
لاتفكرين بالحمل الا الدم عندك 12انتبهوووو
توكلي على الله وكثري من دعاء ذاالنون والله له فرج كبيرررررررررر
استودعي نفسك وطفلك انالله يحفظكم
لاتشربين شي الولاده اذا تسهلت لوكاس ماء من بدا الطلق وانا اشرب كمون وقرفه اخر شي حلبه
لاتنسون حطو قطران على المنديل وشموه حتى بوقت الولاده معي علشان الشمم خايفه
لاتنسون خواتنا اللي ماعندهم اطفال والله دعيتلهم لاتنسونهم من دعائكم ان ربي يفرحهم
لاتشربون ماء بعد الولاده والا بيجيكم ما جاني ولاده ثانيه اطلبو شاي ساخن او حليب
اخيرااااا زينو انفسكم تراالولاده الطبيعيه غيررررررررر
اهتمو بانفسكم بلبس الشراب لاينزل من رجلينك ابد الا وقت التبديل بشراب ثاني ولاتسون لفو على روسكم لو شيله ثقيله
ابعدو عن الحلااااااااااااا ترااه دمار هو والفواكه والخضار وخليكم على البر وابعدو عن الدهون
اكتفو بزيت الزيتون البطن نصيحه ما مثل الشماغ للبطن
الشاي اشربيه بدون سكر عودي نفسك
اكلك كله بر فقط …
دواء القهوه + الاكل + الحليب كل الاربعين <<لامانه انا شاريته من وحده ثقه اسعارها معقوله بس الله يوفقها
وربي تدعون لي كثيرررررررر تعاااملو معها
لاتنسين الوضوء(ارطاء +قشر رمان) بعد 15 يوم يستخدم<< اللي تبي الطريقه تقول
خلطات الشاي(زنجبيل+قشر قهوه+شمر)+++(طبيخة امي خلطتها لي)++ خلطات ثااانيه وبس
تراااااي نااااصحه لكم لانكم خواااتي واحب لكم الخير
(بنات اللي تبي دواء النفاس ترسل خاص )
دعواتكم لي ان الله يحفظ بناتي ويصلحهن ويخليهن ويسخر لي زوجي ويعاافيني 
